Mateo 8:28 - Chayahuita (Shahui)

²⁸ Ina quëran aquëtëran canconpi. Inaso noꞌpaꞌ Catara parti itopi. Inaquë catoꞌ quëmapi yaꞌhuëpi. Naꞌa sopairoꞌsari yaꞌcoancantopi niꞌton, co huachi yonquipihuëꞌ. Paꞌpi huaꞌyantopi. Naꞌpi naninquë chimipiroꞌsaꞌ poꞌmopiquë yaꞌhuërapi. Aꞌnaroáchin yaahuëtopi niꞌton, co inataquëchin paꞌpihuëꞌ. Quisoso nonshihuachina, sopairoꞌsari yaꞌcoancantërinsopita naꞌpi nanin quëran pipirahuatonaꞌ, huëꞌsapi nacapirin.

Mateo 8:28 ပူးပေါင်းရင်းမြစ်များ

Génesis 10:16

Canaan shinpitanta isopita: Quiposoroꞌsaꞌ, amororoꞌsaꞌ, quiriquiroꞌsaꞌ, iporoꞌsaꞌ, arasiroꞌsaꞌ, siniroꞌsaꞌ, arapatiroꞌsaꞌ, simariroꞌsaꞌ, amatiroꞌsaꞌ, inapita. Ina piquëran Canaan huëntonoꞌsa niquë niquë yanquëëpi.

Mateo 4:24

Yaꞌipi Siria partintaꞌ, nahuinin niꞌton, notohuaroꞌ caniaꞌpiroꞌsaꞌ quëpi Quisosori anoyatacaso marëꞌ. Nisha nisha canio inquitëraꞌpiarin. Aꞌnaquëontaꞌ sopairi yaꞌcoancantërin niꞌton, co huachi inaora yonquirinsoꞌ yonquirinhuëꞌ. Toconaꞌpiroꞌsaꞌ, apiaroꞌsa inapitantaꞌ quëpapi Quisosori anoyatacaso marëꞌ. Quëpachinara, yaꞌipi anoyatëraꞌpiarin.

Mateo 8:27

Ina nicatonaꞌ, caꞌtanoꞌsanënpita paꞌyanpi. —¿Ma quëmapicha isosoꞌ niꞌton, ihuan aꞌparin paya? Sonontaꞌ aꞌnaroáchin asanoirin, nitopi.

Hechos 10:38

Ina piquëran Yosëri chachin Quisocristo acorin, Nasaritoquë yaꞌhuërinsoꞌ. Yosë nohuanton, Ispirito Santori noyá yaꞌcoancantërin. Napoaton nani maꞌsha nanitaparin nicacasoꞌ. Nisha nisha parti paaton, nóya ninin. Naꞌa caniaꞌpiroꞌsaꞌ aꞌnaroáchin anoyatërin. Aꞌnaquën sopairi yaꞌcoancantërin niꞌton, chiníquën parisitopirinahuëꞌ, inari anoyatërin. Yosëri catahuarin niꞌton, aꞌnaroáchin anoyatërin.

Deuteronomio 7:1

Naquëranchin Moisësëri israiroꞌsa nontaantarin: “Sinioroso Yosënënpoa niꞌton, catahuarinquëma noꞌpaꞌ quëtarinquëmaquë yaꞌconacamasoꞌ. Ina marëꞌ canchisë nacionoꞌsa aꞌpararin. Canpita quëran naꞌcon naꞌcon niꞌtona chini chiníquën nanantopirinahuëꞌ, aꞌpararin. Cananoꞌsaꞌ, itiroꞌsaꞌ, amororoꞌsaꞌ, huirisëroꞌsaꞌ, quiriquiroꞌsaꞌ, iporoꞌsaꞌ, quiposoroꞌsaꞌ, inapita itopisoꞌ aꞌpararin.

Jueces 5:6

Anato huiꞌnin Samacaro itopi. Ina nanpiso tahuëriꞌsaꞌ, Cairi nanpiso tahuëriꞌsanta isopopi: Israiroꞌsa iratohuachinara, co tëquën iraroꞌsa paꞌtopihuëꞌ. Huëhuëpiro iranatëroꞌsa paꞌtopi. Ama inimicoroꞌsari quënanacaiso marëhuëꞌ napopi.