Mateo 8:9 - Chayahuita (Shahui)

⁹ Casoꞌ huaꞌanëhuë natërahuë. Capitanco niꞌton, sontaroꞌsaꞌ natërinaco cantaꞌ. “Paquëꞌ,” itohuatëra, paꞌnin. “Huëquëꞌ,” itohuatëra, huëꞌnin. Piyapinëhuëpitantaꞌ camairahuë. “Sacatëquëꞌ,” itohuatëra, sacatarin. Inapochachin quëmantaꞌ topinan camaihuatan, aꞌnaroáchin piyapinëhuë noyatarin tënahuë, itërin.

Mateo 8:9 ပူးပေါင်းရင်းမြစ်များ

Salmos 148:8

oꞌcoriꞌ, ocai anotërinsoꞌ, ocai tachitërinsoꞌ, noyahuan chitoroꞌ, Yosëri camaihuachina panca ihuan paꞌninsoꞌ,

Mateo 8:10

Quisosori natanahuaton, paꞌyatërin. Napoaton piyapiꞌsaꞌ itapon: —¡Ma noyacha iso quëmapi natërinco paya! Nisha piyapi niponahuëꞌ, israiroꞌsa quëran noya noya natërinco.

Mateo 8:8

—Quëmasoꞌ Sinioro noya noyanquën. Co casoꞌ quëma pochincohuëꞌ. Co pëinëhuëquë huarëꞌ huëcamasoꞌ yaꞌhuërinhuëꞌ. Topinan camaiquëꞌ noyachin, tënahuë.

Marcos 1:27

Yaꞌipi piyapiꞌsaꞌ paꞌyanahuatonaꞌ, ninontapi: —¿Maꞌpítataꞌ niꞌsarëhuasoꞌ? Quisososoꞌ co aꞌnapita pochin aꞌchininhuëꞌ. Chini chiníquën nanantaton, sopairoꞌsa quëran huarëꞌ camaihuachina, natëpi, topi.

Lucas 4:39

Inaquë paaparahuaton, sapo aꞌnaroáchin inquitërin. Noyatërin huachi. Nani noyatahuaton, inari chachin aꞌcarin, oꞌshitërin, napotërin.

Lucas 7:8

Cantaꞌ huaꞌanëhuë natërahuë. Capitanco niꞌto, sontaroꞌsaꞌ camaihuatëra, natërinaco. “Pacoꞌ,” itohuatëra, paꞌpi. “Huëcoꞌ,” itohuatëra, huëꞌpi. Piyapinëhuëpitantaꞌ camairahuë. “Sacatocoꞌ,” itohuatëra, sacatopi. Napoaton natëranquën,’ tënin capitan,” itiipi.

Lucas 9:1

Shonca catoꞌ quëmapiꞌsaꞌ Quisosori nani huayonin naꞌcon naꞌcon aꞌchintacaso marëꞌ. Caꞌtanoꞌsanënpita itopi. Ayontonahuaton, chiníquën nanan quëtërin sopairoꞌsaꞌ aꞌpacaiso marëꞌ. Ina nohuanton, nisha nisha caniori maninsopitantaꞌ anoyatapi.

Colosenses 3:22

Patron marëꞌ sacatohuatamaꞌ, noya natëcoꞌ. Ama nonpintocosohuëꞌ. Co niꞌpirinquëmaontaꞌ, noya sacatocoꞌ. Co patronachin yonquicasoꞌ yaꞌhuërinhuëꞌ. Siniorontaꞌ niꞌsarinquëmaꞌ. Ina yonquiatomaꞌ, yaꞌipi cancanëma quëran natëcoꞌ.

Tito 2:9

Patron marëꞌ sacatopisopitantaꞌ pënënquëꞌ patronënaꞌ noya nicatonaꞌ, natëinaꞌ. Natëtonaꞌ, noya sacachinaꞌ. Camaihuachinaꞌ, natëinaꞌ. Co aꞌpanicasoꞌ yaꞌhuërinhuëꞌ.