Mateo 7:24 - Chayahuita (Shahui)

²⁴ Ina quëran pënëntaantarin: “Naꞌaquëmaꞌ natanamacoso marëꞌ huëꞌnamaꞌ. Natëhuatamaco, aꞌna quëmapi pochin nisaramaꞌ. Ina quëmapisoꞌ, natëricho quëran yapëirin. Yapëihuachina, noya yonquiaton, noya pëiaquë yonirin. Naꞌpitëꞌ quënanahuaton, inaquë noya pëirin.

Mateo 7:24 ပူးပေါင်းရင်းမြစ်များ

Salmos 119:130

Quëma nanamën natanpatora, aꞌpintërëso pochin catahuarinco. Apinapichin yonquipisopitantaꞌ, ina natanpachina, yonquínanhuan quëparitapi.

Salmos 119:99

Aꞌchintërinacosopita quëran naꞌcon naꞌcon nitotërahuë ninatanahuë. Camaitëransopita naꞌcon yonquirápato naporahuë.

Mateo 12:50

Yosë natëpisopita iyahuëpita pochin niꞌnahuë. Sanapiꞌsantaꞌ Yosë nanamën natëhuachinaꞌ, oshihuëpita pochin niꞌnahuë. Payaroꞌsantaꞌ Yosë imapachinaꞌ, mamahuë pochin niꞌnahuë, itërin.

Mateo 16:18

nasha nininën acochinquën. Pitro itaranquën. Ca nohuanto, naꞌpitëquë noya pëipiso pochin naꞌa piyapiꞌsaꞌ aꞌchintaran imainacoso marëꞌ. Aꞌchintohuatan, huëntonëhuëquë ayaꞌconarahuë. Oshaquëran naꞌasarama huachi. Co chimirin tërantaꞌ minsëarinquëmahuëꞌ.

Mateo 24:45

Ina quëran itaantarin: “Niꞌcoꞌ, iyaroꞌsaꞌ. Oꞌmacaꞌhuasoꞌ tahuëri aꞌna patron pochin nisarahuë. Inasoꞌ aquë yapaꞌpachina, inpriatonën shaꞌhuitërin. ‘Piyapinëhuëpita noya niꞌquëꞌ. Cosharoꞌ, maꞌsha, inapita pahuantohuachinaꞌ, quëtëraꞌpiaquëꞌ,’ itahuaton, paꞌnin.

Mateo 25:2

Aꞌnatërápo sanapiíchin noya yonquipi. Quirosin pochin orotërinsoꞌ taꞌpantatonaꞌ, mëntaiquë huarëꞌ quëpapi. Naporahuatonaꞌ, aꞌnaya aꞌnaya potiriaquë quëpapi. Aꞌnatërápo sanapiꞌsaso nipirinhuëꞌ co yonquiatonahuëꞌ, co aquëtëꞌ quëpapihuëꞌ.

Mateo 25:9

‘Coꞌchi nanitëraihuëꞌ taꞌpantaꞌhuainquëmaso paya. Inapohuatoi, co huachi quiyantaꞌ orotarinhuëꞌ. Yaꞌipinpoaꞌ tacopianarihuaꞌ. Manóton paatomaꞌ, paꞌanconcoꞌ,’ itopi.

Mateo 7:25

Chiníquën oꞌnanpachina, panca ihuan paꞌnin. Pamatohuachina, opotopirinhuëꞌ, co anotërinhuëꞌ. Chiniiꞌ niponahuëꞌ, co tëꞌyatërinhuëꞌ. Panca ihuantaponahuëꞌ, naꞌpitëquë pëirin niꞌton, noya huanirin. Co tëꞌyatërinhuëꞌ.

Mateo 7:26

Aꞌnaquënso nipirinhuëꞌ yapëihuachina, co noya yonquirinhuëꞌ. ‘Inotëquë tërantaꞌ pëiꞌi,’ taꞌton, inaquë pëipirinhuëꞌ.

Lucas 11:28

Inaso napopirinhuëꞌ, Quisosori itapon: —Yosë nanamën natanahuatona natëpisopita tëhuënchinsoꞌ, noya noya cancantaponaꞌ tënahuë, itërin.

Juan 13:17

Nani nitotëramaꞌ ipora. Ca pochin nipatamaꞌ, nóya cancantaramaꞌ.

Juan 14:15

Ina quëran taantarin: “Nani pënënanquëmaꞌ. Nosorohuatamaco, natëaramaco.

Juan 15:10

Tata Yosë noꞌtëquën natërahuë niꞌton, paꞌpi nosororinco. Inapochachin natëhuatamaco, carinquëmantaꞌ paꞌpi nosoroaranquëmaꞌ.

Juan 15:14

Natëhuatamaco, tëhuënchachin nipayarahuëso pochin niꞌsaranquëmaꞌ.

Romanos 2:13

Cotioroꞌsasoꞌ Moisësë pënëntërinsoꞌ natanaponaraihuëꞌ, co natëtopihuëꞌ. Napoaton co Yosëri noya niꞌninhuëꞌ. Noꞌtëquën natëpi naporini, Yosëri noya niꞌitonhuëꞌ.

1 Juan 2:3

Yosë nohuitohuatëhuaꞌ, pënëninpoasoꞌ natëarëhuaꞌ. Noꞌtëquën natëcasoꞌ nohuantarihuaꞌ. Ina natëhuatëhuaꞌ, tëhuënchachin Yosë nohuitërëhuaꞌ.