Miqueas 6:6 - Chayahuita (Shahui)

⁶ Canpitaso naporamaꞌ: “Siniorosoꞌ, Yosë. Inápaquë yaꞌhuërinsopitanta huaꞌanëntërin. Ina noya nicainpoaso marëꞌ ¿maꞌta aꞌnotatëhua chinotërëꞌpëhuaya? Toroaꞌhuaroꞌsa aꞌna piꞌipihuaninso oshanënpoa marëꞌ yaꞌipi ahuiquitohuatëhuaꞌ, ¿noya niꞌnëpënpoaꞌ?

Miqueas 6:6 ပူးပေါင်းရင်းမြစ်များ

Salmos 116:12

Iporaso naporahuë: “¿Onporahuatocha yaꞌipi Sinioro catahuarincoso marëꞌ iꞌhuërëchi nicaya?” tënahuë yonquiato.

Salmos 95:2

“Yosparinquën Sinioro,” itatëhua chinotahuaꞌ. Nisha nisha cantanën cantatëhuaꞌ, paꞌyatahuaꞌ.

Salmos 95:6

Huëco Yosëíchin yonquiaꞌahuaꞌ. Isonatëhua ina chinotahuaꞌ. Ina nininpoa niꞌton, paꞌyatahuaꞌ.

Proverbios 15:8

Co noyahuëꞌ nipisopita Yosë marëꞌ maꞌsha acopisoꞌ, Yosëri co noyahuëꞌ niꞌsarin. Noya nipisopitari nontohuachinasoꞌ, noya natanaton catahuarin.

Isaías 40:16

Yaꞌipi Nipano tananquë tëranta maꞌsharoꞌsa ina marëꞌ tëpacaisoꞌ co naniarinhuëꞌ. Inaquë naꞌcon ihuë yaꞌhuëpirinhuëꞌ, co ina tëranta naniarinhuë Yosë marëꞌ ahuiquitacaisoꞌ.

Jeremías 6:20

Israiroꞌsanquëmaꞌ, canpitaso Sapa noꞌpa quëran yonarin pochin nininsoꞌ quëshiramaco. Pimo nararoꞌsanta áquë noꞌparoꞌsa quëran quëshiramaco. Inapita quëshipiramacohuëꞌ: ¡Topinan quëran quëshiramaco! Chinotamacoso marëꞌ artaronëhuëquë maꞌsha tëparahuatoma aꞌnaquën yaꞌipi ahuiquitëramaꞌ. Aꞌnaquënsoꞌ, piꞌpiyan ahuiquitëramaꞌ. Inaporamasopita, ¡yaꞌipi co noyahuëꞌ niꞌnahuë!” tënin.

Daniel 3:26

Ina quëran orno yaꞌcarirahuaton: —Satraco, Api-nico, Misaco. Canpitasoꞌ, Yosë chini chiníquën nanantërinsoꞌ piyapinënpitanquëmaꞌ. ¡Pipirahuatoma huëntaco huachi! itërin chiníquën nontaton. Napotohuachina, cara chachin pën quëran pipipi.

Daniel 4:9

“Piritasasaro. Quëmasoꞌ ninotonaꞌpiroꞌsa huaꞌanquën niꞌton, noya yosëroꞌsa ispiritonën ira aꞌnotërëso pochin nitarinquën. Napoaton yaꞌipi co nitotacasohuëꞌ nininsonta nitotëran. Huëꞌëhuëquë huaꞌnarahuëso shaꞌhuitohuatënquën, maꞌsona tapon naporinso shaꞌhuitoco topirahuë.

Daniel 5:18

Yosë chini chiníquën nanantërinsoari, iráca tata Napocotono copirno nicacaso marëꞌ acorin. Inari chiníquën nanan quëtërin niꞌton, noya noya huaꞌanëntërin. Ina marëꞌ naní quëran noya nicatona tëꞌhuatopi.

Daniel 5:21

Co huachi nanitërinhuëꞌ piyapiꞌsa huáncana yaꞌhuëcasoꞌ. Napoaton ocoihuachinara, tanan moraroꞌsarëꞌ yaꞌhuërin. Tororoꞌsa pochin pasto caꞌnin. Poroncayori shipitárin. Naporin. “Yosëso chini chiníquën nanantaton yaꞌipi isoroꞌpaquë nacionoꞌsantaꞌ, huaꞌanëntërin. Ina nohuanton insosona nohuantërinsoꞌ copirno nicacaso marëꞌ acorin,” tëcaquë huarëꞌ noyatërin.

Oseas 5:6

Ohuicanënaꞌ, ohuacanënaꞌ, inapita tëparahuatonaꞌ, Sinioro chinotapona nipirinhuëꞌ, co quënanapihuëꞌ. Aꞌporin niꞌton, co quënanapihuëꞌ.

