Miqueas 4:10 - Chayahuita (Shahui)

¹⁰ Co nohuantopiramahuëꞌ, inimiconëmapita áquë quëpaponënquëmaꞌ. Papironiaꞌpaꞌ huarëꞌ cansaramaꞌ. Papoma pochin caparoꞌtëquë huëꞌërantapomaꞌ. Napoarama niꞌton, ipora Quirosarinquë yaꞌhuëramasopitasoꞌ, sanapi yahuaiton nisiꞌhuitërinso pochin nicoꞌ. Napoaponahuëꞌ, huaꞌqui parisitëramaso piquëran inimiconëma quëran carima nichaꞌësaranquëmaꞌ. Piyapinëhuëpitanquëma niꞌton, napotaranquëmaꞌ.

Miqueas 4:10 ပူးပေါင်းရင်းမြစ်များ

Isaías 43:14

Sinioro nichaꞌërinquëmaso naporin: Inaso Yosë, noyasáchin ninin niꞌton, Israirori chinotërin: “Canpita nichaꞌëcaꞌhuanquëmaso marëꞌ piyapiroꞌsa Papironiaꞌpaꞌ aꞌpaarahuë. Ina ninano yaꞌcoananënpita yaꞌipi iꞌsoataponaꞌ. Cartioroꞌsa inaquë yaꞌhuëpiso capa cancantapirinahuëꞌ, parisitapona huachi.

Isaías 45:13

Pirsia copirno Siro itopiso ca nohuanton yaꞌconaton minsëtapon. Maꞌpitaso yanipachina, co sacai quëran nisáponhuëꞌ. Ina camaitërin quëran Quirosarin anoyataantaponaꞌ. Inaso ninanoꞌ, ca ninanonëhuë. Co pahuërë maꞌpataponahuëꞌ, piyapinëhuëpita quëpapisoꞌ aꞌpapon. Co manta nicanapirinahuëꞌ, aꞌpapon. Ca Sinioroco yaꞌipi nanitapato napoarahuë,” tënin.

Jeremías 15:21

Co noyahuëꞌ nipisopita maꞌsha yaonpotopirinënquënhuëꞌ, nichaꞌësaranquën. Chiníquën nanantopirinahuë tërantaꞌ, inapita quëran nichaꞌësaranquën,” itërinco.

Oseas 1:10

Napoaponahuëꞌ, aꞌna tahuëri israiroꞌsaso notohuaroꞌ naꞌaponaꞌ. Marë yonsanquë inotëraꞌhuaya yaꞌhuërinso pochin naꞌaponaꞌ. Co incari tëranta pichicasoꞌ nanitaponhuëꞌ. Iporasoꞌ pënënatënquëma shaꞌhuitëranquëmaꞌ: ‘Canpitaso co piyapinëhuëpitanquëmahuëꞌ,’ itëranquëmaꞌ. Naporoso nipirinhuëꞌ: ‘Canpitaso huiꞌnahuëpitanquëmaꞌ. Caso Yosëco nanpito napotaranquëmaꞌ,’ itaranquëmaꞌ.

Oseas 13:13

Canpitasoꞌ, co yonquipisohuë pochin ninamaꞌ. Huaꞌhuasha yahuaꞌhuatahuachina noya niacorin. Canpitaso nipirinhuëꞌ apiaꞌhuaya pochin nicatomaꞌ, co noya niacorinsohuë pochin ninamaꞌ.

Oseas 2:14

Inapotopirinacohuëꞌ, nanon nohuantohuachinara noyasha nontopiso pochin, israiroꞌsanta nitarahuë. Inotëro parti quëparëso pochin nitarahuë. Inaquë noya nontato achinicancanarahuë.

Miqueas 5:2

Naquëranchin Sinioro taantarin: “Pirin ninanosoꞌ, Iporata itopi antaꞌ. Inasoꞌ ninanoꞌ, aꞌnapita ninanoroꞌsa Cota huëntonquë yaꞌhuërin quëran nani naniaꞌhuaya. Ina niponahuëꞌ, yaꞌipi israiroꞌsa huaꞌanëntacaso marëꞌ inaquë aꞌnara copirno nasitapon. Ina shimashonënpitasoꞌ, iráca quëran huarëꞌ yaꞌhuëpi,” tënin.

Miqueas 5:3

Napoaton ipora tananpitopirinpoahuëꞌ, co huaꞌqui napotarinpoahuëꞌ. Sanapi cayorin quëran huaꞌhuin nasitaquë huarëꞌ parisirinso pochin canpoanta parisiarëhuaꞌ. Naporoꞌ quëparitërëhuasopitasoꞌ, inimicoroꞌsari quëparinsopitarëꞌquënpoa aꞌna huëntoíchin niantarihuaꞌ.

Apocalipsis 12:14

Yosëri catahuarin chaꞌëcaso marëꞌ. Panca onian pochin anpiantëhuanaton, taꞌarin. Co piyapi yaꞌhuërinquëhuëꞌ paꞌsahuaton, cara piꞌipi miria pochin inaquë naꞌpiarin. Yosë nohuanton, maꞌsha yaꞌhuërin capacasoꞌ.