Mateo 9:31 - Chayahuita (Shahui)

³¹ pipirahuatonaꞌ, naꞌa piyapiꞌsaꞌ shaꞌhuitëraꞌpiapi. —Quisoso anoyarayatërincoi. Noya huachi quënantërai, itëraꞌpiapi. Yaꞌipi parti quëran natantopi.

Mateo 9:31 ပူးပေါင်းရင်းမြစ်များ

Mateo 14:1

Yaꞌipi Quisoso naporinsoꞌ nahuinin. Cariria huaꞌan Irotisë itopisontaꞌ natantërin.

Mateo 28:15

—Noyahuaꞌ. Napoꞌi nipachin, tosahuatonaꞌ, coriqui maꞌpatopi. Paꞌsahuatonaꞌ, piyapiꞌsaꞌ nonpintopi. Cotio huaꞌanoꞌsari shaꞌhuitopiso chachin nonpinpi. Ipora huantaꞌ naꞌa cotioroꞌsaꞌ ina nonpin nanan natëpi.

Mateo 4:24

Yaꞌipi Siria partintaꞌ, nahuinin niꞌton, notohuaroꞌ caniaꞌpiroꞌsaꞌ quëpi Quisosori anoyatacaso marëꞌ. Nisha nisha canio inquitëraꞌpiarin. Aꞌnaquëontaꞌ sopairi yaꞌcoancantërin niꞌton, co huachi inaora yonquirinsoꞌ yonquirinhuëꞌ. Toconaꞌpiroꞌsaꞌ, apiaroꞌsa inapitantaꞌ quëpapi Quisosori anoyatacaso marëꞌ. Quëpachinara, yaꞌipi anoyatëraꞌpiarin.

Mateo 9:26

Napohuachina, yaꞌipi parti nanan nahuinin.

Marcos 1:28

Shiarahuaton, Quisoso naporinsoꞌ yaꞌipi Cariria parti nahuinin.

Marcos 7:36

Quisosori piyapiꞌsaꞌ pënënin: “Ama aꞌnapita shaꞌhuitocosohuëꞌ,” itërin. Itopirinhuëꞌ, piyapiꞌsasoꞌ paꞌsahuatonaꞌ, shaꞌhuiraꞌpiapi. Naꞌcon naꞌcon pënënpirinhuëꞌ, aquë aquëtë huarëꞌ shaꞌhuiraꞌpiapi.

Lucas 4:14

Ina quëran Cariria parti Quisoso paantarin. Ispirito Santori noyá yaꞌcoancantërin niꞌton, catahuarin nóya nicacasoꞌ. Yaꞌipi naporinsoꞌ nahuinin.

Lucas 4:37

Quisoso naporinsoꞌ, yaꞌipi parti nahuinin.

Lucas 5:15

Napotopirinhuëꞌ, yaꞌipi parti nahuinin. Ina quëran huaꞌhuayátërahuëꞌ piyapiꞌsaꞌ huëꞌpi Quisoso natanacaiso marëꞌ. Caniaꞌpiroꞌsantaꞌ huëꞌpi anoyatacaso marëꞌ.

Lucas 7:17

Ananpitaantarinsoꞌ yaꞌipi Cotia parti nahuinin. Yaꞌipiya natantopi.