Miqueas 6:8 - Chayahuita (Shahui)

⁸ Napopiramahuëꞌ, co inapita Siniorosoꞌ nataninquëmahuëꞌ. Nani inaso maꞌsona nicacasoꞌ shaꞌhuitërinpoaꞌ. Piyapiꞌsa nosoroatëhua paꞌpoyacaso yaꞌhuërin. Maꞌsona nicacasoꞌ shaꞌhuihuatëra, ananicaso yaꞌhuërin. Naporahuaton: “Caora co nanitërahuë noya nicaꞌhuasoꞌ,” taꞌtëhuaꞌ, Sinioroíchin natëcaso yaꞌhuërin.

Miqueas 6:8 ပူးပေါင်းရင်းမြစ်များ

Génesis 18:19

Nani ina huayonahuë huiꞌninpita, shinpita, inapita noya pënënacaso marëꞌ. Aꞌchintërahuësopita natëtonaꞌ, noya nicacaiso marëꞌ pënënarin. Inapohuachin, shaꞌhuitërahuëso chachin quëtarahuë huachi,” tënin yonquiaton.

Génesis 5:22

Inocosoꞌ, nani tahuëri Yosë chinotaton, ina nohuantërinsoráchin ninin. Matosarino nasitërin piquëran Inocosoꞌ, cara pasa piꞌi aquëtë yaꞌhuaantarin. Aꞌnapita huiꞌninpitanta quëmapiꞌsaꞌ, sanapiꞌsaꞌ, yaꞌhuëtërin.

Nehemías 9:13

Ina quëran Sinai motopiquë nohuaraimaran. Naporoꞌ inápa quëran noya nicacaiso marëꞌ pënënan, camairan, naporan. Noꞌtën nanan aꞌchintahuaton, yonquínahuan yaꞌhuëcaiso marëꞌ anitotëran. Pënënancoisopita, camairancoisopita, anitotërancoisopita, inapitaso noyasáchin ninin. Chinoto tahuërinta acotëran. Ina tahuëri noya nicatonaꞌ, chinotiinënso marëꞌ acotëran. Piyapinën Moisësë itopiso quëran, yaꞌipi inapita anitotëran.

Salmos 37:26

Nani tahuëri piyapiꞌsa nosoroaton maꞌsha aꞌnanin. Huiꞌninpitanta noya niꞌtonaꞌ, noya catahuatapi.

Salmos 73:28

Caso nipirinhuëꞌ, nohuitaꞌhuanquënsoráchin cancantarahuë. Ina pochin cancantohuato, noya noya nisarahuë. Quëma huaꞌanëntatonco paꞌpoyaranco. Napoaton yaꞌipi naporansopita shaꞌhuirápo.

Isaías 66:2

Ca chachin yaꞌipi maꞌsha ninahuë. ¡Acohuatora, caniaritopi yaꞌhuëcaisoꞌ!” tënin. Ina quëran taantarin: “Napoaporahuëꞌ, caso Sinioroco shaꞌhuitaranquëmaꞌ. Insosona catahuacaꞌhuaso nohuantohuachin, nanamëhuë tëꞌhuataton natëpon. Oshahuaninso marëꞌ co napion cancantapon. Naporahuaton: ‘Caora co nanitërahuë noya nicaꞌhuasoꞌ,’ tëcapon. Naporinsopitaráchin, noya nicato catahuaarahuë,” tënin.

Jeremías 9:23

Sinioro chachin ina pochin shaꞌhuitërinpoaꞌ. Naquëranchin Sinioro taantapon: “Aꞌnaquëma nani maꞌsha nitotëramaꞌ. Napoapomarahuëꞌ: ‘Ma noyacha caso nitotërahuë paya,’ ama tocosohuëꞌ. Chiníquënquëma nipatamantaꞌ: ‘Ma noyacha caso chinirahuë paya,’ ama tocosohuëꞌ. Nani maꞌsha yaꞌhuëtohuachinquëmantaꞌ: ‘Ma noyacha caso nani maꞌsha yaꞌhuëtërinco paya,’ ama tocosohuëꞌ.

Ezequiel 33:14

Yaꞌhuërëꞌ aꞌna piyapinta co noyahuëꞌ nininso marëꞌ: ‘Quëmasoꞌ chiminamaso yaꞌhuërin,’ itërahuë. Inaso napoaponahuëꞌ, oshahuaninso aꞌporahuaton, noyasáchin nisarin.

