Miqueas 2:4 - Chayahuita (Shahui)

⁴ Ina tahuëri nanihuachin, sëtatona oshaapiso pochin tëhuacaiso marëꞌ cantarapiaponënquëmaꞌ: ‘Noyá ataꞌhuantërinënpoachi paya. Sinioro piyapinënpitanpoa nipirëhuahuëꞌ, iporasoꞌ aꞌnapita huaꞌanëntërinënpoaꞌ. Inapotiinënpoaso marëꞌ co incari tëranta yaꞌcopirinhuëꞌ. Noꞌpanënpoapitantaꞌ, canarinënpoasopitari nipatomatatonaꞌ, huaꞌanëntopi huachi,’ itaponëmaꞌ,” tënin Sinioro.

Miqueas 2:4 ပူးပေါင်းရင်းမြစ်များ

2 Samuel 1:17

Naporo tahuëri Tapisoꞌ, Saonocoꞌ, Conatancoꞌ, inapita yonquiaton oshaarárin. Naporahuaton Cota huënton israiroꞌsa nitotacaiso marëꞌ aꞌchintacaiso camaitërin. Ina chachin noya ninaꞌpi itopisonta quiricaquë ninshitërinso yaꞌhuëárin. Iso pochin acorin:

Isaías 6:11

Napotohuachincora, natanahuë: “¿Onporo huaꞌquita Sinioro ina pochin cancantaponaꞌ?” itohuatora: “Ninanoroꞌsa ataꞌhuantohuachinaꞌ, tanahuantápai huarëꞌ napoapi. Pëiroꞌsaꞌ, iminoꞌsaꞌ, inaquëpitanta sacorápona huachi.

Jeremías 14:18

Ninano aipiran paꞌpatora, niahuëpiquë chimipiroꞌsa quëhuënantapi quënanahuë. Acoana yaꞌconpatorantaꞌ, piyapiꞌsa tanari tiquirarin niꞌnahuë. Pënëntonaꞌpiroꞌsaꞌ, corto huaꞌanoꞌsaꞌ, inapitanta intoasona quëparamarai,’ itëquëꞌ,” tënin.

Jeremías 9:10

Motopiroꞌsa paꞌtatoma naꞌnë naꞌnë́rantacoꞌ. Pastoroꞌsantaꞌ paꞌtatoma osha oshaárantacoꞌ. Yaꞌipi huiquitërin niꞌton, co huachi insonta inaëchin paꞌninhuëꞌ. Ohuacaroꞌsanta ‘maaa,’ topisoꞌ, co huachi yaꞌcaninhuëꞌ. Niꞌniroꞌsaꞌ, anpiantëhuanoꞌsaꞌ, inapitanta taꞌapi.

Jeremías 9:16

Nisha nisha piyapiꞌsa yaꞌhuëpiquë aꞌpaato ayanquëarahuë. Co nohuitopiquëhuëꞌ, aꞌpaarahuë. Co shimashonëna tëranta nohuitopiquëhuëꞌ, aꞌpaarahuë. Yaꞌipi noquitai marëꞌ, sahuëninëna siꞌhuitahuatona inimiconënapitari ima imarantaponaꞌ,” tënin.

Ezequiel 2:10

Oporiantohuachincora niꞌpirahuëꞌ, sëtatona oshaapisoꞌ, co napion ancantatonaꞌ, ¡maꞌhuántacha ninai paya! topisoꞌ, parisitatona tarëtopisoꞌ, inapita catoran chachin ninshitopinan yaꞌhuërin.

Joel 1:13

Corto huaꞌanoꞌsanquëmaꞌ: Canpitasoꞌ Sinioro artaronënquë sacatëramaꞌ. Yosënënpoa chinotërëhuaso pëiquë, co huachi Sinioro marëꞌ cosharoꞌ, huino, inapita quëpihuëꞌ. Napoaton sëtonëmaquë saꞌcatën aꞌmosahuatomaꞌ, yaꞌipi tashi naꞌnëcoꞌ.

Joel 1:8

Nasha soꞌyahuan soꞌin chiminpachina, co napion ancantaton, naꞌnërin.

Amós 5:1

Israiroꞌsanquëmaꞌ. Ipora shaꞌhuitaantaranquëmasoꞌ, noya natancoꞌ: Canpita yonquiatënquëmaꞌ, nichimiantohuatëra sëtatë osharëso pochin nisarahuë.

Miqueas 1:15

Ina quëran Sinioro taantarin: “Marisa ninanoquë yaꞌhuëramasopitantaꞌ, ahuëinquëmaso marëꞌ aꞌnara minsëtonaꞌpi, aꞌpataranquëmaꞌ. Ina huëꞌpachin, Israiro copirno, huaꞌanoꞌsaꞌ, inapita Atoramo ninano yaꞌcari nanin yaꞌhuërinquë, naꞌpicaiso marëꞌ yaꞌconaponaꞌ.

Miqueas 1:8

Sinioro napoarin niꞌton, co napion ancantato naꞌnërápo. Sapatë ocoirahuato, iꞌnanpinantë paꞌsápo. Aꞌmorahuësontaꞌ, paꞌcoirahuato iꞌnanpirapi paꞌsápo. Asaniꞌ naꞌnëton, “huaoo,” tárinso pochin cantaꞌ, naꞌnërápo. Huacopi sëtërinso pochin, nisápo.

Miqueas 2:10

¡Co isëquëranchin yaꞌhuëápamaso yaꞌhuërinhuëꞌ! ¡Paco huachi! Co canpita iso noꞌpaquë noya chinotápamaso yaꞌhuërinhuëꞌ. Canpitari iso noꞌpaꞌ tapirama niꞌton, ataꞌhuantaꞌhuaso yaꞌhuërin.

Habacuc 2:6

Ina quëran Siniorosoꞌ papironiaroꞌsa yonquiaton naporin: “Piyapiꞌsa minsërápiramahuëꞌ, ca nohuanton inapitaso nocanatënënquëmaꞌ, iso pochin cantarapiaponënquëmaꞌ: ‘Canpitaso papironiaroꞌsanquëmaꞌ, aꞌnapita maꞌshanëna matatomaꞌ, maꞌhuanamaꞌ. Coriqui aꞌnanpachinëmantaꞌ, naꞌcon naꞌcon maꞌpataantatoma maꞌhuanpiramahuëꞌ, ¡co ina pochin nisápamaso yaꞌhuërinhuëꞌ! Naporamaso marëꞌ carinquëma anaꞌintaranquëma niꞌton, ¡maꞌhuantacha nisarama paya!’

Números 23:18

Itohuachina, Paramosoꞌ Yosëri anitotërinsoꞌ, shaꞌhuiaantarin: “Paraco, quëmasoꞌ Sipor huiꞌninquën. Noya natanquë shaꞌhuichinquën:

Números 23:7

Naporoꞌ Paramosoꞌ, Yosëri anitotërinso shaꞌhuirin: “Moapo copirno Paraco itopisoꞌ, piꞌi pipirinso parti quëran amatërinco niꞌton, huëꞌnahuë. Aran motopiroꞌsa parti yaꞌhuëpirahuëꞌ: ‘Huëcaton israiroꞌsa ama huachi noya yaꞌhuëcaiso marëhuëꞌ shaꞌhuitiiquëꞌ. Cacopo shinpita co noyahuëꞌ yonquirapiton napotëquëꞌ,’ tënin, itërinaco.

Números 24:15

Naporoꞌ Paramo, Yosë yonquirinso shaꞌhuirin. “Caso Paramoco. Tatahuësoꞌ, Pioro itopi. Yosë nohuantërinsoꞌ nitotato, noꞌtëquën shaꞌhuitaranquën.

Números 24:3

Yaꞌcoancantohuachina, Yosë yonquirinso shaꞌhuiton naporin: “Caso Paramoco. Tatahuësoꞌ, Pioro itopi. Yosë nohuantërinsoꞌ nitotato, noꞌtëquën shaꞌhuitaranquën.

Marcos 12:12

Natanahuatonaꞌ, cotio huaꞌanoꞌsari chiníquën noꞌhuipi. “Chinotatonpoaꞌ pënënarinpoaꞌ,” taꞌtonaꞌ Quisoso yamapirinahuëꞌ tashinan pëiquë poꞌmocaiso marëꞌ. Piyapiꞌsaꞌ niyontonpisopita tëꞌhuatatonaꞌ, co mapihuëꞌ. Patopi huachi.