Miqueas 4:9 - Chayahuita (Shahui)

⁹ Ina quëran Sinioro taantapon: “Iporaso israiroꞌsanquëmaꞌ, yaꞌhuërama noꞌpa quëran quëpainëmaso yaꞌhuërin niꞌton, ¡nohuantëramaso chachin noncarocoꞌ! Sanapi huaica marëꞌ iquitërinso pochachin nicoꞌ. Copirno yaꞌhuëtopirinquëmahuëꞌ, ¡inimicoroꞌsa quëpainënquëmaso yaꞌhuërin! Copirno ayonquinaꞌpiroꞌsanta co chiminpirinahuëꞌ, ¡inimicoroꞌsa quëpainënquëmaso yaꞌhuërin!

Miqueas 4:9 ပူးပေါင်းရင်းမြစ်များ

Oseas 13:13

Canpitasoꞌ, co yonquipisohuë pochin ninamaꞌ. Huaꞌhuasha yahuaꞌhuatahuachina noya niacorin. Canpitaso nipirinhuëꞌ apiaꞌhuaya pochin nicatomaꞌ, co noya niacorinsohuë pochin ninamaꞌ.

Oseas 3:4

Inapochachin israiroꞌsantaꞌ, huaꞌqui co copirnohuanhuëꞌ nicaponaꞌ. Co maꞌsha huaꞌan tëranta yaꞌhuëtaponahuëꞌ. Chinotacaiso marëntaꞌ, co maꞌsha tëpaponahuëꞌ. Naꞌpiraꞌhuaroꞌsa Yosë nohuantërinsoꞌ nitotacaiso marëntaꞌ, co huachi yaꞌhuëaponhuëꞌ. Co huachi aꞌnaya tëranta corto huaꞌan yaꞌhuëaponhuëꞌ. Pëinënaquë mamanshiroꞌsa yaꞌhuëtopisopitantaꞌ, capa nisarin.

Miqueas 5:3

Napoaton ipora tananpitopirinpoahuëꞌ, co huaꞌqui napotarinpoahuëꞌ. Sanapi cayorin quëran huaꞌhuin nasitaquë huarëꞌ parisirinso pochin canpoanta parisiarëhuaꞌ. Naporoꞌ quëparitërëhuasopitasoꞌ, inimicoroꞌsari quëparinsopitarëꞌquënpoa aꞌna huëntoíchin niantarihuaꞌ.

Juan 16:21

Niꞌco iyaroꞌsaꞌ. Sanapi yahuaihuachina, iquitaton co noyahuëꞌ cancantërin. Nani huaihuachina, aꞌnaroáchin nóya cancantërin. Co huachi iquitërinsoꞌ yonquirinhuëꞌ. “Huaꞌhuahuë nani huaꞌhuacharin,” taꞌton nóya cancantërin.

Apocalipsis 12:2

Inasoꞌ cayoron. Nani yahuaiarin niꞌton, chiníquën iquitaton, parisitárin.