Miqueas 3:4 - Chayahuita (Shahui)

⁴ Naporamaso marëꞌ aꞌna tahuëri maꞌsha onpoatoma nontaramaco. Nontopiramacohuëꞌ, co aꞌpaniaranquëmahuëꞌ. Paꞌpi co noyahuëꞌ ninamaso marëꞌ naꞌpitatë pochin nitaranquëmaꞌ,” itërin.

Miqueas 3:4 ပူးပေါင်းရင်းမြစ်များ

Proverbios 1:28

Naporo huarëꞌ chinotatomaco përasaramaco. Cancantatomaco yonípiramacohuëꞌ, co huachi quënanaramacohuëꞌ.

Isaías 1:15

Nontamacoso marëꞌ anquihuatamara, co manta yaniꞌnanquëmahuëꞌ. Naꞌaro nontopiramacohuëꞌ, co natanaranquëmahuëꞌ. Naꞌcon tëpatërama niꞌton, huënaiꞌ imirasáchin pochin niꞌnanquëmaꞌ.

Jeremías 14:12

Onponta ayonapirinahuëꞌ, nontërinacoso co natanarahuëꞌ. Oshanëna marëꞌ onponta maꞌsha yaꞌipi ahuiquitopirinahuëꞌ, trico pochin nininsopitanta onponta quëshipirinacohuëꞌ, quëshirinacosopita co noya niꞌsarahuëꞌ. Nani yonquirahuë quira quëran, tanaro quëran, canio quëran, ina quëranpita ataꞌhuantaꞌhuasoꞌ,” itërinco.

Miqueas 3:7

Ninoton quënanaꞌpiroꞌsaꞌ, ninotonaꞌpiroꞌsaꞌ, inapitaso co huachi noꞌtëquën shaꞌhuiponahuëꞌ niꞌton, piyapiꞌsari tëhuaponaꞌ. Napoaton, inapitaso paꞌpi taparo nisapi. Co huachi anitotapohuë niꞌton, taꞌtápona huachi,” tënin.

Mateo 7:22

Ayaroꞌ tahuëri nanihuachin, naꞌa piyapiꞌsaꞌ nontaponaco: ‘Quëma nanamën Sinioro shaꞌhuirai. Quisoso nanan quëtërincoi, taꞌtoi sopairoꞌsaꞌ aꞌparai. Quëma pochin sacaiꞌ nininsopita ninai,’ itaponaco.

Lucas 13:25

Aꞌna tahuëri huaꞌanëni yaꞌcoananën oncotarin huachi. Naporo huarëꞌ aipiran huanirahuatomaꞌ, yayaꞌconpiramahuëꞌ. “Iꞌsoatocoi Sinioro,” tosapiramahuëꞌ, co nohuantarinhuëꞌ. “Co nohuitëranquëmahuëꞌ. Co canpitasoꞌ piyapinëhuëpitanquëmahuëꞌ,” itarinquëmaꞌ.

Juan 9:31

Oshahuanoꞌsari Yosë nontohuachina, co natanatonhuëꞌ, co catahuarinhuëꞌ. Nipirinhuëꞌ, Yosë chinotohuatëhuaꞌ, noya natëhuatëhuaꞌ, natanarinpoaꞌ. Ina nitotërëhuaꞌ.

Santiago 2:13

Co piyapiꞌsaꞌ nosorohuatamahuëꞌ, ayaroꞌ tahuëri Yosëntaꞌ co nosoroarinquëmahuëꞌ. Napoaton “Yosë naꞌcon nosororinpoaꞌ,” taꞌtëhuaꞌ, aꞌnapita nosoroaꞌhuaꞌ. Ina quëran ayaroꞌ tahuëri co anaꞌintarinpoahuëꞌ.

1 Samuel 8:18

Inapotohuachinënquëma aꞌna tahuëri co napion cancantaramaꞌ. Ina pochin ancantatomaꞌ, napotërinquëmaso marëꞌ Sinioro nontaramaꞌ. Naporo inasoꞌ, co tahuërëtarinquëmahuëꞌ, itërin.