Mateo 8:15 - Chayahuita (Shahui)

¹⁵ Quisosori maimirarahuaton, aꞌnaroáchin anoyatërin. Co huachi saporinhuëꞌ. Huanirahuaton, inari chachin aꞌcarin, oꞌshitërin, napotërin.

Mateo 8:15 ပူးပေါင်းရင်းမြစ်များ

2 Reyes 13:21

Aꞌna tahuëri inapita huëcasoiꞌ, israiroꞌsanta chimipi paꞌpitapi. Co huëꞌsapiso nicatonaraihuëꞌ naporapirinahuëꞌ, aꞌnanaya yaꞌnohuachinara paꞌyanpi. Paꞌyanënaquë chimipisoꞌ, Irisioco poꞌmopi pirayan tëꞌyatopi. Napotatona taꞌananpipi. Chimipiso napoaponahuëꞌ, Irisio nansëquën cari cariaso chachin nanpiantarahuaton, huanirin.

Isaías 6:7

Ina pënayaquë carianantonco: “Niꞌquëꞌ. Nani pënayaquë carianananquën. Napoaton co noyahuëꞌ ninansoꞌ Yosë inquitërinquën. Co noyahuëꞌ ninansopita naꞌintopirinquënhuëꞌ, inquitërinquën,” itërinco.

Mateo 14:36

“Quëma aꞌmoransoꞌ huirotën tërantaꞌ sëꞌhuatonaꞌ, noyachinaꞌ,” itopi. “Inta nipachin sëꞌhuainaꞌ,” topachina, sëꞌhuapi. Insoarisona sëꞌhuahuachina, aꞌnaroáchin noyatopi.

Mateo 20:34

Itohuachinara, nosoroaton, sëꞌhuarayarin. Aꞌnaroáchin noya niꞌtopi. Inapotohuachina, Quisoso imapi huachi.

Mateo 8:14

Ina quëran Pitro pëinënquë paꞌpi. Aꞌshatën chiníquën sapoton, quëhuënárin, quënanconpi.

Mateo 8:16

Iꞌhuanahuanquë yatashirahuasoꞌ, naꞌa piyapiꞌsaꞌ huëcatonaꞌ, caniaꞌpiroꞌsaꞌ quëpi Quisosori anoyatacaso marëꞌ. Aꞌnaquën sopairi yaꞌcoancantërin niꞌton, co inaora yonquirinsoꞌ yonquirinhuëꞌ. Quisosori topinan noncharapirinhuëꞌ, sopairoꞌsaꞌ pipipi. Yaꞌipi caniaꞌpiroꞌsaꞌ anoyatërin.

Mateo 8:3

Quisosori sëꞌhuarahuaton, itërin: —Nohuantërahuë mini, iyasha. ¡Noyatëquë huachi! itërin. Itohuachina, aꞌnaroáchin noyatërin. Canio inquirin huachi.

Mateo 9:20

Paaquëyaꞌ, aꞌna sanapiri imaquiarin. Huaꞌquiꞌ panca huënaiꞌ aꞌparin. Nani shonca catoꞌ piꞌipi co sanorinhuëꞌ. Parisitárin. “Aꞌmorinso tërantaꞌ sëꞌhuatohuato, anoyataponco,” taꞌton pinën quëran imaquiarin. Imaquiton, aꞌmorinsoꞌ huirotëínchin sëꞌhuaquirin.

Mateo 9:29

Napotohuachinara, sëꞌhuarayarahuaton, itërin: —Natëramaco niꞌton, apiramiáchin anoyataranquëmaꞌ, itërin.

Marcos 1:29

Ina quëran niyontonpiso pëi quëran pipirahuatonaꞌ, Simon, Antërisë, inapita yaꞌhuëpiquë paꞌpi. Santiaco, Coansha, inapitantaꞌ paꞌpi.

Marcos 1:41

Quisosori nosoroaton, sëꞌhuarin. —Nohuantërahuë mini iyasha. ¡Noyatëquë huachi! itërin.

Lucas 8:54

Quisososo nipirinhuëꞌ sanapiaꞌhua maimirarahuaton: —Huënsëquëꞌ, apiaꞌhua, itërin.