Mateo 9:8 - Chayahuita (Shahui)

⁸ Piyapiꞌsaꞌ ina nicatonaꞌ, paꞌyanpi. —¡Ma noyacha Yosëri catahuarin paya! Piyapi niponahuëꞌ chiníquën nanan quëtërin paya, topi.

Mateo 9:8 ပူးပေါင်းရင်းမြစ်များ

Mateo 12:23

Ina niꞌsahuatonaꞌ, piyapiꞌsaꞌ paꞌyanpi. “¡Maꞌpitacha nanitaparin paya! Isosoꞌ Tapicoꞌ shiin, ¿Yosëri aꞌpaimarinsoꞌ nimara ti?” nitopi.

Mateo 15:31

Piyapiꞌsari niꞌsahuatonaꞌ, paꞌyatopi. “Niꞌcoꞌ. Nëꞌhuëyaroꞌsaꞌ nonsapi. Apiaroꞌsaꞌ nani noyatopi. Sonpacharoꞌsaꞌ noya iratopi. Somarayaroꞌsantaꞌ noya quënantopi. ¡Ma noyacha Yosëso paya! ¡Ma noyacha niꞌton, piyapinënpitanpoa catahuarinpoa paya!” topi.

Mateo 28:18

Quisosori yaꞌcarirahuaton, itapon: —Tata Yosë nohuanton, chini chiníquën nanantërahuë. Inápaquë yaꞌhuërinsopita, isoroꞌpaquë yaꞌhuërinsopita, yaꞌipiya huaꞌanëntarahuë.

Mateo 5:16

Inapochachin canpitantaꞌ aꞌpininso pochin nicatomaꞌ, noyasáchin nicoꞌ. Aꞌnapita nicatënënquëmaꞌ: ‘Ma noya Tata Yosëri catahuarin niꞌton, noya nisapi,’ tosapi,” tënin.

Mateo 9:7

Itohuachina, aꞌnaroáchin huanirahuaton, yaꞌhuërinꞌpaꞌ paꞌnin huachi.

Marcos 2:12

Itohuachina, aꞌnaroáchin noyatahuaton, huanirin. Pëꞌsaraꞌhuaya masahuaton, yaꞌhuërinquë paantarin. Ina niꞌsahuatonaꞌ, piyapiꞌsaꞌ paꞌyanpi. —¡Ma noyacha Yosëso niꞌton, aꞌnaroáchin anoyatërin paya! Co onporontaꞌ ina pochin niꞌchinëhuahuëꞌ, topi.

Marcos 7:37

“¡Maꞌpitacha Quisoso nitotërin paya! Nëꞌhuëroꞌsaꞌ anoyatohuachina, noya natantopi huachi. Co nonpirinahuëntaꞌ, aꞌnaroáchin anoyatërin niꞌton, noya nonsapi. ¡Yaꞌipichi noya ninin paya!” topi.

Lucas 13:13

Sëꞌhuapihuachina, aꞌnaroáchin noꞌtëquën huanirin. “¡Ma noyacha Yosësoꞌ niꞌton, anoyatërinco paya!” tënin.

Lucas 17:15

Aꞌnaraꞌ: “Nani noyatërahuë,” taꞌton, ayanquintarin. Iratapon pochin “¡Ma noyacha Yosësoꞌ niꞌton, anoyatërinco paya!” tosarin.

Lucas 18:43

Itohuachina, aꞌnaroáchin noya niꞌtërin. “¡Ma noyacha Yosësoꞌ niꞌton, anoyarayatërinco paya!” taꞌton, Quisoso imarin. Piyapiꞌsantaꞌ paꞌyatatonaꞌ, “Ma noyacha Yosësoꞌ niꞌton, anoyarayatërin paya,” topi.

Lucas 2:20

Ina quëran pëꞌtahuatonaꞌpiroꞌsaꞌ paantapi. “Maꞌpítacha natanëhua paya. Maꞌpítacha niꞌnëhua paya. Anquëniroꞌsaꞌ itërinpoaso chachin quënanëhuaꞌ. ¡Ma noyacha Tata Yosëso paya!” topi.

Lucas 23:47

Capitansoꞌ ina niꞌsahuaton, Yosë chinotërin: —Tëhuënchachin iso quëmapi co mantaꞌ onporinhuëꞌ, tënin.

Lucas 7:16

Ina nicatonaꞌ, yaꞌipi piyapiꞌsaꞌ paꞌyanpi. —¡Ma noyacha Tata Yosëso paya! Ma noya quëmapi aꞌpatimarinpoaꞌ pënëinpoaso marëꞌ. Nani maꞌsha nanitaparin, topi. Ina quëran taantapi: —Yosë co naniantërinpoahuëꞌ. Catahuarinpoa huachi, topi.

Juan 15:8

Opa naꞌcon nitërinso pochin canpitantaꞌ noya noya nicoꞌ. Ina quëran aꞌnapitantaꞌ nicatënënquëmaꞌ, Yosë yonquiaponaꞌ. Naporahuatomaꞌ, noya noya imasaramaco.

Hechos 11:18

Natanahuatonaꞌ, co huachi noꞌhuipihuëꞌ. —Tëhuënchachin Yosë nohuanton, nisha piyapiꞌsantaꞌ co noyahuëꞌ yonquipisopita naniantatonaꞌ, imasapi. Inari catahuarin niꞌton, nanpimiatapi. Ma noyacha Yosëso paya, itopi.

Hechos 21:20

Natanahuatonaꞌ, “Ma noyacha Yosësoꞌ niꞌton, nisha piyapiꞌsantaꞌ imasapi paya,” topi aꞌnaya aꞌnaya. Ina quëran itantapi: —Noya iyasha nipirinhuëꞌ, isëquë naꞌa huaranca cotioroꞌsaꞌ Quisoso imaponaraihuëꞌ, Moisësë iráca pënëntërinsoꞌ yanatëpi antaꞌ. “Inantaꞌ natëcasoꞌ yaꞌhuërin,” topi.

Hechos 4:21

“Co natëhuatamacoihuëꞌ, anaꞌintarainquëmaꞌ,” itahuatonaꞌ, aꞌpapi. Apia anoyatërinsoꞌ nani catapini shonca naꞌcon piꞌipitërin niꞌton, yaꞌipi piyapiꞌsari paꞌyatopi. “Yosëíchin nanitërin anoyatacasoꞌ. Ma noyacha Yosëso paya,” topi yaꞌipi piyapiꞌsaꞌ. Napoaton huaꞌanoꞌsari co nanitopihuëꞌ anaꞌintacaisoꞌ.

2 Corintios 9:13

Catahuaramaꞌ niꞌton, noya cancantapi. “Ma noya Quisocristo nanamën natëtonaꞌ, catahuarinënpoaꞌ. Ma noyacha Yosësoꞌ niꞌton, ina nohuanton, naꞌa piyapiꞌsaꞌ catahuapi paya,” tosapi.

Gálatas 1:24

Ina natantahuatonaꞌ, “¡Ma noyacha Tata Yosësoꞌ niꞌton, Paonontaꞌ imarin paya!” topi.

1 Pedro 2:12

Co imapisopitahuëꞌ pinorinënquëmaꞌ. “Co noyahuëꞌ nipi,” topi. Ina nipirinhuëꞌ, noyasáchin nicoꞌ niꞌinënquëmaꞌ. Ina quëran aꞌna tahuëri Yosëri catahuarin niꞌton, noꞌtëquën yonquihuachinaꞌ, yonquiarinënquëmaꞌ. “Ma noyacha Yosëri catahuarin niꞌton, noya nipi paya,” tosapi.