Mateo 6:13 - Chayahuita (Shahui)

¹³ Co noyahuëꞌ yonquihuatoi, catahuacoi aꞌnaroáchin nanianchii. Catahuacoi ama sopai minsëincoisohuëꞌ. [Quëmasáchin huaꞌanëntarancoi. Yaꞌipi nanitaparan. Ipora quëran huarëꞌ yaꞌipiya natëinënquën. Amen,]’ itocoꞌ Yosë nontohuatamaꞌ.

Mateo 6:13 ပူးပေါင်းရင်းမြစ်များ

Génesis 22:1

Ina piquëran Yosëri: “¿Tëhuënchachin taꞌma Apraan natërinco to?” taꞌton, tënicaso marëꞌ përarin: —Apraan, itërin. —Maꞌta Sinioro yaꞌhuëarahuë, tënin Apraan.

1 Reyes 1:36

Naporoꞌ Pinaiari copirno itapon: —¡Noyapaꞌ! Camaitëranso chachin mini nisarai. Ipora camaitëransoꞌ, Yosë nohuantërinso chachin niin.

Salmos 22:28

Sinioro mini yaꞌipi nacionoꞌsa huaꞌanëntërin niꞌton, isonahuatona chinochinaꞌ. Yaꞌipi maꞌhuanoꞌsaꞌ, yaꞌipi nanpipisopita, inapitari chinochinaꞌ. Ina nohuanton nanpirapi niꞌton, inapochinaꞌ.

Salmos 47:2

Siniorosoꞌ chini chiníquën nanantaton, paꞌpi tëꞌhuatoro yaꞌnorin. Yaꞌipi isoroꞌpaꞌ huaꞌanëntaton noya noya copirno yaꞌconin.

Salmos 47:7

Inasoꞌ yaꞌipi roꞌpaꞌ huaꞌanëntërin niꞌton, noya yonquiatomaꞌ, cantanën cantacoꞌ.

Salmos 72:19

Inasoꞌ, noyápiachin. Inasáchin chinotomiachinaꞌ. ¡Yosë huënaratërinsoari yaꞌipi isoroꞌpaꞌ noyá aꞌpinchin! ¡Inapoꞌin mini!

Salmos 89:52

¡Ma noyacha Sinioroso niꞌton, yaꞌhuëmiatarin paya! ¡Amen!

Éxodo 15:18

Sinioronënpoaso nipirinhuëꞌ, huaꞌanëntomiatapon. Co onporonta pipiarinhuëꞌ,” topi.

Jeremías 15:21

Co noyahuëꞌ nipisopita maꞌsha yaonpotopirinënquënhuëꞌ, nichaꞌësaranquën. Chiníquën nanantopirinahuë tërantaꞌ, inapita quëran nichaꞌësaranquën,” itërinco.

Daniel 4:25

Quëmasoꞌ copirnonquën nipiranhuëꞌ, piyapiroꞌsa yaꞌhuërin quëran ocoiaponën. Maꞌsharoꞌsarëꞌquën yaꞌhuëaran. Toro pochin pasto caꞌsaran. Poroncayontaꞌ, shipitáponquën. Ina pochin sinioro copirno canchisë piꞌipi yaꞌhuapon. ‘Yosëso chini chiníquën nanantaton, yaꞌipi isoroꞌpanta huaꞌanëntërin. Ina nohuanton insosona nohuantërinsoꞌ, copirno nicacaso marëꞌ acorin,’ tëcama huarëꞌ noyataran huachi.

Daniel 7:18

Inapita piquëransoꞌ, Yosë chini chiníquën nanantërinsoꞌ imapisopitari, huaꞌanëntapona huachi. Inapita huaꞌanëntohuachinaꞌ, co huachi onporonta aꞌnapitari huaꞌanëntopiso matarinhuëꞌ,’ itërinco.

Mateo 26:41

Ama huëꞌëtomahuëꞌ, niꞌtácoꞌ. Yosë nontocoꞌ ama sopai minsëinquëmaso marëhuëꞌ. Cancanëma quëranso mini Yosë yanatëpiramahuëꞌ, co canpitaora chiníquën cancantaramahuëꞌ, itërin.

