Mateo 7:23 - Chayahuita (Shahui)

²³ Cariso nipirinhuëꞌ itapo: ‘Yanonpintatomaco, napopiramahuëꞌ, co noyahuëꞌ cancantëramaꞌ. Co piyapinëhuëpitanquëmahuëꞌ. Co onporontaꞌ imaramacohuëꞌ. ¡Paco huachi!’ itapo,” itërin Quisosori.

Mateo 7:23 ပူးပေါင်းရင်းမြစ်များ

Mateo 25:12

Huaꞌani co nohuantërinhuëꞌ. ‘Co canpitasoꞌ piyapinëhuëpitanquëmahuëꞌ. Co nohuitëranquëmahuëꞌ,’ taꞌton co ayaꞌconinhuëꞌ.

Mateo 25:41

Ahuënanëhuë quëran acorahuësopitaso nipirinhuëꞌ, shaꞌhuitarahuë: ‘Yaꞌipinquëmaꞌ paco huachi. Tata Yosë co noyahuëꞌ niꞌninquëmaꞌ niꞌton, anaꞌintarinquëma huachi. Panca pën nani acorin sopairoꞌsaꞌ anaꞌintacaso marëꞌ. Inaquë pën co onporontaꞌ tacopiarinhuëꞌ. Inaquë pacoꞌ canpitantaꞌ.

Lucas 13:25

Aꞌna tahuëri huaꞌanëni yaꞌcoananën oncotarin huachi. Naporo huarëꞌ aipiran huanirahuatomaꞌ, yayaꞌconpiramahuëꞌ. “Iꞌsoatocoi Sinioro,” tosapiramahuëꞌ, co nohuantarinhuëꞌ. “Co nohuitëranquëmahuëꞌ. Co canpitasoꞌ piyapinëhuëpitanquëmahuëꞌ,” itarinquëmaꞌ.

Lucas 13:27

“Coꞌ mini nohuitëranquëmahuëꞌ. Co noyahuëꞌ ninamaꞌ niꞌton, co piyapinëhuëpitanquëmahuëꞌ. Paco huachi,” itahuatënquëmaꞌ, aꞌpaarinquëmaꞌ.

Juan 10:14

Caso nipirinhuëꞌ noya huaꞌanën pochin ninahuë. Imarinacosopita nohuitërahuë. Cantaꞌ nohuitërinaco.

2 Timoteo 2:19

Yosë nanamënso nipirinhuëꞌ yaꞌhuárin, Yosë chachin acorinsoꞌ. Natëricho pëiꞌ achinirinsoꞌ pochin niꞌton, yaꞌhuëmiatarin. Cato quëran chachin ninshitopi. “Yaꞌipi imapisopita Yosëri nohuitërin,” tënin. “Quisocristo imapisopita nóya cancanchinaꞌ. Yaꞌipi co noyahuëꞌ yonquipisopita nanianchinaꞌ,” tënin antaꞌ.

Apocalipsis 22:15

Aꞌnaquënso nipirinhuëꞌ, co onporontaꞌ Yosë yaꞌhuërinquë paꞌsapihuëꞌ. Niꞌni pochin cancantopisopita, pënotonoꞌsaꞌ, monshihuanaꞌpiroꞌsaꞌ, tëpatoroꞌsaꞌ, mamanshi chinotopisopita, inapita aipiran yaꞌhuëmiatapi. Aꞌnaquëontaꞌ nonpinápi niꞌton, co nohuantapihuëꞌ noꞌtën nanan imacaisoꞌ. Inapitantaꞌ co onporontaꞌ Yosëꞌpaꞌ paꞌsapihuëꞌ.