Mateo 8:4 - Chayahuita (Shahui)

⁴ —Ama piyapiꞌsaꞌ shaꞌhuitëquësohuëꞌ. Corto huaꞌan yaꞌhuërinquë paaton, noyatëransoꞌ aꞌnotonquëꞌ niꞌinquën. Naporahuaton, maꞌsona Moisësë shaꞌhuirinsoꞌ quëpaquëꞌ noyatëransoꞌ nitotacaiso marëꞌ, itërin. Napotohuachina, paꞌnin huachi.

Mateo 8:4 ပူးပေါင်းရင်းမြစ်များ

Isaías 42:21

Sinioroso Yosë nichaꞌëtonaꞌpi niꞌton, aꞌchininso noya noya niꞌcaiso marëꞌ naꞌcon naꞌcon nohuantërëhuaso chachin aꞌchinin.

Mateo 10:18

Imaramacoso marëꞌ huaꞌanoꞌsaꞌ yaꞌhuërinquë shaꞌhuirapiarinënquëmaꞌ. Copirnoroꞌsaquëntaꞌ quëpaarinënquëmaꞌ. Ca nohuanto, inaquë quëpaarinënquëmaꞌ nanamëhuë shaꞌhuitacamaso marëꞌ. Inaquë nisha piyapiroꞌsantaꞌ aꞌchintaramaꞌ.

Mateo 16:20

Ina quëran yaꞌipi caꞌtanoꞌsanënpita itapon: “Ca mini Cristoco. Yosë chachin acorinco piyapiꞌsaꞌ nichaꞌëcaꞌhuaso marëꞌ. Ina nitotapomarahuëꞌ, ama iporasoꞌ aꞌnapita shaꞌhuitocosohuëꞌ,” itërin.

Mateo 17:9

Ina quëran motopi quëran nohuaramapona pochin, Quisosori itërin: —Achin niꞌnamasoꞌ, ama insontaꞌ shaꞌhuitocosohuëꞌ. Yosë quëran quëmapico niꞌto, aꞌna tahuëri nanpiantarahuë. Naporo huarëꞌ aꞌnapita shaꞌhuitocoꞌ, itërin.

Mateo 3:15

Napotopirinhuëꞌ, Quisosori itërin: —Yosë nohuantërin niꞌton, yaꞌipi natëcaꞌhuasoꞌ yaꞌhuërin. Napoaton noya quëma aporintoco, itërin. Ina natanahuaton: —Noyahuaꞌ, itahuaton, iꞌquë aporintërin.

Mateo 5:17

Ina quëran itaantarin: “Iráca Moisësë, pënëntonaꞌpiroꞌsaꞌ, inapita naꞌcon pënëntopi. Pënëntatonaꞌ, ninshitopi. Co ina naniantacasoꞌ yaꞌhuërinhuëꞌ, tënahuë. Yaꞌipi inapita ninopisoꞌ nanicaso marëꞌ oꞌmarahuë. Maꞌsona tapon naporinsopita noꞌtëquën shaꞌhuichinquëmaꞌ.

Mateo 6:1

Naquëranchin Quisoso pënëntaantarin: “Aꞌnaquënsoꞌ piyapiꞌsari noya nicacaiso marëꞌ noya Yosë imapisopita pochin yaꞌnopirinahuëꞌ, co tëhuënchachin cancanëna quëran huarëꞌ Yosë yonquipihuëꞌ. Ina pochin nipatamaꞌ, co inápaquë Tata Yosë acanaarinquëmahuëꞌ. Ama iyaroꞌsaꞌ inapita pochin nicosohuëꞌ.

Mateo 9:30

Napotohuachina aꞌnaroáchin quënantopi. —Anoyatëranquëmasoꞌ iyaroꞌsaꞌ, ama insontaꞌ shaꞌhuitocosohuëꞌ, itopirinhuëꞌ,

Marcos 13:9

Niꞌcona canpitantaꞌ naniantotamaco. Aꞌna tahuëri masarinënquëmaꞌ. Imaramacoso marëꞌ coisëquë shaꞌhuirapiarinënquëmaꞌ. Cotio niyontonpiso pëiroꞌsaquë huihuiarinënquëmaꞌ. Imaramaco niꞌton, chirinchi huaꞌanoꞌsaꞌ yaꞌhuërinquëntaꞌ shaꞌhuirapiarinënquëmaꞌ. Ca nohuanto, inaquë quëpaarinënquëmaꞌ nanamëhuë shaꞌhuitacaso marëꞌ.

Marcos 3:12

Inariso nipirinhuëꞌ, chiníquën pënënin: “¡Ama piyapiꞌsaꞌ anohuitocosohuëꞌ!” itërin.

