Mateo 6:2 - Chayahuita (Shahui)

² Maꞌsha saꞌahuaroꞌsaꞌ quëtohuatamaꞌ, ama aꞌninquëchin quëtocosohuëꞌ. Aꞌnaquën niyontonpiso pëiquë yaꞌconahuatonaꞌ, coriqui saꞌahuaroꞌsa marëꞌ quëtopirinahuëꞌ, aꞌninquëchin quëtopi. ‘Ina marëꞌ noya niꞌsarinacoi,’ taꞌtonaꞌ, napopi. Cachiquëntaꞌ coriqui quëtopi piyapiꞌsari nicacaiso marëꞌ. Co tëhuënchachin nosoroaponaraihuëꞌ, napopi. Piyapiꞌsarisoꞌ noya niꞌpirinahuëꞌ, Yosërisoꞌ co noyahuëꞌ niꞌnin. Co inápaquë acanaarinhuëꞌ, tënahuë.

Mateo 6:2 ပူးပေါင်းရင်းမြစ်များ

Salmos 37:21

Inpioroꞌsaso maꞌsha aꞌnantaponaraihuëꞌ, co yapahuërëtopihuëꞌ. Noya piyapiꞌsasoꞌ, nosoroatona aꞌnantopi.

Proverbios 20:6

Naꞌa piyapiꞌsa nonpachinara: “Caso noya piyapico,” topi. Napopirinahuëꞌ, noꞌtëquënáchin nonaꞌpisoꞌ, co aꞌnaya tëranta quënanëhuëꞌ.

Eclesiastés 11:2

Maꞌsha yaꞌhuëtohuachinquën, ama apiraquësohuëꞌ. Pahuantiinquë huarënta yoꞌquëꞌ. Co nitotërëhuahuëꞌ tashiraya maꞌsha onpocaso niꞌton, inapoquëꞌ.

Isaías 58:7

Cosharo yaꞌhuëtërinquënsoꞌ, pahuantërinsopita quëtëquëꞌ. Saꞌahuaroꞌsa co pëinëna yaꞌhuëtohuachinarahuëꞌ, canpitari pëinëmaquë ichiyaꞌhuëcoꞌ. Aꞌmocaiso pahuantohuachinaꞌ, quëtocoꞌ. Aꞌnapita catahuachináchin cancantocoꞌ.

Mateo 15:7

“Yosë imarai,” topiramahuëꞌ, co imaramahuëꞌ. ¡Canpitasoꞌ nonpintënquëmaꞌ! Iráca Isaiasë ninshitaton, noꞌtëquën ninorinquëmaꞌ.

Mateo 16:3

Tashiramiachin chistro yaratohuachinasoꞌ, ‘Ipora tahuëri oꞌnanapon nimara,’ tënamaꞌ. Ina nitotapomarahuëꞌ, ¿onpoatomataꞌ ipora chachin naporahuësopita co yonquiramahuëꞌ?

Mateo 22:18

Yanonpintopisoꞌ nitotaton, Quisosori itërin: —¡Canpitasoꞌ nonpintënquëmaꞌ! ¿Maꞌmarëtaꞌ yaatëhuëramaco?

Mateo 23:5

Piꞌpian Yosë quiricanën ninshitahuatonaꞌ, tëꞌyainaquë achinpipi piyapiꞌsari nicacaiso marëꞌ. Naporahuatonaꞌ, naporopi aꞌmopi nohuitacaiso marëꞌ. ‘Inapohuatëhuaꞌ, piyapiꞌsaꞌ noya niꞌsarinënpoaꞌ,’ taꞌtonaꞌ, napopi. Napoaponaraihuëꞌ, co aquëtëꞌ Yosë yonquipihuëꞌ.

Mateo 23:6

Pita nipachina, huancánachin yahuënsëconpi. Niyontonpiso pëiquë yaꞌconpachinara, huaꞌanoꞌsapitarëꞌ yahuënsëconpi.

Mateo 24:51

Co natërinhuëꞌ niꞌton, chiníquën anaꞌintarin. Nonpintëroꞌsaꞌ anaꞌintopiso pochin nitapon. Inaquë co napion ancantaton, naꞌnërápon,” tënin Quisoso.

Mateo 5:18

Tëhuënchachin itëranquëmaꞌ. Isoroꞌpaꞌ taꞌhuantaquë huarëꞌ Yosë quiricanën iráca ninshitopisoꞌ yaꞌhuápon. Co aꞌna huiꞌsharinso tërantaꞌ topinan quëran ninshitopihuëꞌ. Yaꞌipi ninorinsoꞌ naniarin huachi.

