Mateo 8:10 - Chayahuita (Shahui)

¹⁰ Quisosori natanahuaton, paꞌyatërin. Napoaton piyapiꞌsaꞌ itapon: —¡Ma noyacha iso quëmapi natërinco paya! Nisha piyapi niponahuëꞌ, israiroꞌsa quëran noya noya natërinco.

Mateo 8:10 ပူးပေါင်းရင်းမြစ်များ

Génesis 43:33

Cosi iinpitasoꞌ, misaquë yahuënsëhuachinara, Cosiri aꞌnaya aꞌnaya shaꞌhuitërin huënsëcaiso marëꞌ. Paninanꞌton, ahuënsërahuaton, ina quëran niantarinsoꞌ ahuënsërin. Inapotaton, huinshoin nininquë huarëꞌ ahuënsërin. Napoaton: “Piꞌipinënpoa noꞌtëquën tantiarinpoaꞌ,” topi. Napoatona itohuara capini niniꞌpi. Niniꞌsahuatonaꞌ, paꞌyanpi.

Mateo 15:28

—¡Ma noya imoya natëranco! Yaꞌipi cancanën quëran huarëꞌ natëranco niꞌton, huaꞌhuan anoyachinquën, itërin. Napotohuachina, aꞌnaroáchin huaꞌhuin noyatërin huachi.

Mateo 8:11

Iporaso huachi nisha nisha parti quëran huëꞌsapi. Nisha piyapiꞌsaꞌ niponaraihuëꞌ, imatonaꞌ, Yosë huaꞌanëntërinquë yaꞌconapi. Inápaquë paꞌpachinaꞌ, Apraan, Isaco, Cacopo, inapita nohuitapi. Inapitarëꞌ huënsëapi coshatacaiso marëꞌ. Nóya yaꞌhuërapi huachi, tënahuë.

Mateo 8:9

Casoꞌ huaꞌanëhuë natërahuë. Capitanco niꞌton, sontaroꞌsaꞌ natërinaco cantaꞌ. “Paquëꞌ,” itohuatëra, paꞌnin. “Huëquëꞌ,” itohuatëra, huëꞌnin. Piyapinëhuëpitantaꞌ camairahuë. “Sacatëquëꞌ,” itohuatëra, sacatarin. Inapochachin quëmantaꞌ topinan camaihuatan, aꞌnaroáchin piyapinëhuë noyatarin tënahuë, itërin.

Marcos 6:6

“¿Onpoatoncha isopita co yanatërinacohuëꞌ nicaya?” tënin, yonquiapon. Ina quëran yaꞌcariya ninanoroꞌsaquë paꞌsahuaton, piyapiꞌsaꞌ aꞌchintarin.

Lucas 5:20

“Ma noya isopita natërinaco,” taꞌton, Quisosori apia itapon: —Oshanën apiaꞌhua inquitaranquën, itërin.

Lucas 7:50

Quisososo nipirinhuëꞌ sanapi itantapon: —Natëranco niꞌton, Yosë nichaꞌërinquën. Noya paquë huachi, itërin.

Lucas 7:9

Quisoso natanahuaton, paꞌyatërin. Ina quëran tahuërëtahuaton, piyapiꞌsaꞌ itapon: —¡Ma noya ina quëmapi natërinco paya! Nisha piyapi niponahuëꞌ, israiroꞌsa quëran noya noya natërinco. Napoaton ca nohuanto, apiramiachin piyapinën noyatarin, tënin.

Hechos 2:7

Chiníquën paꞌyanatonaꞌ, ninontopi. —Maꞌpitataꞌ natanëhuasoꞌ. Isopitaso Cariria parti yaꞌhuëpisopitaráchin niponaraihuëꞌ,