Daniel 4:37

Iporaso ca Napocotonoco, Yosë inápaquë huaꞌanëntërinso chinotërahuë. Inasáchin noya nicato natërahuë. Inasoꞌ maꞌsha nipachina, noꞌtëquënáchin nisahuaton, noyasáchin ninin. “Caso noya noyaco,” topachina, inari nanitërin atapanacasoꞌ, tënahuë.

Oseas 6:6

Chinotatomaco maꞌsha tëpamasoꞌ, co onpopinchin nohuantërahuëꞌ. Nosoroamacosoꞌ tëhuënchinsoꞌ, naꞌcon naꞌcon nohuantërahuë. Oshanëma marënta maꞌsha tëparahuatoma yaꞌipi ahuiquitamasoꞌ, co onpopinchin nohuantërahuëꞌ. ‘Inasoꞌ Yosë niꞌton, natëaꞌhuaiso yaꞌhuërin,’ taꞌcamaso naꞌcon naꞌcon nohuantërahuë,” itërinquëmaꞌ.

Amós 5:24

Pancaiꞌ paꞌirinso pochin noya ninicatomaꞌ, noꞌtëquënáchin niyonquirapico tëhuënchinsoꞌ. Huinan co yanirinsohuë pochin noya piyapi nicoꞌ,” tënin.

Miqueas 6:9

(-)

Mateo 5:3

“Natanco iyaroꞌsaꞌ aꞌchinchinquëmaꞌ. Yosë huëntonënquë yayaꞌconpatamaꞌ, iso pochin cancantacasoꞌ yaꞌhuërin. ‘Caora co nanitërahuëꞌ noya nicaꞌhuasoꞌ. Catahuaco Sinioro,’ topatamaꞌ, Yosë noya niꞌsarinquëmaꞌ niꞌton, noya cancantaramaꞌ. Huaꞌanëntërinquë chachin ayaꞌconarinquëmaꞌ.

Mateo 5:7

Aꞌnapita nosorohuatamaꞌ, Yosë nosoroarinquëmaꞌ canpitantaꞌ. Noya cancantaramaꞌ.

Lucas 10:42

Casáchin natancosoꞌ naꞌcon naꞌcon nohuantërahuë. Mariasoꞌ natanatonco, noya noya nisarin. Naꞌcon yonquirinco niꞌton, noya cancantomiatarin tënahuë, itërin Quisosori.

Lucas 11:42

“Parisioroꞌsanquëmaꞌ, ¡maꞌhuantacha canpitasoꞌ nisarama paya! ‘Nani maꞌsha canarëhua quëran, diesmo Yosë quëtacasoꞌ yaꞌhuërin,’ itërinpoaꞌ Moisësë. Ina natëpiramahuëꞌ, co noya ninamahuëꞌ. Nani maꞌsha shaꞌnama quëran, diesmo quëtëramaꞌ. Yaꞌipi cosharoꞌ apimotacaso marëꞌ shaꞌnamaso manama quëran huarëꞌ, diesmo quëtëramaꞌ. Napoaponahuëꞌ, co Yosë nosororamahuëꞌ. Piyapiꞌsantaꞌ yanonpintëramaꞌ. Ina marëꞌ Yosë anaꞌintarinquëmaꞌ. Diesmo Yosë quëtacasoꞌ noya nipirinhuëꞌ, nosorocasoꞌ naꞌcon naꞌcon nohuantërin.

Lucas 12:14

—Co coisë pochin nicaꞌhuasoꞌ yaꞌhuërinhuëꞌ, itërin Quisosori.

Lucas 6:36

Tata Yosëri yaꞌipi piyapiꞌsaꞌ nosororin. Inapochachin canpitantaꞌ aꞌnapita nosorocoꞌ,” itërin.

Romanos 7:16

Co nohuantopirahuëꞌ, co noyahuëꞌ ninahuë. Ina marëꞌ co noya cancantërahuëꞌ. Yonquinëhuë quëran nitotërahuë. Tëhuënchachin pënëntërinsoꞌ noya, tënahuë.

Romanos 9:20

¿Maquëma cháchintaꞌ niꞌtomaꞌ, nanitëramaꞌ Yosë chachin pinocamasoꞌ? Niꞌcoꞌ. Piyapi tëshitohuachina, minëꞌ, huëꞌëta, inapita ninin. Nipachina, co tëshiri huaꞌanën noꞌhuirinhuëꞌ. “¿Onpoatontaꞌ naponin ninanco?” co itërinhuëꞌ.

1 Corintios 7:16

Sanapi noya imaponahuëꞌ, soꞌinsoꞌ co onporontaꞌ imaponhuëꞌ nimara. Quëmapintaꞌ noya imaponahuëꞌ, saꞌinsoꞌ co imaponhuëꞌ nimara. Co nitotërëhuahuëꞌ.

