Miqueas 5:12 - Chayahuita (Shahui)

¹² Pënotatoma naporamasopitantaꞌ, acopitarahuë. Ninotonaꞌpiroꞌsantaꞌ, co huachi yaꞌhuëtarinquëmahuëꞌ.

Miqueas 5:12 ပူးပေါင်းရင်းမြစ်များ

Isaías 44:17

Ina yaꞌsorin quëran chachin mamanshi niantarin. Nani nipachina, isonahuaton noꞌpaquë huarëꞌ monshorin quëran mosharin. Paꞌpi nohuantaton itapon: “Quëmaso yosënëhuënquën niꞌton, nichaꞌëco,” itërin.

Ezequiel 36:25

Canpitaso mamanshiroꞌsa moshatomaꞌ, nëꞌhuëtërinso pochin ninamaꞌ. Napoatoma co noyahuëꞌ nipiramahuëꞌ. Naporamasoꞌ, inquitaranquëmaꞌ. Nëꞌmëtë nëꞌhuëtërinsoꞌ, noyaiquë pëꞌsarëso pochin nitaranquëmaꞌ.

Deuteronomio 18:14

Naquëranchin Moisësëri israiroꞌsa nontaantarin: “Nisha nisha piyapiꞌsa noꞌpanëna mataramasopitasoꞌ, pënoton paꞌyatopi. ‘Aꞌna tahuëri maꞌsona onpocaisoꞌ nito shaꞌhuirahuë,’ topisopitanta natëpi. Canpitaso nipirinhuëꞌ, Sinioronënpoa Yosë niꞌton, co inapita pochin natëcamasoꞌ nohuantërinhuëꞌ.

Apocalipsis 19:20

Quira nipachinara, huiri cahuario aipi huënsërinsoari canarin. Canarahuaton, maꞌsha paꞌpi tëꞌhuatoroꞌ nininsoꞌ masarin. Nonpin nanan pënëntonaꞌpintaꞌ, masarin. Inasoꞌ, sacaiꞌ nininsoꞌ nicaton, notohuaroꞌ piyapiꞌsaꞌ nonpintërin maꞌsha paꞌpi tëꞌhuatoroꞌ nininsoꞌ imacaiso marëꞌ. Marcanën niacotahuatonaꞌ, mamanshinën moshapirinahuëꞌ, minsëarin huachi. Minsërahuaton, cato chachin masahuaton, anaꞌintomiatarin. Nanpirapirinahuëꞌ, parisitopiquë tëꞌyatarin huachi. Inaquë panca sono shaꞌpimoꞌshirë chachin pën tënëntápon. Co onporontaꞌ pipiapihuëꞌ.

Apocalipsis 22:15

Aꞌnaquënso nipirinhuëꞌ, co onporontaꞌ Yosë yaꞌhuërinquë paꞌsapihuëꞌ. Niꞌni pochin cancantopisopita, pënotonoꞌsaꞌ, monshihuanaꞌpiroꞌsaꞌ, tëpatoroꞌsaꞌ, mamanshi chinotopisopita, inapita aipiran yaꞌhuëmiatapi. Aꞌnaquëontaꞌ nonpinápi niꞌton, co nohuantapihuëꞌ noꞌtën nanan imacaisoꞌ. Inapitantaꞌ co onporontaꞌ Yosëꞌpaꞌ paꞌsapihuëꞌ.