Mateo 6:12 - Chayahuita (Shahui)

¹² Co noyahuëꞌ nicatoi, oshahuanai. Nosoroatoncoi, oshanëhuëi inquitocoi. Aꞌnapita maꞌsha onpotohuachincoi, nanan anoyatëraiso pochachin oshanëhuëi inquitatoncoi, anoyacancantocoi.

Mateo 6:12 ပူးပေါင်းရင်းမြစ်များ

1 Reyes 8:30

Quëmaso inápaquë yaꞌhuëran. Nipirinhuëꞌ Insëran tëranta iso pëi notërahuatoi nontohuatëinquën, noya natancoi. Inapoaton catahuacoi. Oshahuanpatointa nontarainquën. Nontohuatëinquën, oshanëhuëi inquitatoncoi nanan anoyatocoi.

1 Reyes 8:39

Quëmasáchin aꞌnaya aꞌnayacoi yonquiraisoꞌ, nitotëran. Ina nitotaton aꞌnaya aꞌnayacoi noꞌtëquën aꞌpanicoi. Oshahuanpiso marëꞌ aparisitëran niꞌton, nirótëatona nontohuachinën, ina inquitaton nanan anoyatëquëꞌ.

1 Reyes 8:50

Co noyahuëꞌ nicatona oshahuanpisoꞌ, inquitëquëꞌ. Co natantochináchinhuëꞌ cancantopisonta inquitahuaton, catahuaquëꞌ. Quëpapisopitari nosorocaiso marëꞌ catahuaquëꞌ.

Salmos 130:4

Nipirinhuëꞌ oshanëhuëi inquitërancoi niꞌton, noya nicatëinquën chinotarainquën.

Salmos 32:1

Insosona tëhuëaton oshahuanpirinhuëