Mateo 8:13 - Chayahuita (Shahui)

¹³ Ina quëran capitan itantarin: —¡Yaꞌhuëranquë iyasha paantaquëꞌ! Natëranco niꞌton, apiramiachin piyapinën noyatarin, itërin. Naporo chachin piyapinën noyatërin. Paantahuachina, sano quënanconin huachi.

Mateo 8:13 ပူးပေါင်းရင်းမြစ်များ

Eclesiastés 9:7

¡Huëco paꞌahua capa cancantahuaꞌ! Noya coshatahuaꞌ, noya oꞌoahuaꞌ, napoaꞌahuaꞌ. Sacatërëhuaso marëꞌ nani Sinioro noya niꞌninpoaꞌ.

Mateo 15:28

—¡Ma noya imoya natëranco! Yaꞌipi cancanën quëran huarëꞌ natëranco niꞌton, huaꞌhuan anoyachinquën, itërin. Napotohuachina, aꞌnaroáchin huaꞌhuin noyatërin huachi.

Mateo 17:20

—Co yaꞌipi cancanëma quëran huarëꞌ natëramacohuëꞌ niꞌton, co nanitëramahuëꞌ. Natëramaco naporini, catahuaitënquëmahuëꞌ. Yosësoꞌ yaꞌipiya nanitaparin. Piꞌpian tërantaꞌ ina natëtomaꞌ, nontohuatamaꞌ, catahuarinquëmaꞌ. Nani maꞌsha nanitaparamaꞌ. “Yosë nohuanton, iso motopi yaꞌhuincaꞌin,” tënamaꞌ naporini, ina nohuanton, yaꞌhuincaitonhuëꞌ. Inapochachin yaꞌipi cancanëma quëran natëramaco naporini, sacaiꞌ nininsoꞌ catahuaitënquëmahuëꞌ. [

Mateo 8:4

—Ama piyapiꞌsaꞌ shaꞌhuitëquësohuëꞌ. Corto huaꞌan yaꞌhuërinquë paaton, noyatëransoꞌ aꞌnotonquëꞌ niꞌinquën. Naporahuaton, maꞌsona Moisësë shaꞌhuirinsoꞌ quëpaquëꞌ noyatëransoꞌ nitotacaiso marëꞌ, itërin. Napotohuachina, paꞌnin huachi.

Mateo 9:22

Quisosori tahuërëtahuaton, sanapi quënanin. —Noya cancantëquëꞌ, imoya. Natëranco niꞌton, noyataran, itërin. Naporo chachin noyatërin. Huënaiꞌ noꞌnarin huachi.

Marcos 7:29

—¡Naporinchi paya! Ma noya natëranco niꞌton, yaꞌhuëranꞌpaꞌ paantaquëꞌ. Nani sopai huaꞌhuan quëran pipirin, itërin.

Marcos 9:23

—“Nanitohuatan,” ¿itëranco ti? Yosë natëhuatëra, yaꞌipiya nanitaparëꞌ, itërin Quisosori.

Juan 4:50

Napotaantahuachina: —Yaꞌhuëranꞌpaꞌ paꞌmantaquëꞌ. Huiꞌnan co chiminaponhuëꞌ. Noyatarin, itërin. Napotohuachina: “Noꞌtëquën nontërinco,” taꞌton, yaꞌhuërinꞌpaꞌ paꞌmantarin.