Mateo 28:20

Ina quëran yaꞌipi shaꞌhuitëranquëmasoꞌ aꞌchintocoꞌ natëinaco. Insëquësona paꞌpatamaꞌ, carinquëmaꞌ caꞌtanaranquëmaꞌ. Nani tahuëri catahuaranquëmaꞌ. Ayaroꞌ tahuëri naniquë huarëꞌ caꞌtanaranquëmaꞌ. Co onporontaꞌ pataranquëmahuëꞌ, itërin Quisosori. Nani huachi.

Mateo 5:37

Maꞌsona tërantaꞌ iyaroꞌsaꞌ nonpatamaꞌ, noꞌtëquënáchin noncoꞌ. ‘Paꞌsarahuë,’ topatamaꞌ, pacoꞌ. ‘Co paꞌsarahuëꞌ,’ topatamaꞌ, ama pacosohuëꞌ. Noꞌtëquënáchin nonpatamaꞌ, co Yoscoarëꞌ taꞌcasoꞌ yaꞌhuërinhuëꞌ. Piꞌpisha tërantaꞌ piyapi nonpintohuatamaꞌ, sopai nohuanton napoaramaꞌ, tënahuë,” tënin Quisoso.

Mateo 6:10

Chini chiníquën nanantëran niꞌton, yaꞌipicoi natëiinquën. Inápaquë noꞌtëquën natërinënquënso pochachin catahuacoi quëma nohuantëransoráchin nii.

Juan 17:15

Co nohuantërahuëꞌ isoroꞌpa quëran ocoicamasoꞌ. Isëquë yaꞌhuëpirinahuëꞌ, catahuaquëꞌ ama sopairi minsëinsohuëꞌ.

1 Corintios 10:13

Sopai yaꞌipi piyapinpoaꞌ shaꞌhuitërinpoaꞌ co noyahuëꞌ nicacaso marëꞌ. Yosëso nipirinhuëꞌ catahuarinpoaꞌ. Aꞌnaya aꞌnayanpoaꞌ co nanitërëhuasohuëꞌ nitotaton, niꞌsarinpoaꞌ. “Tananpitëquëꞌ,” itohuachina, co sopai nanitërinhuëꞌ aquëtëꞌ tëniinpoasoꞌ. Cancanënpoa quëran huarëꞌ Yosë natëhuatëhuaꞌ, co sopai minsëarinpoahuëꞌ. Maꞌsha onpopirëhuahuëntaꞌ, Yosë ananitarinpoaꞌ ahuantacasoꞌ. Yosë chachin catahuarinpoaꞌ sopai minsëcaso marëꞌ.

1 Corintios 14:16

Niyontonpatamaꞌ, aꞌnaquëmaꞌ Yosë chinotatomaꞌ, “Yosparinquën,” itohuachina, napopináchin yonquiatomaꞌ, “Amen,” tënamaꞌ. Napoaponahuëꞌ, nisha nananquë nonpiso pochin nontëramaꞌ naporini, aꞌnapitasoꞌ co nitotatonahuëꞌ, co “Amen” taꞌcaisoꞌ nanichitonahuëꞌ.

2 Corintios 1:20

Yaꞌipi Yosë shaꞌhuitërinpoasoꞌ Quisocristo acotarinpoaꞌ. Napoaton “Quisocristosoꞌ noꞌtëquën nonaton, catahuarinpoaꞌ. Ma noyacha Yosëso paya,” tënëhuaꞌ.

Gálatas 1:4

Oshanënpoaꞌ inquitinpoaso marëꞌ Quisocristo chiminin. Inaora nohuanton, yaꞌhuërëtërinpoaꞌ. Notohuaroꞌ piyapiꞌsaꞌ co noyahuëꞌ yonquipi. Ama inapita pochin cancantacaso marëhuëꞌ chiminaton, anoyacancantërinpoaꞌ. Tata Yosë nohuanton, nichaꞌërinpoaꞌ.

Deuteronomio 8:16

Ina chachin mana quëtërinpoa capacaso marëꞌ. Inaso cosharoꞌ, shiꞌmashonënpoanta co nohuitopihuëꞌ. Inapotatënquëma tënirinquëmaꞌ. Naporahuaton, natëtochináchin cancantamaso marëꞌ napotërinquëmaꞌ.

