Miqueas 1:10 - Chayahuita (Shahui)

¹⁰ Inaporëhuasoꞌ, ama Cato ninanoquë yaꞌhuëpisopita shaꞌhuitocosohuëꞌ. Ama naꞌnëcamasoꞌ nohuantocosohuëꞌ. Co napion ancantatomaꞌ, Piti-ri-apra ninano amocantërinquë, nianapitocoꞌ.

Miqueas 1:10 ပူးပေါင်းရင်းမြစ်များ

2 Samuel 1:20

Amana Cato ninanoquë ina nanan shaꞌhuicosohuëꞌ. Asocaron cachiroꞌsaquëntaꞌ, ama ina nitochinasohuëꞌ. Huiristino sanapiꞌsa nitotatona capa cancantohuachinaꞌ. Inpio sanapiroꞌsa niponaraihuëꞌ, capa cancantohuachinaꞌ.

Copo naporinso' 2:8

Napohuachina, amoro ahuiquitopiquë paꞌsahuaton huariano aipi huënsëconin. Inaquë socatë masahuaton niitërárin.

Jeremías 6:26

Yosë piyapinënpitanquëma nipomarahuëꞌ, saꞌcatën aꞌmocoꞌ. Co napion ancantatomaꞌ, huarianoquë nianapitocoꞌ. Nichimiantëramaso pochin cancantatomaꞌ, naꞌnëmiatocoꞌ. Aꞌnaíchin huiꞌnama nininsoꞌ chiminpachina sëtëramaso pochin nicoꞌ. Ataꞌhuantarinquëmasopita aꞌnanaya cantiarinquëma niꞌton, inapocoꞌ.

Amós 5:13

Ipora yaꞌhuëpisopita, paꞌpi co noyahuëꞌ nipi. Napoaton yonquinahuanoꞌsasoꞌ, co manta topihuëꞌ.

Amós 6:10

Naporo tahuëriꞌsa nanpipisopitasoꞌ, paꞌpi tëꞌhuaponaꞌ. Aꞌnasoꞌ, aꞌna pëiquë yaꞌconahuaton, quëmopinën chimininsoꞌ, aꞌpëcaso marëꞌ yonisarin. Patoanaroꞌsaquë yonisoꞌ, aꞌnara quënanahuaton: “¿Yaꞌhuëarin aquëtë huarëꞌ piyapi acoana?” itapon. “Capa, co yaꞌhuërinhuëꞌ,” itarin inarinta. Napotahuaton, tëꞌhuanënquë napopitarapon: “¡Taꞌtëquëꞌ! niꞌquëna aquëtë huarëꞌ nonaton, Sinioro chinototan. Napohuatan, inaso natanatënquën canponta tëpahuachinpoꞌ,” itapon.