Mateo 8:3 - Chayahuita (Shahui)

³ Quisosori sëꞌhuarahuaton, itërin: —Nohuantërahuë mini, iyasha. ¡Noyatëquë huachi! itërin. Itohuachina, aꞌnaroáchin noyatërin. Canio inquirin huachi.

Mateo 8:3 ပူးပေါင်းရင်းမြစ်များ

Génesis 1:3

Naporoꞌ Yosë tapon: “¡Tashinantërinso niiꞌsohuanchin huachi!” tënin. Topachina, niiꞌsohuantërin huachi.

2 Reyes 5:11

Ina natanaton, Namanoso noꞌhuitërin: —Sëëshi. Pipirahuaton taꞌma Sinioro nontapon. Ina quëran chanatërahuëquë sëꞌhuarahuaton, inquitarinco, topirahuë.

2 Reyes 5:14

Napotohuachinara, paꞌsahuaton Irisiori camairinso chachin ninin. Canchisëro Cortaniiquë yaꞌcoitërin. Napohuachina noyataton huiꞌnapiraꞌhua pochin shaꞌhuëtëtërin.

Salmos 33:9

Ina nonin quëran nani maꞌsha yaꞌhuërin niꞌton, natëcoꞌ. Ina camaitërin quëran noyá acopinan quëparitërin. Napoaton noya nicatoma natëcoꞌ.

Mateo 12:13

Napotahuaton, apia nontërin. —Imiran iyasha ihuëquëꞌ, itërin. Natëton ihuëpachina, aꞌnaroáchin noyatërin. Aꞌna imirin pochachin niantarin.

Marcos 1:41

Quisosori nosoroaton, sëꞌhuarin. —Nohuantërahuë mini iyasha. ¡Noyatëquë huachi! itërin.

Marcos 4:39

Huanintarahuaton, ihuan aꞌparin. Sonontaꞌ camaiton: —¡Sanoquëꞌ! ¡Copi tëquë huachi! itërin. Itohuachina, ihuan copitënin. Aꞌnaroáchin sanoirin.

Marcos 5:41

Maimirarahuaton, inaora nananquë: —Tarita comi, itërin. “Huënsëquëꞌ apiaꞌhua,” tapon napotërin.

Marcos 7:34

Inápaquë nëꞌpëtahuaton, sëtërin quëran panca nii oꞌhuarin. Ina quëran Yosë nontahuaton: “¡Ipata!” itërin. “¡Nëꞌhuëransoꞌ inquiquëꞌ!” tapon napotërin.

Marcos 9:25

Naꞌa piyapiꞌsaꞌ niyontonquirapi niꞌsahuaton, aꞌnaroáchin sopai itapon: —Quëmasoꞌ sopainquën. Piyapi yaꞌcoancantohuatana, anëꞌhuëran. Napoaton carinquën napotaranquën. Iso huaꞌhuasha quëran pipirahuaton, ama huachi onporontaꞌ yaꞌcoancantantaquësohuëꞌ, itërin.

Lucas 4:27

Irisio pënëntonaꞌpintaꞌ nanpisoꞌ, naꞌa chana caniori maninsopita Israiro noꞌpaquë yaꞌhuëpirinahuëꞌ, co aꞌnaya tërantaꞌ anoyatërinhuëꞌ. Namanosoꞌ Siria piyapi niponahuëꞌ, Yosë nohuanton, anoyatërin. Aꞌnaroáchin canio inquirin, tënin Quisoso.

Lucas 5:13

Quisosori sëꞌhuarahuaton, itapon: —Nohuantërahuë mini. Apiramiáchin anoyataranquën, itërin. Itohuachina, aꞌnaroáchin canio inquirin.

Lucas 7:14

Napotahuaton, chimipi acopiquë sëꞌhuaconin. Sëꞌhuarahuachina, quëparapisopita huanipi. Napohuachina, chimipi itapon: —Huënsëquëꞌ apiaꞌhua, itërin.

Juan 11:43

Ina tosahuaton, chimipi chiníquën itapon: —¡Iya Nasaro, pipirahuaton huëquëꞌ! itërin.

Juan 15:24

Naꞌa piyapiꞌsaꞌ aꞌnaroáchin anoyatërahuë. Nani maꞌsha Yosë pochin ninahuë. Aꞌnapita piyapiꞌsasoꞌ co nanitapapihuëꞌ. Yosë anohuitaꞌhuaso marëꞌ sacaiꞌ nininsoꞌ aꞌnotërahuë. Co aꞌnotërahuëꞌ naporini, co ina marëꞌ oshahuaintonahuëꞌ. Nani nicaponaracohuëꞌ, noꞌhuirinaco. Tata Yosëntaꞌ noꞌhuipi.

Juan 5:21

Tatahuë chimipi ananpitaantarin. Inapochachin cantaꞌ insosona nohuantërahuësoꞌ ananpitaantarahuë.