Efesios 4:32

Yaꞌipi piyapi noya nontocoꞌ. Nosoroatomaꞌ, catahuacoꞌ. Maꞌsha onpotohuachinënquëmaꞌ, ama ina yonquicosohuëꞌ. Quisocristo imaramaꞌ niꞌton, Yosë oshanëmaꞌ inquitërinquëmaꞌ. Canpita marëꞌ chiminin niꞌton, nanan anoyatërinquëmaꞌ. Inapochachin canpitantaꞌ aꞌnapita maꞌsha onpotohuachinënquëmaꞌ, nanan anoyatatomaꞌ, noya nontocoꞌ.

Deuteronomio 30:15

Yaꞌipinquëma noya natancoꞌ: Ipora tahuëri quëtaranquëma huayonacamaso marëꞌ. Noyasáchin nipatamaꞌ, noya nanpiaramaꞌ. Yaꞌhuërëꞌ co noyahuëꞌ nicacasoáchin cancantohuatamaꞌ, co noya nanpiaramahuëꞌ. Chiminamaso yaꞌhuërin.

Colosenses 3:12

Yosë nosoroatonpoaꞌ, huayoninpoaꞌ noya nicacaso marëꞌ. Napoaton yaꞌipi piyapiꞌsaꞌ nosoroatomaꞌ, noya nontocoꞌ. Nasha aꞌmorëso pochin noyápiachin cancantocoꞌ. Ama nocantocosohuëꞌ. Nani tahuëriya yonquicoꞌ aꞌnapita catahuacaso marëꞌ. Sano nicatomaꞌ, noya nontocoꞌ. Maꞌsha onpoapomarahuëꞌ, ahuantocoꞌ.

2 Tesalonicenses 2:16

Sinioro Quisocristo catahuainquëmaꞌ chiníquën cancantacamaso marëꞌ. Inaora nohuanton, Tata Yosëntaꞌ nosoroatonpoaꞌ, achinicancamiatërinpoaꞌ. Aꞌna tahuëri yaꞌhuërinquë chachin quëpantarinpoaꞌ. Shaꞌhuitërinpoaꞌ niꞌton, ina ninarëhuaꞌ.

Santiago 2:20

¡Coꞌchi noꞌtëquën yonquiranhuë paya! Co noya nipatanhuëꞌ, “Cantaꞌ imarahuë,” topiranhuëꞌ, topinan quëran nonsaran.

Josué 24:14

—Yaꞌipi ina shaꞌhuitëranquëmasoꞌ yonquiatomaꞌ, Sinioro tëꞌhuatocoꞌ. Tëꞌhuatatoma noꞌtëquënáchin natëcoꞌ. Iráca shimashonëmapita Iopiratisiiꞌ yonsanquë yaꞌhuëaponaꞌ, nisha nisha mamanshi moshapi. Iquipitoquënta inapopi. Inapita aꞌporahuatoma Sinioroíchin chinotocoꞌ.

1 Pedro 3:8

Yaꞌipinquëmaꞌ noya niniꞌtomaꞌ, yaꞌhuëcoꞌ. Aꞌnaquën sëtohuachinaꞌ, noya nontocoꞌ ama aquëtëꞌ sëchinasohuëꞌ. Noya cancantohuachinaꞌ, canpitantaꞌ noya cancantocoꞌ. Imaramaso capini ninosorocoꞌ. Ninosoroatomaꞌ iyaroꞌsaꞌ nicatahuacoꞌ. Ama ninocancosohuëꞌ. Canpitantaꞌ imoyaroꞌsaꞌ, noya ninontocoꞌ.

1 Samuel 12:23

Caso nipirinhuëꞌ, canpita marëꞌ orarahuësoꞌ, co tananpitapohuëꞌ. Tananpitohuatosoꞌ, Sinioro co natëtohuëꞌ oshahuanarahuë. Naporahuaton carima aꞌchintáponquëma noya nicatoma noꞌtëquën ina imacamaso marëꞌ.

1 Samuel 15:22

Napotohuachina Samoirori itapon: “Maꞌsha Sinioro marëꞌ tëpatona piꞌpian ahuiquitacaisoꞌ, noya. Yaꞌipi ahuiquitacaisontaꞌ, noya. Sinioro camaitërinso natëcasoso nipirinhuëꞌ, noya noya. Maꞌsha Sinioro marëꞌ tëpatona piꞌpian ahuiquitacaisoꞌ, noya. Carniro tomaquën ahuiquitasontaꞌ, noya. Camaitërinso noya natanatë natëcasoso nipirinhuëꞌ, noya noya.