Miqueas 3:8 - Chayahuita (Shahui)

⁸ Caso nipirinhuëꞌ, noꞌtëquën Sinioro marëꞌ pënëntarahuë niꞌto, achinirinco. Catahuarinco noya nicaꞌhuasoꞌ. Chiníquën cancantato, israiroꞌsa pënënarahuë: “Canpitaso co Yosë natëtomarahuëꞌ, naꞌcon oshahuanamaꞌ,” itárahuë.

Miqueas 3:8 ပူးပေါင်းရင်းမြစ်များ

Isaías 58:1

Sinioro shaꞌhuitërinco: “Ama manta tëꞌhuatonhuëꞌ chiníquën nonquëꞌ. Tronpita pihuihuachina irininso pochin niquëꞌ. Piyapinëhuëpita co noyahuëꞌ nipiso marëꞌ pënënquëꞌ. Cacopo quëran pipipisopita oshahuanpiso marëꞌ inapotëquëꞌ.

Isaías 61:1

Sinioro piyapinën naporin: “Sinioro ispiritonën yaꞌcoancantërinco niꞌton, noya catahuarinco. Ina chachin acorinco popriyaroꞌsa noya nanan shaꞌhuitaꞌhuaso marëꞌ. Aparisitopisopita catahuacaꞌhuaso marëꞌ acorinco. Yaꞌhuëpi quëran quëparahuatona huaꞌanëntapirinahuëꞌ, yaꞌhuëpiquë chachin paantacaiso shaꞌhuitarahuë. Tashinan pëiquë pochin yaꞌhuëapisopitantaꞌ, ina quëran pipicaisoꞌ shaꞌhuitarahuë.

Isaías 61:2

Ipora tahuëriꞌsa Yosë nosoroatënquëma nichaꞌësarinquëmasoꞌ, shaꞌhuitaranquëmaꞌ. Inimiconëmapitantaꞌ, Yosëri iꞌhuërëtacasoꞌ shaꞌhuitaranquëmaꞌ. Yaꞌipi sëtopisopita achinicancanaꞌhuaso marëꞌ aꞌparinco.

Jeremías 1:18

Ipora tahuëri carinquën acoranquën pairahuan ninano noyá niacorapipiso pochin nicacaso marëꞌ. Huaꞌnamia quëran onë nipiso pochin, shaꞌpi huaꞌna quëran paira nipiso pochin acoranquën. Inapoaton yaꞌipi Cota huëntonquë yaꞌhuëpisopita chinitaran. Copirnonënapita, huaꞌanënapita, corto huaꞌanoꞌsanënapita, inapitanta chinitaran.

Jeremías 20:9

Amiato: “Ama huachi Sinioro yonquiꞌisohuëꞌ. Nanan quëtopirincohuë tërantaꞌ, ama huachi noinsohuëꞌ,” tënahuë. Taporahuëꞌ, quëma nanamën yaꞌcoancantërinco niꞌton, pën maꞌsha ahuiquitërinso pochin nitárinco. Nansëanaquë huarëꞌ piꞌcarincoso pochin natanahuë. “Chinitato nipachin ama noinsohuëꞌ,” taporahuëꞌ, ¡coꞌchi nanitërahuëꞌ cacotaꞌhuaso paya!

Ezequiel 3:14

Yosë ispiritonën otërahuatonco, ina quëran ocoirinco. Napotohuachincora, sëtërahuë, noꞌhuitërahuë, naporahuë. Sinioro chiníquën nanantaton quëpahuachincora naporahuë.

Mateo 7:29

Co huaꞌanhuëꞌ niponahuëꞌ, chiníquën nanantaton, aꞌchintërinpoaꞌ. Co cotio maistroꞌsasoꞌ ina pochin aꞌchinpihuëꞌ,” topi.

Marcos 3:17

Santiaco, Coansha, inapitantaꞌ acorin. Sipitio huiꞌninpita inahuasoꞌ. Nisha nininën inapitantaꞌ acotaantarin. Poaniquisë itërin. (“Huira pochin,” tapon napotërin.)

1 Corintios 2:4

Co naꞌcon nitotonaꞌpi pochin nontëranquëmahuëꞌ. Ispirito Santo chachin catahuarinco nanamën nóya aꞌchinaꞌhuaso marëꞌ. Inasoꞌ yaꞌipi nanitaparin. Natanpatamaꞌ, “Yosë nanamën chachin aꞌchintërinpoaꞌ,” taꞌtomaꞌ, natëramaꞌ.