Amós 5:22

Noya nicatomaco maꞌsha tëpatoma yaꞌipi ahuiquitopiramahuëꞌ, carisoꞌ co niꞌcaꞌhuaso tërantaꞌ, nohuantërahuëꞌ. Trico, sipata, inapitanta quëshihuatamacora co nohuantërahuëꞌ. Toroaꞌhuaroꞌsa amoshin nipisopita nanan anoyatërëhuaso marëꞌ tëparamasontaꞌ, co nohuantarahuëꞌ.

Mateo 19:16

Ina quëran aꞌna quëmapiri huëcapairin. —¿Maꞌtaꞌ Maistro casoꞌ nii nanpimiataꞌhuaso marëꞌ? Shaꞌhuitoco cantaꞌ noya nii, itërin.

Marcos 12:33

Yaꞌipi cancanënpoa quëran, yaꞌipi yonquinënpoa quëran, yaꞌipi chinirëhua quëran, yaꞌipi inaquëranpita nosoromiatacasoꞌ yaꞌhuërin. Naporahuaton, canpoara ninosororëso pochachin aꞌnapitantaꞌ nosorocasoꞌ yaꞌhuërin. Iráca Moisësë pënëninpoaꞌ. “Yosë yachinotohuatamaꞌ, oshanëma marëꞌ maꞌsha tëpatomaꞌ, ahuiquitocoꞌ,” itërinpoaꞌ. Inapopirëhuahuëꞌ, co Yosë nosorohuatëhuahuëꞌ, co piyapiꞌsantaꞌ nosorohuatëhuahuëꞌ, Yosësoꞌ co onpopinchin noya niꞌsarinpoahuëꞌ, itërin.

Marcos 5:7

Napohuachina, Quisosori nosoroaton, aꞌnaroáchin sopai nontërin. —¡Iso quëmapi quëran pipico huachi! itërin. Ina natanahuaton, sopairi chiníquën aꞌpanirin. —¿Maꞌtaꞌ yaonpotarancoi? Quëmasoꞌ Quisosonquën, Yosë huiꞌninquën niꞌton, chini chiníquën nanantëran. Yosë marëꞌ ama apira aparisitocoisohuëꞌ, itërin.

Lucas 10:25

Ina quëran aꞌna maistro iráca nanan noya nitotërinsoꞌ huanirahuaton, Quisoso tënicaso marëꞌ itapon: —¿Maꞌtaꞌ Maistro onpoꞌi nanpimiataꞌhuaso marëꞌ? itërin.

Juan 6:26

—Noꞌtëquën shaꞌhuitaranquëmaꞌ. Iꞌhuara cosharoꞌ anaꞌatërahuë nohuitamacoso marëꞌ nipirinhuëꞌ, co yanohuitëramacohuëꞌ. Natëaquë huarëꞌ coshatëramaꞌ niꞌton, yoniramaco.

Hechos 16:17

Nanonsoꞌ quënanahuatoncoi, imaquiarincoi. Imaritoncoi, chiníquën nonsarin yaꞌipi piyapiꞌsaꞌ natanacaiso marëꞌ. —Isopita quëmapiꞌsasoꞌ Yosë piyapinënpita. Yosë chini chiníquën nanantërinsoꞌ nohuitatonaꞌ, natëpi. Aꞌchintarinënquëmaꞌ canpitantaꞌ nitotatomaꞌ chaꞌëcamaso marëꞌ, itë́riarin.

Hechos 16:30

Ina quëran cato chachin ocoirahuaton: —¿Maꞌtaꞌ iyaroꞌsaꞌ onpoꞌi chaꞌëcaꞌhuaso marëꞌ? itërin.

Hechos 2:37

Piyapiꞌsaꞌ natanahuatonaꞌ, naꞌcon sëtopi. —Co noyahuëꞌ ninai. ¿Maꞌtaꞌ iyaroꞌsaꞌ, onpoꞌiisoꞌ? itopi caꞌtanoꞌsaꞌ.

Efesios 3:14

“Ma noyacha Yosë yonquirinpoa paya,” taꞌto, isonahuato, Tata Yosë nontërahuë.

Hebreos 10:11

Nani tahuëri corto huaꞌanoꞌsaꞌ sacatápi. Naquëranchin naquëranchin maꞌsharoꞌsaꞌ tëpapirinahuëꞌ, co oshanënaꞌ inquipihuëꞌ.

1 Samuel 15:22

Napotohuachina Samoirori itapon: “Maꞌsha Sinioro marëꞌ tëpatona piꞌpian ahuiquitacaisoꞌ, noya. Yaꞌipi ahuiquitacaisontaꞌ, noya. Sinioro camaitërinso natëcasoso nipirinhuëꞌ, noya noya. Maꞌsha Sinioro marëꞌ tëpatona piꞌpian ahuiquitacaisoꞌ, noya. Carniro tomaquën ahuiquitasontaꞌ, noya. Camaitërinso noya natanatë natëcasoso nipirinhuëꞌ, noya noya.