Miqueas 6:7 - Chayahuita (Shahui)

⁷ Huaranca carniro, paꞌpi napaiꞌ asitona tomaꞌ, inapita aꞌnotohuatëhuaꞌ, ¿noya cancantërëꞌpoꞌ? Sinioro co natëtëhuahuëꞌ oshahuanëhua niꞌton, pahuërëatë pochin nicacaso marëꞌ, huiꞌnanpoa paninantërëhuasoꞌ quëtohuatëhua ¿noya niꞌnëpënpoaꞌ?” tënamaꞌ.

Miqueas 6:7 ပူးပေါင်းရင်းမြစ်များ

2 Reyes 23:10

Pini-inon motopianaquëntaꞌ, Moroco mamanshi moshacaiso marëꞌ artaro yaꞌhuërin. Inaquë aꞌnaquën huiꞌnina ahuiquitahuatonaꞌ, ina mamanshi moshapi. Inapopirinahuëꞌ, Cosiasëri camairin ina artaro tapicaisoꞌ. Ama insonta huachi, inaquë huiꞌnina aꞌpëcaiso marëhuëꞌ inapotopi.

Salmos 51:16

“Oshanëhuë marëꞌ maꞌsha tëpato yaꞌipi ahuiquichi,” topirahuë, co ina nohuantëranhuëꞌ.

Salmos 51:18

Quirosarin ninano nosoroantaquëꞌ. Pairanën ohuatopisoꞌ noya acoantaquëꞌ.

Proverbios 15:8

Co noyahuëꞌ nipisopita Yosë marëꞌ maꞌsha acopisoꞌ, Yosëri co noyahuëꞌ niꞌsarin. Noya nipisopitari nontohuachinasoꞌ, noya natanaton catahuarin.

Isaías 1:1

Osiasë copirnoꞌton Cota huëntonquë huaꞌanëntasoꞌ, Isaiasë pënëntacasoꞌ caniaritërin. Ina quëran Cotamo yaꞌhuërëꞌ, huaꞌanëntaantarin. Ina piquëran Acasontaꞌ, huaꞌanëntaantarin. Ina quëran, Isiquiasënta huaꞌanëntaantarin. Inapita copirnoroꞌsa Cota huëntonquë huaꞌanëntasoiꞌ, Isaiasë pënëntërin. Inasoꞌ, Amosë huiꞌnin. Yosëri huaꞌnarëso pochin aꞌnotaton, Cota huënton israiroꞌsaꞌ, Quirosarin ninanoꞌ, inapita maꞌsona onpocaisoꞌ anitotërin.

Isaías 40:16

Yaꞌipi Nipano tananquë tëranta maꞌsharoꞌsa ina marëꞌ tëpacaisoꞌ co naniarinhuëꞌ. Inaquë naꞌcon ihuë yaꞌhuëpirinhuëꞌ, co ina tëranta naniarinhuë Yosë marëꞌ ahuiquitacaisoꞌ.

Jeremías 19:5

Artaroroꞌsantaꞌ ninamaꞌ, Paaro moshatoma huiꞌnamapita yaꞌipi ahuiquitamaso marëꞌ. Inapocamasosoꞌ, co piꞌpian tëranta camaitërahuëꞌ. Co yonquiyatërarahuëꞌ.

Jeremías 6:20

Israiroꞌsanquëmaꞌ, canpitaso Sapa noꞌpa quëran yonarin pochin nininsoꞌ quëshiramaco. Pimo nararoꞌsanta áquë noꞌparoꞌsa quëran quëshiramaco. Inapita quëshipiramacohuëꞌ: ¡Topinan quëran quëshiramaco! Chinotamacoso marëꞌ artaronëhuëquë maꞌsha tëparahuatoma aꞌnaquën yaꞌipi ahuiquitëramaꞌ. Aꞌnaquënsoꞌ, piꞌpiyan ahuiquitëramaꞌ. Inaporamasopita, ¡yaꞌipi co noyahuëꞌ niꞌnahuë!” tënin.

Jeremías 7:31

Pini-inon motopianaquë Tohuito marëꞌ artaro nipi. Ina aipi huiꞌninapita ahuiquitopi. Inapocaisosoꞌ, co piꞌpian tëranta camairahuëꞌ. Co piꞌpian tëranta yonquiyatërarahuëꞌ.

Oseas 5:6

Ohuicanënaꞌ, ohuacanënaꞌ, inapita tëparahuatonaꞌ, Sinioro chinotapona nipirinhuëꞌ, co quënanapihuëꞌ. Aꞌporin niꞌton, co quënanapihuëꞌ.

Oseas 6:6

Chinotatomaco maꞌsha tëpamasoꞌ, co onpopinchin nohuantërahuëꞌ. Nosoroamacosoꞌ tëhuënchinsoꞌ, naꞌcon naꞌcon nohuantërahuë. Oshanëma marënta maꞌsha tëparahuatoma yaꞌipi ahuiquitamasoꞌ, co onpopinchin nohuantërahuëꞌ. ‘Inasoꞌ Yosë niꞌton, natëaꞌhuaiso yaꞌhuërin,’ taꞌcamaso naꞌcon naꞌcon nohuantërahuë,” itërinquëmaꞌ.

Amós 5:22

Noya nicatomaco maꞌsha tëpatoma yaꞌipi ahuiquitopiramahuëꞌ, carisoꞌ co niꞌcaꞌhuaso tërantaꞌ, nohuantërahuëꞌ. Trico, sipata, inapitanta quëshihuatamacora co nohuantërahuëꞌ. Toroaꞌhuaroꞌsa amoshin nipisopita nanan anoyatërëhuaso marëꞌ tëparamasontaꞌ, co nohuantarahuëꞌ.

Filemón 1:12

Noya catahuapirincohuëꞌ, apira aꞌpataranquën. Naꞌcon nosoropirahuëꞌ, quëma piyapinën niꞌton, nani shaꞌhuitërahuë yaꞌhuëranquë panantacaso marëꞌ. Ca pochachin cancantaton, noya niꞌquëꞌ.

1 Samuel 15:22

Napotohuachina Samoirori itapon: “Maꞌsha Sinioro marëꞌ tëpatona piꞌpian ahuiquitacaisoꞌ, noya. Yaꞌipi ahuiquitacaisontaꞌ, noya. Sinioro camaitërinso natëcasoso nipirinhuëꞌ, noya noya. Maꞌsha Sinioro marëꞌ tëpatona piꞌpian ahuiquitacaisoꞌ, noya. Carniro tomaquën ahuiquitasontaꞌ, noya. Camaitërinso noya natanatë natëcasoso nipirinhuëꞌ, noya noya.