Mateo 6:16

Ina quëran itaantarin: “Ama nonpinaꞌpiroꞌsa pochin nicosohuëꞌ. Aꞌnaquën Yosë nontacaso marëꞌ yaꞌipi tahuëri co mantaꞌ coshatërinhuëꞌ. Naporahuaton, co nitapamantarinhuëꞌ. Sëtërëso pochin yaꞌnorin aꞌnapita nitotacaiso marëꞌ. Co cancanën quëran chinotaponahuëꞌ, aꞌnapitari nicacaiso marëꞌ naporin. Niꞌpachinara: ‘Ma noya Yosë chinotërin,’ topi. Piyapiꞌsari noya niꞌpirinahuëꞌ, co huachi Yosëri acanaarinhuëꞌ.

Mateo 6:3

Canpitaso nipirinhuëꞌ, saꞌahuaroꞌsaꞌ maꞌsha quëtohuatamaꞌ, ama aꞌninquëchin quëtocosohuëꞌ. Ama nipayaramaso tërantaꞌ shaꞌhuitocosohuëꞌ.

Mateo 6:5

Ina quëran itaantarin: “Yosë nontohuatamaꞌ, ama nonpinaꞌpiroꞌsa pochin nicosohuëꞌ. Inapitasoꞌ niyontonpiso pëiquë huanirahuatonaꞌ, naꞌcon Yosë nontopirinahuëꞌ, co cancanëna quëran huarëꞌ nontopihuëꞌ. Cachiquëntaꞌ aꞌninquëchin Yosë nontopirinahuëꞌ, piyapiꞌsari noya nicacaiso marëꞌ napopi. Co tëhuënchachin Yosë yonquipihuëꞌ. Piyapiꞌsari noya niꞌpirinahuëꞌ, Yosërisoꞌ co acanaarinhuëꞌ.

Marcos 12:39

Cotioroꞌsaꞌ niyontonpiso pëiquë yaꞌconpachinara, huaꞌanoꞌsapitarëꞌ yahuënsëconpi. Pita nipachinara, huancánachin yahuënsëpi.

Marcos 7:6

—Co noꞌtëquën iyaroꞌsaꞌ yonquiramahuëꞌ. “Yosë imarai,” topiramahuëꞌ, co imaramahuëꞌ. Canpitasoꞌ nonpintënquëmaꞌ. Iráca Yosë quiricanënquë Isaiasë noꞌtëquën ninorinquëmaꞌ: “Isopita piyapiꞌsasoꞌ nanamëna quëran noya nontopirinacohuëꞌ, co cancanëna quëran imarinacohuëꞌ.

Lucas 11:41

Cancanëma quëran huarëꞌ saꞌahuaroꞌsaꞌ catahuacoꞌ. Nosorohuatamaꞌ, noyápiachin cancantaramaꞌ.

Lucas 11:43

Parisioroꞌsanquëmaꞌ, ¡maꞌhuantacha canpitasoꞌ nisarama paya! Niyontonpiso pëiquëntaꞌ piyapiꞌsaꞌ nocanamaꞌ. Huaꞌanoꞌsapitarëꞌquëmaꞌ yahuënsëconamaꞌ. ‘Ma noyacha canpitasoꞌ nitotëramaꞌ,’ itohuachinënquëmara, paꞌyatëramaꞌ. Cachiquë paꞌpatamara: ‘Huëꞌcama maistro,’ itohuachinënquëmara, paꞌyatëramaꞌ.

Lucas 12:33

Ama naꞌcon maꞌsha yontoncosohuëꞌ. Maꞌsha yaꞌhuëtohuachinquëmaꞌ, paꞌanahuatomaꞌ, saꞌahuaroꞌsaꞌ quëtocoꞌ. Inapotohuatamaꞌ, Yosë acanaarinquëmaꞌ. Isoroꞌpaquë maꞌsha aꞌnaroáchin mocarin. Ihuarinënpoaꞌ. Maꞌshari aꞌquirin. Inapaquëso nipirinhuëꞌ Yosë acanahuachinpoaꞌ, yaꞌhuëtomiatarinpoaꞌ.

Lucas 12:56

Canpitasoꞌ nonpintënquëmaꞌ. Oꞌnan, sëhuën, inapita noya ninopiramahuëꞌ, ¿onpoatontaꞌ ipora chachin naporahuësopita co yonquiramahuëꞌ?” itërin.

Lucas 13:15

Quisosori natanahuaton, itapon: —Canpitasoꞌ nonpintënquëmaꞌ. Co noꞌtëquën yonquiramahuëꞌ. Ohuacaꞌ, mora, inapita pëꞌtahuahuatamaꞌ, chinoto tahuërintaꞌ iꞌquiritëramaꞌ. Iꞌsha yaꞌhuërinquë quëparahuatomaꞌ, oꞌshitëramaꞌ.

