Nehemías 1:10 - Chayahuita (Shahui)

¹⁰ Quiyasoꞌ quëma piyapinënpitacoi. Chini chiníquën nanantaton Iquipito quëran ocoirancoi.

Nehemías 1:10 ပူးပေါင်းရင်းမြစ်များ

Salmos 89:14

Quëmasoꞌ noya coisë pochin niꞌton, noꞌtëquënáchin yonquiran. Napopináchin piyapiꞌsa nicaton, maꞌsona onpotacasoꞌ noꞌtëquën shaꞌhuiran. Nosorotëransoꞌ, co nisha nisha cancantëransohuëꞌ, ina pochin ninansoꞌ co aꞌporinquënhuëꞌ.

Éxodo 15:13

Paꞌpi nosoromiatërancoi niꞌton, nichaꞌërancoi. Chiníquën nanantaton quëparancoi. Yaꞌhuëcaꞌhuaiso marëꞌ huayonanquë chachin quëparancoi.

Éxodo 32:11

Moisësëso napoaponahuëꞌ, noyasha nontaton Sinioro itapon: —Ama Sinioro napotëquësohuëꞌ, chiníquën nanantaton nani Iquipito quëran israiroꞌsa ocoiran.

Éxodo 6:1

Moisësëri napotohuachina, Yosëso tapon: —Tëhuënchachin Iquipito copirno anaꞌintomiatërahuësoꞌ, niꞌsaran. Naporo co ahuantatonhuëꞌ: “¡Manóton pipico huachi!” itaponquëmaꞌ, itërin.

Éxodo 6:6

Napoaton piyapinëhuëpita iso pochin shaꞌhuitëquëꞌ: “Caso Sinioroco. Carinquëma Iquipito quëran ocoiaranquëmaꞌ. Iporasoꞌ chiníquën asacatopirënënquëmahuëꞌ, carinquëma chiníquën nanantato nichaꞌësaranquëmaꞌ. Chiníquën aparisitërinënquëma niꞌton, carinta noꞌtëquën iꞌhuërëtarahuë. Ocoirahuatënquëmaꞌ, piyapinëhuëpita pochin niꞌsaranquëmaꞌ. Canpitantaꞌ, casáchin chinotaramaco. Iporasoꞌ iquipitoroꞌsa chiníquën asacatatënquëma aparisitapirinënquëmahuëꞌ, ocoiaranquëmaꞌ. Ocoihuatënquëmaꞌ, Sinioroco ninahuësoꞌ nitotarama huachi. Iráca nani Apraan shaꞌhuitërahuë noꞌpaꞌ quëtaꞌhuasoꞌ. Isaco, Cacopo, inapitanta inachachin shaꞌhuitërahuë. Inaquë quëparahuatënquëma ina noꞌpa chachin ahuaꞌanëntaranquëmaꞌ. Caso Sinioroco, tënin,” itëquëꞌ, itërin.

Isaías 64:9

Sinioro ama huachi aquëtë noꞌhuitëquësohuëꞌ. Paꞌpi co noyahuëꞌ ninaisoꞌ, ama yonquiráquësohuëꞌ. ¡Piyapinënpitacoi niꞌton, ama naniantocoisohuëꞌ!

Deuteronomio 9:29

Israiroꞌsasoꞌ, quëma piyapinënpita nipi. Chiníquën nanantaton, Iquipito quëran ocoiran niꞌton, huaꞌanëntëran,’ itërahuë,” itërin.