Nehemías 1:3 - Chayahuita (Shahui)

³ “Inapitaso yaꞌhuëaponaraihuëꞌ, naꞌcon parisitapi. Ninano pairanën ohuatopiquëranchin yaꞌhuëarin. Yaꞌcoana onconanoꞌsantaꞌ, iráca ahuiquitopi. Inapoatona taparo nisapi,” itërinco iyahuë.

Nehemías 1:3 ပူးပေါင်းရင်းမြစ်များ

2 Reyes 25:10

Sontaronënpitarintaꞌ, ninano pairanën ohuatopi.

Nehemías 2:13

Naporo tashi chachin motopiana yaꞌcoana, itopitaquëchin pipirahuë. Panca yaꞌhuan huinan itopiquë paꞌsarahuë. Ina quëran amoro inquinan yaꞌcoana itopiquë paantarahuë. Papo pochin ninano pairanën nírarahuë. Yaꞌipi ohuatopi. Onconanënpitanta iráca ahuiquitopi nírarahuë.

Nehemías 2:17

Naporoꞌ shaꞌhuitërahuë huachi: —Yaꞌipinpoa naponin yaꞌhuëarëhuasoꞌ, nitotërëhuaꞌ. Quirosarin ninanoquë pëiroꞌsa ohuatëraꞌpiapi. Paira onconanënpitanta iráca ahuiquitopi. Napoaton sacai yaꞌhuëarëhuaꞌ. Ninano pairanën acoantaꞌhuaso marëꞌ huëꞌnahuë. Huëco canpitanta nicatahuatëhua aꞌcanhuaꞌ. Inapotohuatëhua co huachi tëhuáponënpoahuëꞌ, itërahuë.

Nehemías 2:3

—Quëmasoꞌ huaꞌanëhuënquën. Nanpimiataton huaꞌanëntocoi. Iráca shimashonëhuëpita Quirosarinquë yaꞌhuëpi. Chiminpachinara, inaquëranchin nipaꞌpitopi. Inasoꞌ ninano pairanën, inimicoroꞌsari iráca ohuatopi. Onconanënpitanta ahuiquitopi. Ipora huanta ina chachin nisárin. ¡Napoaton iporasoꞌ, co nanitërahuëꞌ capa cancantaꞌhuasoꞌ! itërahuë. —¿Ma quërancha catahuainquën nicaya? itërinco copirno. Napotohuachincora, Yosë inápaquë yaꞌhuërinso nontahuato copirno natanahuë: —Noya niꞌpatancosoꞌ, onpopionta Cotia parti aꞌpaco pantaꞌi. Inaquë paato Quirosarin ninano anoyatontaꞌi, itërahuë.

Isaías 43:28

Corto huaꞌanoꞌsantaꞌ, pëinëhuëquë sacatopi. Inapopirinahuëꞌ, co noyahuëꞌ nipiso marëꞌ nocanahuë. Napoaton israiroꞌsanquëmaso Cacopo quëran pipipiramahuëꞌ, inimiconëmapitari ataꞌhuantatënënquëmaꞌ, atapanaponënquëmaꞌ,” itërin.

Isaías 5:5

Noyapaꞌ. Naporin niꞌquëhuarëꞌ, oparonëhuë maꞌsona onpotaꞌhuasoꞌ yonquirahuësoꞌ, shaꞌhuitaranquëmaꞌ: Nahuan shatërahuëso oquitarahuë yaꞌcontatona tapiinaꞌ. Pairanënta oquitohuato, pëꞌtahuaroꞌsari yaꞌcontatonaꞌ, toꞌqui toꞌquichinaꞌ.