Deuteronomio 8:2

Catapini shonca piꞌi inotëro parti paꞌtasëmaꞌ, Sinioro nohuanton nisha nisha maꞌsha onporamaꞌ. Inapotatënquëmaꞌ, natëtochináchin cancantamaso marëꞌ napotërinquëmaꞌ. Onpopinsona cancantëramasoꞌ, nitotacaso marëꞌ tënirinquëmaꞌ. Naporahuaton: ‘¿Tëhuënchachin taꞌma natërëꞌponaco to?’ taꞌton napotërinquëmaꞌ. Inaso nipirinhuëꞌ, co patërinquëmahuëꞌ. Ama ina naniantocosohuëꞌ.

1 Tesalonicenses 1:10

Ina chinotatoi, huiꞌnin chachin ninarai. Canpoa marëꞌ Quisocristo chiminin. Ina quëran Yosëri ananpitaantarin. Aꞌna tahuëri inápa quëran oꞌmantahuachin, nichaꞌësarinpoaꞌ. Co imapisopitasohuëꞌ nipirinhuëꞌ, Tata Yosëri noꞌhuiton anaꞌintarin huachi, tënamaꞌ,” topi, natantërai.

2 Tesalonicenses 3:3

Tata Yosëso nipirinhuëꞌ co onporontaꞌ naniantërinpoahuëꞌ. Achinicancaninpoaꞌ. Sopai yaminsëpirinpoahuëꞌ, ina niꞌsarinpoaꞌ. Catahuarinpoaꞌ sopai minsëcasoꞌ.

1 Timoteo 1:17

Napoaton Yosëíchin natëahuaꞌ. Nani tahuëriya: “¡Ma noyacha Yosëso paya!” itahuaꞌ. Inasoꞌ co onporontaꞌ taꞌhuantaponhuëꞌ. Co quënanpirëhuahuëꞌ, huaꞌanëntomiatërinpoaꞌ. Inaíchin chinotacasoꞌ yaꞌhuërin. Ama onporontaꞌ ina naniantahuasohuëꞌ. Amen.

Hebreos 11:36

Aꞌnaquëontaꞌ Yosë imapi niꞌton, tëhuapi, huihuipi, catinaquë tonpopi, tashinan pëiquë poꞌmopi, napotopi.

1 Pedro 5:8

Sopaisoꞌ inimiconënpoaꞌ. Yacamairinpoaꞌ co noyahuëꞌ nicacaso marëꞌ. Paꞌpiniꞌ yamaninposo pochachin sopai paꞌsarin piyapiꞌsaꞌ minsëcaso marëꞌ. Napoaton noya yonquiatomaꞌ, niꞌsácoꞌ.

2 Pedro 2:9

Inapochachin ipora Quisocristo imapatëhuaꞌ, Yosë nanitërin catahuainpoasoꞌ. Sopai yaminsëpirinpoahuëntaꞌ, Yosë catahuarinpoaꞌ chaꞌëcaso marëꞌ. Oshahuanoꞌsaso nipirinhuëꞌ anaꞌintarin. Nani yonquirin chiníquën anaꞌintacasoꞌ. Ayaroꞌ tahuëri nanihuachin, noꞌtëquën anaꞌintaton, parisitopiquë aꞌpararin.

1 Juan 3:8

Nani tahuëri co noyahuëꞌ nipatamaꞌ, sopai imaramaꞌ. Iráca quëran huarëꞌ sopai co noyahuëꞌ cancantaton, oshahuanin. Inasoꞌ nonpintohuachinpoaꞌ, canpoantaꞌ oshahuanarëhuaꞌ. Napoaton Yosë huiꞌnin oꞌmarin sopai minsëaton nichaꞌëinpoaso marëꞌ. Yaꞌipi oshanënpoaꞌ inquitohuachinpoaꞌ, co huachi sopai natëcasoꞌ yaꞌhuërinhuëꞌ.

