Nehemías 2:10 - Chayahuita (Shahui)

¹⁰ Ina parti cato huaꞌanoꞌsa yaꞌhuëpi: Sanparato, Topiasë, inapita itopisoꞌ. Sanparatosoꞌ Oron piyapi. Yaꞌhuërëꞌ Topiasësoꞌ, Amon piyapi. Inapitasoꞌ israiroꞌsa catahuaꞌhuaso marëꞌ huëꞌsarahuëso natantahuatonaꞌ, paꞌpi noꞌhuitopi.

Nehemías 2:10 ပူးပေါင်းရင်းမြစ်များ

Nehemías 2:19

Sanparato, Topiasë, inapitaso napoaponahuë nocanatonacoi, tëhuarinacoi: —¿Maꞌcha canpitanta inaquë yaniantarama nicaya? ¡Copirno ipora noꞌhuitomaꞌ, co huachi yanatëantaramahuëꞌ! itërinacoi. Aꞌna huaꞌaontaꞌ, tëhuarincoi. Inaso Arapia piyapi. Quisimo itopi.

Nehemías 4:7

Inapotëraisoꞌ, Sanparato, Topiasë, arapiaroꞌsaꞌ, amonoꞌsaꞌ, asototoroꞌsaꞌ, inapitanta natantopi. Co huachi intoparan yaꞌconacaisohuëꞌ nipachina, naꞌcon naꞌcon noꞌhuitopi.

Proverbios 27:4

Piyapi noꞌhuitohuachinasoꞌ, co tënorotochináchinhuëꞌ cancantërin. Paꞌpi huënocatohuachinantaꞌ, maꞌsha ataꞌhuantochináchin niconin. Noyapatatona noꞌhuitohuachinasoꞌ napoaponahuëꞌ, aquë aquëtë co ahuantacasohuëꞌ nisarin.

Hechos 4:2

Piyapiꞌsaꞌ aꞌchintopiso marëꞌ noꞌhuipi. “Quisoso nanpiantarin niꞌton, nanpiantacasoꞌ yaꞌhuërin,” topiso marëꞌ noꞌhuipi.

Hechos 5:24

Natanahuatonaꞌ, ponisiaroꞌsaꞌ huaꞌanën, corto huaꞌanoꞌsaꞌ chini chiníquën nanantopisopita, inapita paꞌyanpi. Paꞌyanahuatonaꞌ, ninontopi. “¿Intoacha pacaiya? ¿Maꞌtaꞌ onpoapona napoapi?” nitopi.