Mateo 7:1 - Chayahuita (Shahui)

¹ Naquëranchin Quisoso pënëntaantarin. “Ama iyaroꞌsaꞌ aꞌnapita nocancosohuëꞌ. ‘Pasoꞌ quëmapi co noyahuëꞌ,’ ama tocosohuëꞌ, Yosë anaꞌintochinquëmaꞌ.

Mateo 7:1 ပူးပေါင်းရင်းမြစ်များ

Mateo 7:2

Aꞌnapita pinopatamaꞌ, Yosëntaꞌ co noyahuëꞌ niꞌsarinquëmaꞌ. Piyapi chiníquën nonapihuatamaꞌ, Yosëntaꞌ chiníquën anaꞌintarinquëmaꞌ. Piyapi noya yonquirapihuatamaꞌ, Yosëntaꞌ noya niꞌsarinquëmaꞌ.

Lucas 6:37

Ina quëran itaantarin: “Ama iyaroꞌsaꞌ aꞌnapita nocancosohuëꞌ. ‘Casoꞌ noya piyapico. Pasoꞌ piyapi co noyahuëꞌ niꞌton, anaꞌintacasoꞌ yaꞌhuërin,’ topi aꞌnaquën. Ama ina pochin noncosohuëꞌ, Yosë anaꞌintochinquëmaꞌ. Aꞌnapita pinotomaꞌ shaꞌhuirapihuatamaꞌ, Yosëntaꞌ inapochachin shaꞌhuirapitënquëmaꞌ, anaꞌintarinquëmaꞌ. Aꞌnapita maꞌsha onpotohuachinquëmaꞌ, nanan anoyatocoꞌ. Canpitantaꞌ oshanëmaꞌ Yosë inquichinquëmaꞌ.

Lucas 6:41

Co iyaparin nocanacaso yaꞌhuërinhuëꞌ. Inaso piꞌpian co noyahuëꞌ nipachin, moꞌshiri yaꞌconayatërinso pochin ninin niꞌton, nocanan. Quëmantaꞌ co noyahuëꞌ ninan niꞌton, narasëratëꞌ nani noyá yaꞌcopirayarinquënso pochin nipiranhuëꞌ, naporan. Napoaton ‘carinquën noya nicatënquën moꞌshi ocoichinquën,’ co itamaso yaꞌhuërinhuëꞌ. Napotohuatan, nonpinan. Narasëratëꞌ niocoitëquëꞌ. Ina quëran noya quënantaran. Naporo huarëꞌ nanitaran iyaparin moꞌshi ocoitacasoꞌ,” itërin.

Juan 8:7

—¿Maꞌtaꞌ onpochii? Shaꞌhuitocoi, itantahuachinara, huaniantarin. —Noyahuaꞌ. Insonquëma tërantaꞌ co piꞌpian tërantaꞌ oshahuanpatamahuëꞌ, inariꞌton naꞌpiquë tëꞌyarain, itërin.

Santiago 3:1

Ama iyaroꞌsaꞌ naꞌanquëmaꞌ cortoquë pënëntocosohuëꞌ. Piyapiꞌsaꞌ pënënpirëhuahuëꞌ co canpoa tërantaꞌ noya nipatëhuahuëꞌ, aquëtë chachin Yosë anaꞌintarinpoaꞌ.