Miqueas 2:10 - Chayahuita (Shahui)

¹⁰ ¡Co isëquëranchin yaꞌhuëápamaso yaꞌhuërinhuëꞌ! ¡Paco huachi! Co canpita iso noꞌpaquë noya chinotápamaso yaꞌhuërinhuëꞌ. Canpitari iso noꞌpaꞌ tapirama niꞌton, ataꞌhuantaꞌhuaso yaꞌhuërin.

Miqueas 2:10 ပူးပေါင်းရင်းမြစ်များ

Salmos 95:11

Napoaton caso Yosëco niꞌto, noꞌtëquën shaꞌhuitërahuë. Co natëtonacohuë anoꞌhuitërinaco niꞌquëhuarëꞌ, co onporonta noyaroꞌpaquë yaꞌconatonaꞌ, sano cancantaponahuëꞌ,’ tënahuë,” itërinquëmaꞌ.

Jeremías 9:19

Quirosarin quëran huarëꞌ yaꞌipi parti naꞌnërantapisoꞌ natanëhuaꞌ. ¡Maꞌhuántacha canpoasoꞌ ataꞌhuantërinënpoa paya! Paꞌpi taparo nitërinënpoaꞌ. Yaꞌipi yaꞌhuërëhuaso tapitërinënpoaꞌ. Yaꞌipi noꞌpanënpoa patacaso yaꞌhuërin.

Deuteronomio 12:9

Iporaso Yosë noꞌpaꞌ quëtërinpoaquë, co yaꞌconchátërarëhuahuëꞌ. Sinioro noꞌpaꞌ quëtohuachinquëmaꞌ, sano cancantaramaꞌ. Inaquë natëcamaso marëꞌ pënënaranquëmaꞌ.

Deuteronomio 4:26

Piꞌiroꞌtëꞌ, isoroꞌpaꞌ, inapita yaꞌhuërinso niꞌnëhuaꞌ. Inapochachin shaꞌhuitaranquëmasontaꞌ, noꞌtëquën nisarin. Cortaniiꞌ aquëtëran noꞌpaꞌ yaꞌhuërinsoꞌ macatoma huaꞌanëntopiramahuëꞌ, mamanshi moshacaso marëꞌ nipatamaꞌ, co huaꞌqui inaquë yaꞌhuëaramahuëꞌ. Naꞌcon naꞌconquëma chiminaramaꞌ.