Mateo 7:19 - Chayahuita (Shahui)

¹⁹ Co noya nitohuachinhuëꞌ, aꞌnëhuachinara pënquë ahuiquitopi huachi.

Mateo 7:19 ပူးပေါင်းရင်းမြစ်များ

Mateo 3:10

Nani Yosë yonquirin oshahuanoꞌsaꞌ anaꞌintacasoꞌ. Niꞌcoꞌ. Nararoꞌsaꞌ co noya nitohuachinahuëꞌ, aꞌnërëꞌ. Itëquënpitarë chachin ocoirahuatëꞌ, pënquë tëꞌyatërëꞌ huiquitacaso marëꞌ.

Mateo 7:18

Nitacasoꞌ nara nipachina, inachachin noya nitërin. Aꞌnaso nipirinhuëꞌ, co nitacasoꞌ narahuëꞌ niꞌton, co onporontaꞌ noya nitërinhuëꞌ.

Lucas 3:9

Nani Yosë yonquirin oshahuanoꞌsaꞌ anaꞌintacasoꞌ. Niꞌcoꞌ. Nararoꞌsaꞌ co noya nitohuachinahuëꞌ, nicosotërëꞌ. Nicosotahuatëꞌ, pënquë tëꞌyatërëꞌ huiquitacaso marëꞌ. Inapochachin canpitantaꞌ co noyahuëꞌ nipatamaꞌ, chiníquën anaꞌintarinquëmaꞌ, tënin.

Tito 3:14

Yaꞌipi imapisopitantaꞌ shaꞌhuitëquëꞌ noya niinaꞌ. Pahuantërinsopita catahuainaꞌ. Inapotohuachinaꞌ, co topinan yaꞌhuapihuëꞌ.

Hebreos 6:8

Nipirinhuëꞌ, nahuan, shihuarin, inapitasáchin papotohuachina, co mantaꞌ nitërinhuëꞌ. “Noꞌpaꞌ napoonin,” topatëra, tananpitërë huachi. Inapochachin Yosë naꞌcon catahuarinpoaꞌ. Noya imapatëhuaꞌ, Yosë noya niꞌsarinpoaꞌ. Aꞌnaquënso nipirinhuëꞌ nahuan, shihuarin, inapita papotërinso pochin nicatonaꞌ, topinan quëran yaꞌhuëpi. Co Yosë yonquipihuëꞌ. Inapitasoꞌ Yosëri tananpitërin. Aꞌna tahuëri parisitopiquë aꞌparahuaton, pën quëran anaꞌintarin.

Judas 1:12

Quisoso imaramasopita coshatacaso marëꞌ niyontonpatamara, nisha aꞌchinaꞌpiroꞌsantaꞌ huëꞌpi. Naporoꞌ Yosë yonquicaso nipirinhuëꞌ, naꞌcon oꞌotonaꞌ, capa cancantopi. Co Yosë tëꞌhuatatonaraihuëꞌ, napopi. Aꞌnapita catahuacasoꞌ yaꞌhuëpirinhuëꞌ, co nosoropihuëꞌ. Inahuara noya yaꞌhuëcasoráchin yonquipi. Niꞌcoꞌ iyaroꞌsaꞌ. Huaꞌquiꞌ co oꞌnanpachinahuëꞌ, noꞌpaꞌ yaniromarin. Ina pochin nipachina, yararoꞌtëꞌ quënanpatamara, paꞌyatëramaꞌ. “Oꞌnan huëꞌsarin,” topiramahuëꞌ, co oꞌnaninhuëꞌ. Ihuanaꞌ paꞌnin. Inapochachin inapitasoꞌ pënënpirinënquëmahuëꞌ, nonpin nanan aꞌchintatënënquëmaꞌ co catahuarinënquëmahuëꞌ. Nara nitërinsontaꞌ yonquicoꞌ. Piꞌipi tahuëri nanihuachina, nitacasoꞌ yaꞌhuërin. Co nitohuachinahuëꞌ, “Nani chiminin huachi,” taꞌton, huaꞌanëni nishitëtërin. Itënë chachin ocoirin niꞌton, noyá chiminin huachi. Inapochachin nonpin nanan aꞌchinaꞌpiroꞌsaꞌ ina nara pochin niconpi. Quisocristo nanamën nitotaponaraihuëꞌ, chimipi pochin nicatonaꞌ, aꞌpopi. Ina marëꞌ chiníquën anaꞌintacasoꞌ yaꞌhuërin huachi.