Miqueas 4:12 - Chayahuita (Shahui)

¹² Inapitasoꞌ, co yonquirahuëso nitotopihuëꞌ. Cari aꞌna tahuëri inimiconëmapita ayontonarahuë. Trico cayarinso mapachinara, tonpopi. Inapotahuatona toꞌnorapiquë yontonpi. Inapochachin cantaꞌ, inimiconëmapita nitarahuë.

Miqueas 4:12 ပူးပေါင်းရင်းမြစ်များ

Isaías 55:8

Sinioro chachin naporin: “Caso co canpita pochin yonquirahuëꞌ. Maꞌpitaso yanipato, co canpita pochin caso ninahuëꞌ. Piꞌiroꞌtëso isoroꞌpa quëran áquë niꞌton, co nincantochináchinhuëꞌ. Inapochachin canpitanta nisha nisha yonquirama niꞌton, co onporonta ca pochin yonquiaramahuëꞌ. Co ca pochin maꞌsha nisaramahuëꞌ,” tënin.

Joel 3:2

Yaꞌipi nacionoꞌsa ayontonarahuë. Ayontonahuato, Cosahuato motopiana itopiquë tëhuëpiso marëꞌ noꞌtëquën shaꞌhuitarahuë. Israiroꞌsa napotopiso marëꞌ noꞌtëquën shaꞌhuitarahuë. Inapitasoꞌ piyapinëhuëpita nipirinahuëꞌ, yaꞌipi isoroꞌpaquë ayanquëpi. Noꞌpanënantaꞌ, nipatomatatona huaꞌanëntëraꞌpiapi.

Lucas 3:17

Cayarinsoꞌ manëso pochin nisarin. Arosë mapatëra, toꞌnorarëꞌ. Ina quëran pintiarahuatëꞌ, pëiquë acorëꞌ. Shaꞌhuëtënso nipirinhuëꞌ pënquë ahuiquitërëꞌ. Inapochachin anaꞌintohuachinquëmaꞌ, co onporontaꞌ pën tacopiarinhuëꞌ, tënin Coansha.