Mateo 8:2 - Chayahuita (Shahui)

² Paꞌsapirinahuëꞌ, aꞌna caniaꞌpi huëꞌnin, chana caniori maninsoꞌ. Nacapirahuaton, Quisoso nantëntaquë isonin quëran, itapon: —Nohuantohuatan Sinioro, quëma nanitëran anoyatancosoꞌ. Anoyatoco topirahuëꞌ, itërin.

Mateo 8:2 ပူးပေါင်းရင်းမြစ်များ

2 Reyes 5:1

Siria copirno sontaronënpita huaꞌanën, Namano itopi. Inasoꞌ, Copirnori nóya niꞌnin. Siniorori ina huaꞌan quëran siriaroꞌsa catahuarin inimiconënpita minsëpi. Napoaton nóya niꞌnin. Napoaponahuëꞌ, inaso chana caniori manin.

2 Reyes 5:27

Co ina pochin yonquiranso marëhuëꞌ, Namano chana canio inquirinsoꞌ, quëmaquë paꞌsarin. Quëmá quëran pipipisopitantaꞌ, inanpihuanaponaꞌ. Co onporonta inquiapihuëꞌ, itërin. Napotohuachina piyapinënsoꞌ paꞌnin. Paaso chachin chana caniori pipitohuachina, ocai pochin huirihuantërin paꞌnin huachi.

Mateo 10:8

Caniaꞌpiroꞌsaꞌ aꞌnaroáchin anoyatocoꞌ. Chimipiroꞌsantaꞌ, ananpitaantacoꞌ. Chana caniori maninsontaꞌ quënanpatamaꞌ, anoyatocoꞌ. Aꞌnapitantaꞌ sopairoꞌsari yaꞌcoancantopi niꞌton, paꞌpi huaꞌyantopi. Quënanpatamaꞌ, sopairoꞌsaꞌ aꞌpatocoꞌ piyapiꞌsaꞌ noyachinaꞌ. Co mantaꞌ pahuërëtapomarahuëꞌ, Yosësoꞌ inaora nohuanton, catahuarinquëmaꞌ niꞌton, ama pahuërë nitocosohuëꞌ.

Mateo 13:58

“Co Yosë quëran oꞌmarinhuëꞌ,” taꞌtonaꞌ, co cancanëna quëran huarëꞌ natëpihuëꞌ niꞌton, co naꞌa piyapiꞌsaꞌ aꞌnaroáchin anoyatërinhuëꞌ. Caraíchin caniaꞌpiroꞌsaꞌ anoyatërin.

Mateo 14:33

Napohuachina, naꞌcon yonquipi. —Quëmasoꞌ Sinioro tëhuënchachin Yosë huiꞌninquën, taꞌtonaꞌ chinotopi.

Mateo 15:25

Sanapiso nipirinhuëꞌ, isonquirahuaton moshaquirin. —Nisha sanapico nipirahuëꞌ, cantaꞌ Sinioro catahuaco, topirahuëꞌ, itërin.

Mateo 18:26

Ina natanahuaton, nihuitonaꞌpi chiníquën paꞌyanin. Isonahuaton, nohuantasoꞌ mosharin. ‘Nosoroco sinioro oshaquëran yaꞌipiya pahuërëꞌinquën. Ama paꞌancoisohuëꞌ,’ itërin.

Mateo 20:20

Ina quëran catoꞌ caꞌtanoꞌsanënpita huëꞌpi Quisoso nontacaiso marëꞌ. Sipitio huiꞌninpita inahuasoꞌ. Aꞌshinë chachin huëꞌpi. Aꞌshinsoꞌ isonahuaton: Piꞌpian Sinioro nonchinquën, topiraihuëꞌ, itërin.

Mateo 26:6

Quisososo nipirinhuëꞌ Pitaniaquë paꞌnin. Simon pëinënquë coshatapatarin. Ina Simon chana caniori mapirinhuëꞌ, anoyatërinsoꞌ.

Mateo 28:17

Inaquë Quisoso quënanconahuatonaꞌ, chinotopi. Aꞌnaquënso nipirinhuëꞌ piꞌpian co natërinhuëꞌ. “Co inahuëꞌ nimara,” topirinahuëꞌ.

Mateo 28:9

Paꞌsapirinahuëꞌ, aꞌnanaya iraquë chachin Quisosori yaꞌnotërin. —Huëꞌcama imoyaroꞌsaꞌ, itërin. Ina nohuitatonaꞌ, yaꞌcarionpi. Monshorahuatonaꞌ, nantën iporantërahuatonaꞌ, chinotopi.

Mateo 4:9

—Natëhuatanco, carinquën catahuaranquën, yaꞌipi isopita huaꞌanëntapon. Isonahuaton, chinotoco chiníquën nanan quëchinquën huachi, itërin sopairi.

Mateo 8:1

Ina quëran panën quëran nohuaramahuachinara, naꞌa piyapiꞌsari imasapi.

Mateo 8:25

Napohuachina, caꞌtanoꞌsanënpitari ochinanpi. —¡Catahuacoi Sinioro! ¡Chimiitarihuaꞌ canpoasoꞌ! itopi.

Mateo 9:18

Aꞌchinaquëyaꞌ, aꞌna cotio huaꞌan huëꞌnin. Quisoso notënanquë isonquirin. —Huiꞌnahuë apira chiminin. Huëcaton, Sinioro, sëꞌhuaquiquëꞌ nanpiantaꞌin, topirahuëꞌ, itiirin.

Lucas 4:27

Irisio pënëntonaꞌpintaꞌ nanpisoꞌ, naꞌa chana caniori maninsopita Israiro noꞌpaquë yaꞌhuëpirinahuëꞌ, co aꞌnaya tërantaꞌ anoyatërinhuëꞌ. Namanosoꞌ Siria piyapi niponahuëꞌ, Yosë nohuanton, anoyatërin. Aꞌnaroáchin canio inquirin, tënin Quisoso.

Juan 9:38

—Natëranquën Sinioro, itahuaton, isonin quëran Quisoso chinotërin.

Hechos 10:14

—Inca Sinioro. Sopai inapitasoꞌ. Co onporontaꞌ ina pochin caꞌchinahuëꞌ. Iráca Moisësë pënënincoi ama ina pochin capacaꞌhuaiso marëhuëꞌ, itërin Pitrori.

Hechos 10:25

Pitro canconpachina, Corniriori isonapairahuaton, moshapirinhuëꞌ.

1 Corintios 14:25

Cancanëna quëran yonquipisopita aꞌninquëchin shaꞌhuitapi niꞌton, ina yonquiatonaꞌ, oshanëna marëꞌ sëtapi. Isonahuatonaꞌ, Yosë chinotapi: “Tëhuënchachin Yosë catahuarinquëmaꞌ,” itarinënquëmaꞌ.

Apocalipsis 19:10

Naporoꞌ isonahuato, yachinotopirahuëꞌ. “Ama chinotocosohuëꞌ. Casoꞌ anquënico. Co Yosëcohuëꞌ. Canpita pochachin cantaꞌ Yosë natërahuë. Quisoso nanamën imaramaꞌ niꞌton, Yosëíchin yonquiquëꞌ,” itërinco. Quisoso nanamënáchin aꞌchinpatëhuaꞌ, noꞌtëquën pënëntarëhuaꞌ.