Miqueas 2:7 - Chayahuita (Shahui)

⁷ Canpoasoꞌ noya piyapinpoa ninëhuaꞌ. Co Yosë noꞌhuiarinpoahuëꞌ. Nosorinpoa niꞌton, co anaꞌintiinpoaso yaꞌhuërinhuëꞌ. Tëhuënchachin naporaiso pochin Yosëso ninin. Noꞌtëquënáchin ina imapatëhuaꞌ, shaꞌhuitërinpoasopita noya catahuarinpoaꞌ,” itërinaco.

Miqueas 2:7 ပူးပေါင်းရင်းမြစ်များ

Salmos 15:2

Noya nipisopitaráchin nanitopi inaquë yaꞌhuëcaisoꞌ. Aꞌnapita noꞌtëquën yonquirapicaso yaꞌhuërin. Noꞌtën nanansáchin yonquiatëhuaꞌ, noꞌtëquënáchin nonacaso yaꞌhuërin.

Salmos 84:11

Siniorosoꞌ Yosë niꞌton, paꞌpoyarinpoaꞌ. Aꞌpintatë pochin catahuarinpoa noꞌtëquën yonquicasoꞌ. Noyasáchin nipatëhuaꞌ, nosororinpoaꞌ. Noya nicatonpoaꞌ, noya nininsoꞌ co apiratërinpoahuëꞌ.

Isaías 58:1

Sinioro shaꞌhuitërinco: “Ama manta tëꞌhuatonhuëꞌ chiníquën nonquëꞌ. Tronpita pihuihuachina irininso pochin niquëꞌ. Piyapinëhuëpita co noyahuëꞌ nipiso marëꞌ pënënquëꞌ. Cacopo quëran pipipisopita oshahuanpiso marëꞌ inapotëquëꞌ.

Jeremías 15:16

Quëma nontohuatancora, paꞌyátërahuë natanaꞌhuasoꞌ. Huaꞌanëntëranco niꞌton, quëma nanamën acapacancamiatërinco. Quëmaso Sinioro Yosënquën, yaꞌipi nanitaparan.

Jeremías 2:4

Israiroꞌsanquëmasoꞌ, Cacopo quëran pipiramaꞌ. Yaꞌipinquëma Sinioro nontërinquëmasoꞌ natancoꞌ: “¡Caso co maquë tëranta shimashonëmapita tëhuëtërahuëꞌ! Napoaponahuë inapitasoꞌ, aꞌporinaco. Mamanshiroꞌsa co máquënhuë nipirinhuëꞌ, ina imapi. Napoaton inahuara chachiontaꞌ, nitapiatë pochin nipi.

Oseas 14:9

Yonquínahuan niꞌtomaꞌ, niyátainpichin yaꞌhuëhuatamaꞌ, isoíchin shaꞌhuitaranquëmasoꞌ yonquicoꞌ: “Onpopinsona nanpicasoꞌ Sinioro pënëninpoaꞌ. Inasoꞌ, noꞌtëquënáchin pënëntërin. Noya nipisopitasoꞌ, ina natëpi. Co noyahuëꞌ nipisopitaso nipirinhuëꞌ, co ina natëpihuëꞌ tënahuë,” tënin Osiasë.

Miqueas 3:9

Naquëranchin Sinioro pënëntaantarin: “Israiro huaꞌanoꞌsanquëmaꞌ, ipora chachin pënëantaꞌinquëma natanco: ‘Canpitaso noya nicacasoꞌ co paꞌyatëramahuëꞌ. Napoatoma noya nisapisopitantaꞌ, anaꞌintoconamaꞌ.

Números 11:23

Siniororiso napoaponahuëꞌ itapon: —“Co inaso nanitaparanhuëꞌ,” ¿itëranco ti? Inta nipachin. ¿In taꞌma noꞌtëquën noinpaꞌ? itërin.

Mateo 3:8

Co noyahuëꞌ yonquiramasopita naniantatomaꞌ, noya nico huachi.

Juan 8:39

—Apraan mini quiyaso tatanëhuëi, itopi. —Apraan pochin cancantëramaꞌ naporini, ina pochin noya niitomahuëꞌ.

Romanos 7:13

Napoahuarëꞌ pënëntërinsoꞌ noya nipirinhuëꞌ, ina marëꞌ anaꞌintarinco, ¿topiramahuëꞌ ti? ¡Co pënëntërinso marëꞌ anaꞌintincosoꞌ yaꞌhuërinhuëꞌ! Oshahuanahuë niꞌton, anaꞌintincosoꞌ yaꞌhuërin. Pënëntërinsoꞌ noya nipirinhuëꞌ natanahuë quëran aquë aquëtëꞌ co noyahuëꞌ yonquiato, co noyahuëꞌ ninahuë. Pënëninpoa quëran oshahuanahuësoꞌ nitotërahuë. Paꞌpi co noyahuëꞌ ninahuë, tënahuë.

2 Corintios 6:12

Quiyasoꞌ yaꞌipi cancanëhuëi quëran nosoromiatërainquëmaꞌ. Noyasáchin yonquipirainquëmahuëꞌ, canpitasoꞌ co aꞌna nosororamacoihuëꞌ nimara, tënai.

2 Timoteo 3:5

“Quiyantaꞌ Yosë imarai,” topirinahuëꞌ, co tëhuënchachin imapihuëꞌ. Chinotopirinahuëꞌ, co cancanëna quëran huarëꞌ natëpihuëꞌ niꞌton, co Yosëri catahuarinhuëꞌ ina pochin cancantacaisoꞌ. Ama inapita natanquësohuëꞌ. Tananpitëquëꞌ paꞌinaꞌ.