Mateo 9:18 - Chayahuita (Shahui)

¹⁸ Aꞌchinaquëyaꞌ, aꞌna cotio huaꞌan huëꞌnin. Quisoso notënanquë isonquirin. —Huiꞌnahuë apira chiminin. Huëcaton, Sinioro, sëꞌhuaquiquëꞌ nanpiantaꞌin, topirahuëꞌ, itiirin.

Mateo 9:18 ပူးပေါင်းရင်းမြစ်များ

2 Reyes 5:11

Ina natanaton, Namanoso noꞌhuitërin: —Sëëshi. Pipirahuaton taꞌma Sinioro nontapon. Ina quëran chanatërahuëquë sëꞌhuarahuaton, inquitarinco, topirahuë.

Mateo 14:33

Napohuachina, naꞌcon yonquipi. —Quëmasoꞌ Sinioro tëhuënchachin Yosë huiꞌninquën, taꞌtonaꞌ chinotopi.

Mateo 15:25

Sanapiso nipirinhuëꞌ, isonquirahuaton moshaquirin. —Nisha sanapico nipirahuëꞌ, cantaꞌ Sinioro catahuaco, topirahuëꞌ, itërin.

Mateo 17:14

Nani nohuaraimantahuachinara, naꞌa piyapiꞌsaꞌ quënanquimarin. Aꞌna quëmapisoꞌ huëꞌsahuaton, isonquirin.

Mateo 20:20

Ina quëran catoꞌ caꞌtanoꞌsanënpita huëꞌpi Quisoso nontacaiso marëꞌ. Sipitio huiꞌninpita inahuasoꞌ. Aꞌshinë chachin huëꞌpi. Aꞌshinsoꞌ isonahuaton: Piꞌpian Sinioro nonchinquën, topiraihuëꞌ, itërin.

Mateo 28:17

Inaquë Quisoso quënanconahuatonaꞌ, chinotopi. Aꞌnaquënso nipirinhuëꞌ piꞌpian co natërinhuëꞌ. “Co inahuëꞌ nimara,” topirinahuëꞌ.

Mateo 8:2

Paꞌsapirinahuëꞌ, aꞌna caniaꞌpi huëꞌnin, chana caniori maninsoꞌ. Nacapirahuaton, Quisoso nantëntaquë isonin quëran, itapon: —Nohuantohuatan Sinioro, quëma nanitëran anoyatancosoꞌ. Anoyatoco topirahuëꞌ, itërin.

Mateo 8:25

Napohuachina, caꞌtanoꞌsanënpitari ochinanpi. —¡Catahuacoi Sinioro! ¡Chimiitarihuaꞌ canpoasoꞌ! itopi.

Mateo 9:17

Shaꞌmorontaꞌ yonquicoꞌ. Huino shaꞌmoroꞌ nipachina, co shaꞌhuëtëꞌ morsa mocaroꞌ nininquë taꞌpanëhuëꞌ. Saꞌpotohuachina, aꞌnaroáchin nopoitërin. Nopoitohuachina, huino chiniarëꞌ. Morsantaꞌ tapirëꞌ. Shaꞌmoroꞌ huinosoꞌ nasha morsaquë taꞌpanëꞌ. Huino, morsantaꞌ noya nisarin, tënin Quisoso. (Iráca inachitopisoꞌ naniantatonaꞌ, nasha nanan imacasoꞌ yaꞌhuërin, tapon naporin.)

Mateo 9:19

—Noyapaꞌ, tosahuaton inarë chachin paꞌnin. Caꞌtanoꞌsanënpitantaꞌ paꞌpi.

Mateo 9:24

Quisosori itapon: —Yaꞌipinquëmaꞌ pipicoꞌ. Co sanapiaꞌhua chimininhuëꞌ. Topinan huëꞌësárin, itërin. —Co huëꞌërinhuëꞌ. Nani chiminin, itatonaꞌ tëhuapi.

Lucas 13:14

Niyontonpiso pëiꞌ huaꞌanso nipirinhuëꞌ, noꞌhuitërin. Chinoto tahuëri anoyatërin niꞌton, naporin. Napoaton piyapiꞌsaꞌ itapon: —Saota tahuëri sacatacasoꞌ yaꞌhuërin. Naporoꞌ huëcoꞌ anoyatinquëmaso marëꞌ. Chinoto tahuërisoꞌ co noyahuëꞌ anoyatacasoꞌ, itërin.

Lucas 18:18

Ina quëran aꞌna huaꞌani Quisoso huëcapairin. —Quëmasoꞌ Maistro noyanquën, tënahuë. ¿Maꞌtaꞌ casoꞌ nii nanpimiataꞌhuaso marëꞌ? Shaꞌhuitoco cantaꞌ noya nii, itiirin.

Lucas 7:2

Inaquë aꞌna Noma capitan yaꞌhuërin. Aꞌna piyapinën chiníquën canioton, yachiminin. Huaꞌanëni noya nosororin.

Juan 11:25

—Cari ananpitaantarahuë. Casáchin nanpicasoꞌ quëtërahuë. Insopitasona natëhuachinaco, chiminaponaraihuëꞌ, nanpiantarapi.

Juan 11:32

Mariasoꞌ Quisosoquë canconahuaton, nantën pirayan isonconin. —Iꞌhua Sinioro isëquë yaꞌhuëran naporini, yoꞌyohuë co chimiintonhuëꞌ, itërin.

Hechos 13:15

Cotio ansianoꞌsaꞌ quirica nontapi. Moisësë iráca pënëntërinsoꞌ, pënëntonaꞌpiroꞌsaꞌ ninshitopisoꞌ, inapita nani nontohuachinara, itaponaꞌ: —Achinicancanamacoiso marëꞌ yapënënpatamacoi iyaroꞌsaꞌ, shaꞌhuitocoi nataꞌin, itërin.

Hechos 28:8

Paꞌpinso nipirinhuëꞌ chiníquën caniorin. Apira apira saporin. Nani huaꞌquiꞌ chiꞌchirárin. Paonori nicapon paꞌnin. Sëꞌhuamotorahuaton Yosë nontohuachina, aꞌnaroáchin noyatërin.