Miqueas 1:12 - Chayahuita (Shahui)

¹² Quirosarinquë yaꞌhuëpisopita ahuëcaiso marëꞌ Sinioro nohuanton inimiconënpitari cantiarin. Napoaton Marotoquë yaꞌhuëpisopitantaꞌ, aꞌnapitari catahuacaiso marëꞌ co napion cancantapi: “Catahuainacoiso ninapiraihuëꞌ, co aꞌna catahuaponacoihuëꞌ nimara,” taponaꞌ.

Miqueas 1:12 ပူးပေါင်းရင်းမြစ်များ

Isaías 45:7

Ca nohuanton tahuëri yaꞌhuërin. Ca nohuanton chachin tashinta yaꞌhuërin. Ca nohuanton noya yaꞌhuëpi. Ca nohuanton chachin maꞌsha onpopi. Ca Sinioroco, yaꞌipi inapita acorahuë.

Jeremías 14:19

Sinioro, co pora Cota huënton israiroꞌsacoi aꞌpomiatërancoihuëꞌ. Co pora Quirosarinquë yaꞌhuëraisopita amimiatërancoihuëꞌ. ¿Onpoatonta nipachin co nimiriohuanhuë pochin nitërancoi? Noya yaꞌhuëcaꞌhuaiso ninapiraihuëꞌ, maꞌsha onpocaꞌhuaisoraꞌ, cantiirincoi. Sano yaꞌhuëcaꞌhuaiso ninapiraihuëꞌ, paꞌpi paꞌyansaꞌ, cantiirincoi.

Amós 3:6

Ninanoquë pomon irinpachina, piyapiꞌsa paꞌyanpi. Ninanoquë maꞌsha onpohuachinara, ca camaitërahuë niꞌton, napoarin.

Miqueas 1:9

Samariaquë yaꞌhuëpisopita Siniorori anaꞌintaton, co noyatochináchinhuëꞌ acoarin. Cota huënton israiroꞌsantaꞌ, parisitacaiso canquiarin. Quirosarin ninanoquë naꞌcon naꞌcon israiroꞌsa yaꞌhuëpirinahuëꞌ, inapitanta parisitacaiso canquiarin niꞌton, napoarahuë.

Rota naporinso' 1:20

Napopirinahuëꞌ, inariso itapon: —Ama Noimi itocosohuëꞌ. Mara itoco. Sinioro Yaꞌipi nanitaparinsoꞌ chiníquën aparisitërinco niꞌton, ina pochin nohuitoco.

1 Samuel 4:13

Canconpachina, Iriso ninano yaꞌcoana pirayan huënsaton ninatárin quënamarin. Ira parti notëtaton ninatárin. Sinioro caposonën yonquirárin. Ina sontaroso ninanoquë yaꞌcoontarahuaton, napopiso shaꞌhuiintarin. Ina natanahuatonaꞌ, yaꞌhuëhuanoꞌsaso co napion cancantatopi. Inapoatonaꞌ: “Yai,” topi.