Miqueas 6:2 - Chayahuita (Shahui)

^2-3 Motopiroꞌsaꞌ yaꞌhuërë nontaton, itapon: “Motopiroꞌsaꞌ, canpitaso simintori pëi achinirinso pochin isoroꞌpaꞌ achiniramaꞌ. Piyapi pochin nicatomaꞌ, piyapinëhuëpita shaꞌhuirapiarahuësoꞌ, natancoꞌ. Israiroꞌsaso piyapinëhuëpita nipirinahuëꞌ, shaꞌhuirapiarahuë,” itërin. Ina quëran itaantarinpoaꞌ: “Israiroꞌsanquëmaꞌ. ¿Maꞌta carima onpotatënquëma apiranquëmaꞌ? Shaꞌhuitoco nitochi.

Miqueas 6:2 ပူးပေါင်းရင်းမြစ်များ

2 Samuel 22:16

Inimiconëhuëpita noꞌhuiton iquianantëran. Inapita noꞌhuiton pihui pihuiaran. Naporoꞌ marë anpo nipirinhuëꞌ, noꞌpaꞌ yaꞌno yaꞌnoarin. Isoroꞌpaꞌ achinipisopitantaꞌ, yaꞌno yaꞌnoarin.

2 Samuel 22:8

Naporoꞌ quëma nohuanton, chiníquën ocohua paꞌnin. Motopiroꞌsanta nacon naconchararin. Quëma Sinioro noꞌhuitëran niꞌton, naporin. Inimiconëhuëpita noꞌhuiton naporan.

Salmos 104:5

Simintonënꞌton acorahuaton, isoroꞌpaꞌ noyá acorin. Co onporonta nichiꞌhuincaponhuëꞌ.

Proverbios 8:29

marënta ama yaꞌhuërin quëran chaꞌhuëaton pipicaso marëhuëꞌ camaiasoꞌ, isoroꞌpanta simintonën pochin nininsoꞌ acoasoꞌ,

Isaías 1:18

Huëco paꞌahua nonatëhua anoyatahuaꞌ. Quëhuanën quëran aꞌshitërëso pochin naꞌcon oshahuanpiramahuëꞌ, inquitaranquëmaꞌ. Ina inquitatënquëmaꞌ, ocai, piꞌshiro, inapita huiritërinso pochin, anoyacancantaranquëmaꞌ.

Isaías 43:26

Tëhuëtëranquëma nipachinsoꞌ, anoyatahuaꞌ. Canpitanta shaꞌhuicoꞌ, tapona co manta tëhuëápiramahuëꞌ.

Isaías 5:3

Iporasoꞌ Quirosarinquë yaꞌhuëramasopita, carima natainquëma shaꞌhuitoco. Cota huënton israiroꞌsanquëmantaꞌ, shaꞌhuitoco. ¿Inta tëhuërin niꞌton, oparonëhuë naporin? ¿Ca nica, inaora chachin nica?

Jeremías 2:9

Naporamaso marëꞌ coisëroꞌsaquë quëparëso pochin nitaranquëmaꞌ. Huiꞌnamapita, shiparimapita, inapitanta napotarahuë.

Jeremías 31:37

Onporo tëranta piꞌiroꞌtë aꞌnicaisoꞌ, isoroꞌpanta paquëmarinquë huarëꞌ nohuitacaisoꞌ, inapita nicacaisoꞌ nanitopi naporini, naporo tahuëri cantaꞌ, yaꞌipi napopiso marëꞌ israiroꞌsa aꞌpoꞌitohuëꞌ. Ca Sinioroco shaꞌhuitaranquëmaꞌ,” tënin.

Oseas 4:1

Israiroꞌsanquëmaꞌ. Sinioro naporinso natancoꞌ: “Iso noꞌpaquë yaꞌhuëpisopita paꞌpi co noyahuëꞌ nipi. Isëquësoꞌ, co noꞌtëquën ninosoropihuëꞌ. Nisha nisha cancantopi. Caso Yosëco nipirahuëꞌ, co nohuitërinacohuëꞌ. Nonpiáponaraihuëꞌ, ‘Yoscoarëꞌ,’ niitopi. Apira apira nitëpapi, niihuapi, nitëhuananpitopi, paꞌpi noꞌhuitërayaroꞌsa nipi, napopi.

Miqueas 6:1

Naquëranchin Siniorosoꞌ, nontaantarinpoaꞌ: “Israiroꞌsaꞌ. Ca Sinioroco shaꞌhuirapiaranquëmasoꞌ natancoꞌ: Aꞌna piyapi coisëquë quëpahuachinara, huanirahuaton, maꞌsona onporinsoꞌ coisëroꞌsa shaꞌhuitërin. Inapochachin canpitantaꞌ, maꞌsona onporamasoꞌ motopiroꞌsa shaꞌhuitatë pochin nitocoꞌ. Inapitanta natanatënënquëmaꞌ, catahuainënquëmaꞌ,” itërinpoaꞌ.

Deuteronomio 32:22

Paꞌpi anoꞌhuitëramaco niꞌton, pën huëchimitërinso pochin nisarahuë. Acoporo partiquë huarëꞌ ahuiquitarahuë. Yaꞌipi motopiroꞌsa achinirinsopitantaꞌ, ahuiquitarahuë. Isoroꞌpantaꞌ, nani maꞌsha papotërinsopitarë chachin inapotarahuë.

Deuteronomio 4:26

Piꞌiroꞌtëꞌ, isoroꞌpaꞌ, inapita yaꞌhuërinso niꞌnëhuaꞌ. Inapochachin shaꞌhuitaranquëmasontaꞌ, noꞌtëquën nisarin. Cortaniiꞌ aquëtëran noꞌpaꞌ yaꞌhuërinsoꞌ macatoma huaꞌanëntopiramahuëꞌ, mamanshi moshacaso marëꞌ nipatamaꞌ, co huaꞌqui inaquë yaꞌhuëaramahuëꞌ. Naꞌcon naꞌconquëma chiminaramaꞌ.