Mateo 6:21 - Chayahuita (Shahui)

²¹ Maꞌsharáchin nohuantohuatamaꞌ, co Yosë yonquiaramahuëꞌ. Nipirinhuëꞌ Yosë naꞌcon naꞌcon nohuantohuatamaꞌ, ina naꞌcon naꞌcon yonquiaramaꞌ,” tënin Quisoso.

Mateo 6:21 ပူးပေါင်းရင်းမြစ်များ

Isaías 33:6

Ina nohuanton chachin inaquë noya yaꞌhuëaponaꞌ. Inaquë yaꞌhuëpisopitasoꞌ, yonquínahuan nicatonaꞌ, nitotonoꞌsa nicaponaꞌ. Inapoatona chaꞌëponaꞌ. Sinioro tëꞌhuatatona natëpi niꞌton, maꞌsha paꞌton nininsoꞌ quënanëso pochin nipi.

Mateo 12:34

Canpitaso nipirinhuëꞌ, yaꞌhuan pochin cancantatomaꞌ yanonpinamaꞌ. Co noyahuëꞌ yonquiatomaꞌ, co nanitëramahuëꞌ noya nonacamasoꞌ. Onpopinsona cancantëramasoꞌ, nonama quëran piyapiꞌsa anitotaramaꞌ.

Mateo 6:22

Ina quëran aꞌchintaantarin: “Yaꞌpiranpo quëran maꞌsha quënanëꞌ. Co pëtorayatohuatërahuëꞌ, noya niꞌtërëꞌ. Nitapirayahuatëra, co mantaꞌ quënantërëhuëꞌ. Canpitantaꞌ yaꞌipi cancanëma quëran Yosë yonquihuatamaꞌ, tahuëri pochin cancantaramaꞌ. Nipirinhuëꞌ, maꞌsharáchin yonquihuatamaꞌ, tashi pochin cancantaramaꞌ. Nitapicancanpatamaꞌ, aquë aquëtë co noyahuëꞌ cancantarama huachi,” itërin.

Lucas 12:34

Maꞌsharáchin nohuantohuatamaꞌ, co Yosë yonquiaramahuëꞌ. Nipirinhuëꞌ, Yosë naꞌcon nohuantohuatamaꞌ, ina naꞌcon naꞌcon yonquiaramaꞌ, itërin.

Hechos 8:21

Co yaꞌipi cancanën quëran imaranhuëꞌ niꞌton, co Yosë noya niꞌninquënhuëꞌ.

2 Corintios 4:18

Isoroꞌpaquë yaꞌhuërinsopita co naꞌcon naꞌcon yonquirëhuahuëꞌ. Iporasoꞌ parisitarihuarahuëꞌ, co ina marëꞌ sëtarihuahuëꞌ. Yosë naꞌcon naꞌcon yonquiarëhuaꞌ. Ina nohuitacasoáchin cancantarihuaꞌ. Isoroꞌpaquë yaꞌhuërinsopita quënanpirëhuahuëꞌ, co yaꞌhuëmiatarinhuëꞌ. Taꞌhuantarin. Yosë noya yonquirinpoasosoꞌ co quënanpirëhuahuëꞌ, yaꞌhuëmiatarin.

Filemón 1:19

Caora imirahuë quëran noꞌtëquën ninshitaranquën. Tëhuënchachin pahuërëaranquën. Isontaꞌ iyasha yonquiquëꞌ. Co aꞌchintëranquënhuëꞌ naporini, co Yosë anoyacancanchitënquënhuëꞌ. Napoaton quëmantaꞌ nihuirancoso pochin nipiranhuëꞌ, co mantaꞌ maꞌparanquënhuëꞌ, tënahuë.

Filemón 1:3

Tata Yosë inaora nohuanton, naꞌcon catahuainquëmaꞌ. Asanocancainquëmaꞌ. Sinioro Quisocristontaꞌ inachachin catahuainquëmaꞌ.

Hebreos 3:12

Canpitantaꞌ iyaroꞌsaꞌ aꞌnayanquëma tërantaꞌ co cancanëma quëran huarëꞌ natëhuatamahuëꞌ, co noya cancantaramahuëꞌ. Niꞌcona Yosë chachin aꞌpotamaꞌ. Inasoꞌ, iporahuantaꞌ nanpiton niꞌsárinpoaꞌ.