Marcos 5:43

Quisososo nipirinhuëꞌ, “Ama aꞌnapita shaꞌhuitocosohuëꞌ,” itahuaton, “Nanon aꞌcacoꞌ,” itërin.

Marcos 6:11

Aꞌna ninanoquë yaꞌhuëpisopita noꞌhuitënënquëmaꞌ: “Ama isëquë huëcosohuëꞌ. Co yanatanainquëmahuëꞌ,” itohuachinënquëmaꞌ, patocoꞌ. Yapaꞌpatamaꞌ, pënëncoꞌ: “Nani shaꞌhuitopiranquëmahuëꞌ. Co nohuantëramahuëꞌ niꞌquëhuarëꞌ canpitaora tëhuënëmaquë ninaꞌintaramaꞌ,” itocoꞌ. Tëhuënchachin Yosëri chiníquën anaꞌintarin huachi, itërin Quisosori.

Marcos 7:36

Quisosori piyapiꞌsaꞌ pënënin: “Ama aꞌnapita shaꞌhuitocosohuëꞌ,” itërin. Itopirinhuëꞌ, piyapiꞌsasoꞌ paꞌsahuatonaꞌ, shaꞌhuiraꞌpiapi. Naꞌcon naꞌcon pënënpirinhuëꞌ, aquë aquëtë huarëꞌ shaꞌhuiraꞌpiapi.

Marcos 8:30

—Ama ina aꞌnapita shaꞌhuitocosohuëꞌ, itërin Quisosori.

Marcos 9:9

Motopi quëran nohuaramapona pochin, Quisosori itërin: “Achin niꞌnamasoꞌ ama insontaꞌ shaꞌhuitocosohuëꞌ. Yosë quëran quëmapico niꞌto, aꞌna tahuëri nanpiantarahuë. Naporo huarëꞌ aꞌnapita shaꞌhuitocoꞌ,” itërin.

Lucas 17:14

Napotohuachinara, niꞌsahuaton, itapon: —Paatomaꞌ corto huaꞌan noyatëramaso aꞌnotoncoꞌ, itërin. Napotohuachina, paꞌpi. Paasoiꞌ, aꞌnanaya canio inquipi. Noyatopi.

Lucas 21:13

Naporoꞌ inapitantaꞌ Yosë nanamën shaꞌhuitohuatamaꞌ, natanapi.

Lucas 4:41

Sopairi yaꞌcoancantërinsopitantaꞌ quëntapi. Quisosori nontohuachina, sopairoꞌsaꞌ pipipi. Yapipihuachinaꞌ, chiníquën nontapi. —Quëmasoꞌ Yosë huiꞌninquën, itopi. Yosëri aꞌpaimarinsoꞌ nitotatonaꞌ, napotopi. Napoaton Quisosori itapon: “Taꞌtëquëꞌ. Ama insontaꞌ shaꞌhuitëquësohuëꞌ,” itohuachina, taꞌtopi huachi.

Lucas 5:14

—Ama iyasha piyapiꞌsaꞌ shaꞌhuitëquësohuëꞌ. Corto huaꞌainchin sacatërinquë paaton, noyatëransoꞌ aꞌnotonquëꞌ niꞌinquën. Naporahuaton, ofrenda Moisësë camaitërinsoꞌ quëpaquëꞌ noyatëransoꞌ nitotacaiso marëꞌ, itërin.

Lucas 8:56

Aꞌshin, paꞌpin, inapita paꞌyanpi. “Maꞌpitacha nitotaton, ananpitaantaran paya,” itopirinahuëꞌ, “Ama aꞌnapita shaꞌhuitocosohuëꞌ,” itërin Quisosori.

Lucas 9:21

Pitrori napotopirinhuëꞌ: “Ama inasoꞌ ipora aꞌnapita shaꞌhuitocosohuëꞌ,” itahuaton, shaꞌhuitërin:

Juan 5:41

Co canpita noya nicamacoso marëꞌ napotëranquëmahuëꞌ.

Juan 7:18

Aꞌnaquënsoꞌ inahuara yonquinëna quëran aꞌchinpi. Piyapiꞌsari paꞌyatacaiso marëꞌ napopi. Casoꞌ nipirinhuëꞌ Yosëíchin yonquiato, noꞌtëquën aꞌchinahuë. Inaíchin paꞌyatacaisoꞌ yaꞌhuërin, tënahuë. Co nonpintëranquëmahuëꞌ.

Juan 8:50

Co noya niꞌpiramacohuëꞌ, co ina yonquirahuëꞌ. Yosësoꞌ noya niꞌninco. Inasoꞌ coisë pochin nicaton, noꞌtëquënáchin yonquirin.