Lucas 20:46

“Niꞌcona cotio maistroꞌsaꞌ nonpintochinënquëmaꞌ. ‘Noya noyacoi,’ taꞌtonaꞌ, naporopi aꞌmopi piyapiꞌsari nicacaiso marëꞌ. Cachiquë paꞌpachinara, naꞌa piyapiꞌsari nontopi. ‘Huëꞌcama maistro,’ itohuachinara, paꞌyatopi. Niyontonpiso pëiquë yaꞌconahuatonaꞌ, huaꞌanoꞌsapitarëꞌ yahuënsëconpi. Pita nipachinara, huancánachin yahuënsëconpi.

Lucas 6:24

Aꞌnaquëmasoꞌ nani maꞌsha yaꞌhuëtopirinquëmahuëꞌ, ¡maꞌhuantacha nisarama paya! ‘Noya cancantarëhuaꞌ,’ topiramahuëꞌ, Yosësoꞌ co noya niꞌsarinquëmahuëꞌ.

Juan 13:29

Cotasëri coriqui tanpanantëꞌ aꞌpairin niꞌton, maꞌsha pita tahuëri marëꞌ paꞌanapon aꞌpamara, topirinahuëꞌ aꞌnaquën. Saꞌahuaroꞌsaꞌ coriqui quëtacaso marëꞌ aꞌpamara, topirinahuëꞌ aꞌnaquëontaꞌ.

Juan 5:41

Co canpita noya nicamacoso marëꞌ napotëranquëmahuëꞌ.

Juan 5:44

Canpita capini nipaꞌyatacasoráchin yonquiatomaꞌ, co Yosë noya nicainquëmasoꞌ yonquiramahuëꞌ. Napoaton co natëramacohuëꞌ.

Juan 7:18

Aꞌnaquënsoꞌ inahuara yonquinëna quëran aꞌchinpi. Piyapiꞌsari paꞌyatacaiso marëꞌ napopi. Casoꞌ nipirinhuëꞌ Yosëíchin yonquiato, noꞌtëquën aꞌchinahuë. Inaíchin paꞌyatacaisoꞌ yaꞌhuërin, tënahuë. Co nonpintëranquëmahuëꞌ.

Hechos 10:2

Inaso nisha piyapi niponahuëꞌ, Yosë chinotërin. Yaꞌipi pëinënquë yaꞌhuëpisopitantaꞌ Yosë chinotopi. Cotioroꞌsaꞌ maꞌsha pahuantohuachinara, nosoroaton, topinan quëtërin. Nani tahuëri Yosë nontërin.

Hechos 10:31

Yaꞌnotirahuatonco, itërinco: “Cornirio, quëmasoꞌ naꞌcon Yosë nontëran, nataninquën. Saꞌahuaroꞌsaꞌ nosoroaton, maꞌsha quëtëran. Ina marëꞌ Yosë noya yonquirinquën.

Hechos 10:4

Anquëni niꞌsahuaton, paꞌpi tëꞌhuatërin. —¿Maꞌtaꞌ sinioro nohuantëran? itërin. —Quëmasoꞌ naꞌcon Yosë nontëran, nataninquën. Saꞌahuaroꞌsaꞌ nosoroaton, maꞌsha topinan quëtëran. Ina marëꞌ noya yonquirinquën.

Hechos 11:29

Napohuachina, imapisopita yonquipi Cotia parti yaꞌhuëpisopita catahuacaiso marëꞌ. Imapisopita parisitapi niꞌton, coriqui yaaꞌpapi. Coriquihuanoꞌsasoꞌ naꞌcon quëtopi. Co coriquihuanoꞌsahuëꞌ nipisopitasoꞌ, piꞌpian quëtopi.

Hechos 24:17

Iráca Quirosarinquë yaꞌhuëpirahuëꞌ. Naꞌa piꞌipi aꞌna parti paꞌnahuë quëran iꞌhuamiáchin inaquë paantarahuë. Saꞌahuaroꞌsaꞌ nosoroato, coriqui quëtaꞌhuaso marëꞌ paꞌnahuë. Maꞌsha Yosë quëtaꞌhuaso marëntaꞌ paꞌnahuë.

Hechos 9:36

Copëquë aꞌna sanapi Tapita itopisoꞌ yaꞌhuërin. Crico nananquë Torëcasa itopi. Inantaꞌ Quisoso imarin. Noya sanapi niꞌton, saꞌahuaroꞌsaꞌ nosoroaton, nani tahuëri catahuarin. Pahuantohuachinara, maꞌsha topinan nicanarin.

