Mateo 6:22 - Chayahuita (Shahui)

^22-23 Ina quëran aꞌchintaantarin: “Yaꞌpiranpo quëran maꞌsha quënanëꞌ. Co pëtorayatohuatërahuëꞌ, noya niꞌtërëꞌ. Nitapirayahuatëra, co mantaꞌ quënantërëhuëꞌ. Canpitantaꞌ yaꞌipi cancanëma quëran Yosë yonquihuatamaꞌ, tahuëri pochin cancantaramaꞌ. Nipirinhuëꞌ, maꞌsharáchin yonquihuatamaꞌ, tashi pochin cancantaramaꞌ. Nitapicancanpatamaꞌ, aquë aquëtë co noyahuëꞌ cancantarama huachi,” itërin.

Mateo 6:22 ပူးပေါင်းရင်းမြစ်များ

Mateo 5:15

Nanpariontaꞌ iꞌchinpihuatëra, co caconquë ocohuëtërëhuëꞌ. Aꞌninquëchin acorëꞌ pëiꞌ acoana aꞌpinacaso marëꞌ. Piyapiꞌsaꞌ inaquë yaꞌhuëhuachinara, noya quënantopi.

Hechos 2:46

Nani tahuëri Yosë chinotopiso pëiquë niyontonpi. Quisoso chimininsoꞌ yonquiatonaꞌ, aꞌna pëiquë aꞌna pëiquë coshatapatapi. Co apiratonaraihuëꞌ, noya cancantapi. Nóya cancantatonaꞌ, coshatapatapi.

2 Corintios 11:3

Aꞌnaquënso nipirinhuëꞌ yaanishacancantërinënquëmaꞌ. Iráca yaꞌhuani Ipa nonpintërinso pochin yanonpintërinënquëmaꞌ ama Quisocristoíchin yonquicamaso marëhuëꞌ.

Efesios 6:5

Patron marëꞌ sacatohuatamaꞌ, noya nicatomaꞌ, natëcoꞌ. Ama nonpintocosohuëꞌ. Quisocristo marëꞌ sacatarëso pochin cancantatomaꞌ, noya sacatocoꞌ.

Colosenses 3:22

Patron marëꞌ sacatohuatamaꞌ, noya natëcoꞌ. Ama nonpintocosohuëꞌ. Co niꞌpirinquëmaontaꞌ, noya sacatocoꞌ. Co patronachin yonquicasoꞌ yaꞌhuërinhuëꞌ. Siniorontaꞌ niꞌsarinquëmaꞌ. Ina yonquiatomaꞌ, yaꞌipi cancanëma quëran natëcoꞌ.