Miqueas 1:2 - Chayahuita (Shahui)

² Yaꞌipi piyapinquëma nontaranquëmaso natancoꞌ. Yaꞌipi isoroꞌpaquë yaꞌhuëramasopita noya natancoꞌ: Sinioro chachin chinotërëhuaso pëinën quëran, co noyahuëꞌ ninamasopita nicaton, shaꞌhuirapiarinquëmaꞌ.

Miqueas 1:2 ပူးပေါင်းရင်းမြစ်များ

1 Reyes 22:28

Micaiasëso napoaponahuëꞌ, taantarin: “Noya huënantahuatansoꞌ, co tëhuënchachin Sinioro noninsoꞌ shaꞌhuirahuëꞌ,” tënin.

Salmos 24:1

Yaꞌipi isoroꞌpasoꞌ, Siniorori huaꞌanëntërin. Yaꞌipi yaꞌhuërinsopitarë chachin huaꞌanëntërin.

Proverbios 8:4

“Canpita piyapinquëma pënënaranquëmaꞌ.

Isaías 1:2

Piꞌiroꞌtëquë, isoroꞌpaquë, inaquëpita yaꞌhuëramasoꞌ, yaꞌipinquëma Sinioro noninso natancoꞌ: “Huiꞌnahuëpita huaꞌhuishin quëran huarëꞌ asoꞌsorahuë. Inapotopirahuëꞌ, inahuaso co natërinacohuëꞌ.

Isaías 50:7

Sinioro catahuarinco niꞌton, noꞌhuipirinacohuëꞌ, co manta tënahuëꞌ. ‘Co atapanarinacohuëꞌ,’ taꞌto chiníquën cancantërahuë.

Jeremías 6:19

Yaꞌipi isoroꞌpaquë yaꞌhuëpisopita natainaco. Piyapinëhuëpita co noyahuëꞌ nicatona oshahuanpi niꞌton, paꞌpi parisitacaiso aꞌpatarahuë. Aꞌchinahuësopita, pënëntërahuësoꞌ, inapita co yanatëtonaraihuëꞌ, nocanpi niꞌton, inapotarahuë.

Jonás 2:7

Nani yachiminasoco quëma Sinioro yonquiranquën. Catahuaancoso marëꞌ nontëranquënsoꞌ, chinotërainquënso pëi quëran natananco. Quëma pëinënsoꞌ, noyasáchin ninin.

Jonás 2:8

Aꞌnaquënsoꞌ, mamanshiroꞌsa moshatonaꞌ, aꞌporinën. Caso nipirinhuëꞌ, ‘Yosparinquën Sinioro,’ itatënquën chinotaranquën. Quëma marëꞌ maꞌsha tëparahuato chinotaranquën. Maꞌsona nicacaꞌhuaso shaꞌhuitëranquënsopitantaꞌ, ananiarahuë. Quëmasáchin Sinioro nanitëran nichaꞌëancoisoꞌ,” itërin.

Habacuc 2:20

Caso nipirinhuëꞌ, Sinioroco niꞌto, pëinëhuëquë yaꞌhuëarahuë. Yaꞌipi isoroꞌpaquë yaꞌhuëramasopita taꞌtápamaso yaꞌhuërin,” tënin.

Malaquías 3:5

Naquëranchin Sinioro nontatënquëmaꞌ: “Caso Sinioroco, yaꞌipi nanitapato shaꞌhuitaantaranquëmaꞌ: ‘Naporoꞌ oꞌmahuato, coisë pochin nisarahuë. Noya nipatamaꞌ, noya acoaranquëmaꞌ. Co noyahuëꞌ cancantatona pënotohuachinasoꞌ, anaꞌintarahuë. Nitëhuananpitohuachinaꞌ, Yoscoarëꞌ taponahuë nonpinpachinaꞌ, patronoꞌsa piyapinënapita co noꞌtëquën pahuërëhuachinahuëꞌ, quëyoronoꞌsaꞌ, saꞌahuaroꞌsaꞌ, inapita co nitocatahuahuachinahuëꞌ, nisharoꞌsa aparisitohuachinaꞌ, co tëꞌhuatohuachinacohuëꞌ, inapitanta anaꞌintarahuë,’ tënahuë,” itërinquëmaꞌ.

Deuteronomio 32:1

“Piꞌiroꞌtëꞌ, isoroꞌpaꞌ, canpitanta natancoꞌ. Piyapi pochin nicatoma natanco nonsarahuë.

Apocalipsis 2:11

Imaramaco niꞌton, Ispirito Santo chachin nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Sopai minsëhuatamaꞌ, co parisitopiquë paatomaꞌ, parisitomiataramahuëꞌ. Nani huachi,” itëquëꞌ, ninshitohuatan, itërinco.

Apocalipsis 2:17

Imaramaco niꞌton, Ispirito Santo chachin nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Sopai minsëhuatamaꞌ, noya cancantarama huachi. Iráca israiroꞌsaꞌ Yosëri cosharoꞌ aꞌpatimarin, mana itopisoꞌ. Inachachin poꞌorahuësoꞌ carimantaꞌ quëchinquëmaꞌ sano cancantacamaso marëꞌ. Imaramaco niꞌton, nasha nininëmaꞌ aꞌnaya aꞌnayanquëmaꞌ acoꞌinquëmaꞌ. Canpitaora nitotaramaꞌ. Huiri naꞌpiquë ninshitahuato, quëchinquëmaꞌ. Cancanëma quëran noya noya nohuitaramaco huachi. Nani huachi,” itëquëꞌ, ninshitohuatan, itërinco.

Apocalipsis 2:29

Imaramaco niꞌton, Ispirito Santo nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Nani huachi,” itëquëꞌ, ninshitohuatan, itërinco.

Apocalipsis 2:7

Imaramaco niꞌton, Ispirito Santo chachin nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Sopai minsëhuatamaꞌ, Yosëꞌpaꞌ yaꞌhuëmiataramaꞌ. Inatohuaꞌ nanpirin nara nitërinsoꞌ caꞌpatamaꞌ, noya noya nanpimiataramaꞌ. Nani huachi,” itëquëꞌ, ninshitohuatan, itërinco Quisoso.

Apocalipsis 3:13

Imaramaco niꞌton, Ispirito Santo chachin nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Nani huachi,” itëquëꞌ, ninshitohuatan, itërinco.

Apocalipsis 3:22

Imaramaco niꞌton, Ispirito Santo chachin nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Nani huachi,” itëquëꞌ ninshitohuatan, itërinco Quisoso.

Apocalipsis 3:6

Imaramaco niꞌton, Ispirito Santo chachin nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Nani huachi,” itëquëꞌ, ninshitohuatan, itërinco.