Romanos 12:8

Aꞌnaquëontaꞌ nitotopi achinicancanacasoꞌ. Nitotohuatamaꞌ, noya cancantatomaꞌ achinicancancoꞌ imamiachinaꞌ. Aꞌnaquëontaꞌ ina nohuanton, coriqui, maꞌsha, inapita yaꞌhuëtopi. Aꞌnapita quëtohuatamaꞌ, ama piyapiꞌsaꞌ noya nicainënquëmaso marëꞌ quëtocosohuëꞌ. Yosë yonquiatomaꞌ, quëtocoꞌ. “Ina nosororinco niꞌton, carintaꞌ nosoroꞌi,” taꞌtomaꞌ, quëtocoꞌ. Aꞌnaquëontaꞌ ina nohuanton chachin, chiníquën nanan yaꞌhuëtopi. Ansianohuë nipon, huaꞌanhuë nipon yaꞌconpatamaꞌ, ama chirotomarahuëꞌ, noya pënëntocoꞌ. Noya noncoꞌ. Aꞌnaquëontaꞌ ina nohuanton, caniaꞌpiroꞌsaꞌ, saꞌahuaroꞌsaꞌ, inapita catahuapi. Inapita nicapomaꞌ paꞌpatamaꞌ, noya cancantatomaꞌ, catahuacoꞌ.

1 Corintios 13:3

Yaꞌipi maꞌshanënpoaꞌ saꞌahuaroꞌsaꞌ quëtopirëhuahuëꞌ, co tëhuënchachin nosorohuatëhuahuëꞌ, topinan quëran quëtarihuaꞌ. “Pën quëran yatëpapirinacohuëntaꞌ, imamiatarahuë,” tarihuarahuëꞌ, co piyapiꞌsaꞌ nosorohuatëhuahuëꞌ, co mantaꞌ Yosëꞌpaꞌ canarihuahuëꞌ.

Gálatas 2:10

“Ama saꞌahuaroꞌsaꞌ naniantocosohuëꞌ. Imapisopita aꞌchintocoꞌ maꞌsha quëtacasoꞌ,” itërinacoi. “Coꞌchi naniantaraihuë paya. Nosororai quiyarintaꞌ,” itërahuë.

Efesios 4:28

Aꞌnaquëmaꞌ iráca ihuatëramaꞌ. Ama huachi ihuatocosohuëꞌ. Ama chirotomarahuëꞌ, noya sacatocoꞌ. Ina quëran nanitëramaꞌ pahuantërinsopita quëtacamasoꞌ.

1 Tesalonicenses 2:6

Co piyapiꞌsaꞌ noya nicainacoisoꞌ yonquiatoi aꞌchinaihuëꞌ.

1 Timoteo 6:18

Naꞌa coriqui yaꞌhuëtohuachinquëmaꞌ, aꞌnapita nosoroatomaꞌ, catahuacoꞌ. Maꞌsha pahuantohuachina, quëtocoꞌ. Ama mantaꞌ apiracosohuëꞌ. Noya nicoꞌ.

Filemón 1:7

Yaꞌipi imapisopita nosoroaton, quëmari achinicancanan. Noya noya cancantapi. Ina natantahuato iyasha, cantaꞌ nóya cancantërahuë. Achinicancananco cantaꞌ.

Hebreos 13:16

Noyasáchin niahuaꞌ. Nicatahuacasoꞌ ama naniantahuasohuëꞌ. Aꞌnapita maꞌsha pahuantohuachinaꞌ, ama apiratocosohuëꞌ. Inapohuatëhuaꞌ, Yosë noya chinotarëhuaꞌ niꞌton, noya niꞌsarinpoaꞌ.

1 Pedro 4:11

Aꞌnaquën Yosë nohuanton, nitotopi pënëntacaisoꞌ. Nitotohuatamaꞌ, Yosë noninso chachin pënëntocoꞌ. Aꞌnaquëontaꞌ Yosë nohuanton, caniaꞌpiroꞌsaꞌ, saꞌahuaroꞌsaꞌ, inapita catahuapi. Yosë catahuarinquëmaꞌ niꞌton, ina yonquiatomaꞌ, aꞌnapita noya catahuacoꞌ. Maꞌsona tërantaꞌ nipatamaꞌ, yaꞌipi cancanëma quëran nicoꞌ. Piyapiꞌsaꞌ nicatënënquëmaꞌ Yosë noya noya yonquicaiso marëꞌ inapocoꞌ. Yosësoꞌ noya noya ninin. Chini chiníquën nanantërin. Yaꞌipi piyapiꞌsari ina chinochinaꞌ. Quisocristo catahuarinpoaꞌ ina pochin cancantacasoꞌ. Amen.

1 Samuel 15:30

Napotohuachina Saono taantarin: —Caso oshahuanahuë. Napopirahuëꞌ, onpopiontaꞌ, ansianoꞌsaꞌ, aꞌnapita israiroꞌsaꞌ, inapita niꞌtonënquë noya niꞌcoꞌ. Noya nicatonco natëco. Napoaton carëꞌquën Sinioro chinotacaso marëꞌ panantaꞌa. Inasoꞌ Yosë quëmari chinotëransoꞌ, itërin.