Apocalipsis 1:18

Nanpiárahuë. Chiminaporahuëꞌ, nanpiantarahuë. Casoꞌ chini chiníquën nanantërahuë. Onporosona chiminacaisoꞌ cari shaꞌhuitarahuë. Ca nohuantohuato, nanpiapi. Ca nohuantohuato, chiminaponaꞌ. Co imarinacosopitahuëꞌ chiminpachinaꞌ, parisitopiquë aꞌpararahuë.

Apocalipsis 19:1

Ina quëran notohuaroꞌ inápaquë yaꞌhuëpisopita nonsapi natanahuë. Capa cancantatonaꞌ, chiníquën nonsapi: “¡Ma noyacha Tata Yosëso piyapiꞌsaꞌ nichaꞌërin paya! Chini chiníquën nanantarin niꞌton, yaꞌipi piyapiꞌsari chinochinaꞌ.

Apocalipsis 19:4

Napohuachinara, cato shonca catapini ansianoꞌsaꞌ, catapini maꞌsharoꞌsa pochin nininsopita, inapitantaꞌ isonahuatonaꞌ, Yosë chinotapi: “¡Naporinchi paya! ¡Ma noyacha Tata Yosëso paya! Shiranënquë huënsëaton, yaꞌipiya huaꞌanëntarin,” tosapi.

Apocalipsis 2:10

Ipora tahuëriꞌsaꞌ naꞌcon parisitapiramahuëꞌ, ama tëꞌhuacosohuëꞌ. Sopai nohuanton, tashinan pëiquë poꞌmoarinënquëmaꞌ. Yosë aꞌpocamaso marëꞌ napotarinënquëmaꞌ. Shonca tahuëri pochin parisitaramaꞌ. Tëpapirinënquëmaontaꞌ, ama aꞌpocosohuëꞌ. Imamiatohuatamaco, inápaquë acanaranquëmaꞌ. Inatohuaꞌ nanpimiataramaꞌ.

Apocalipsis 21:4

Yosëri chachin naꞌnëiꞌ amirayatarin. Co huachi chiminaponahuëꞌ. Co huachi sëtaponahuëꞌ. Co huachi naꞌnëponahuëꞌ. Co piꞌpisha tërantaꞌ iquitaponahuëꞌ. Iráca naꞌcon parisitopirinahuëꞌ, co huachi ina pochin yaꞌhuaponahuëꞌ. Noya noya yaꞌhuaponaꞌ, tënin.

Apocalipsis 3:10

Chiníquën cancantatomaꞌ, imamiatoco, itëranquëmaꞌ. Natëramaco niꞌton, carinquëmantaꞌ naꞌcon catahuaranquëmaꞌ. Aꞌna tahuëri yaꞌipi isoroꞌpaquë yaꞌhuëpisopita chiníquën aparisitarahuë tënicaꞌhuaso marëꞌ. Co naporoꞌ parisitaramahuëꞌ. Nichaꞌësaranquëmaꞌ.

Apocalipsis 3:14

—Ina quëran ansiano Naotisiaquë yaꞌhuërinsoꞌ ninshitëquëꞌ nonchin imapisopita natainaꞌ. “Ca Quisosoco quirica aꞌpataranquëmaꞌ, niꞌcoꞌ. Noꞌtëquën nonato, noꞌtën nanan aꞌchintëranquëmaꞌ. Co onporontaꞌ nonpintëranquëmahuëꞌ. Yosë nohuanton, yaꞌipi maꞌsha ninahuë. Napoaton, yaꞌipi piyapiꞌsaꞌ natëinacosoꞌ yaꞌhuërin.

Apocalipsis 5:13

Ina quëran yaꞌipi Yosëri nininsopita napopianachin chinotapi, natanahuë. Inápaquë yaꞌhuërinsopita, isoroꞌpaquë yaꞌhuërinsopita, chiminpisopita, marëquë yaꞌhuërinsopita, yaꞌipiya Yosë chinotapi. “Ma noyacha Tata Yosëso paya. Huaꞌanëntarinpoaꞌ niꞌton, ‘Yosparinquën’ itahuaꞌ. Inasáchin natëahuaꞌ. Noya noya niꞌton, chinotahuaꞌ. Yaꞌipiya nanitaparin. Carniroaꞌhuantaꞌ inapochachin chinotahuaꞌ. Ipora quëra huarëꞌ ina natëahuaꞌ,” tosapi.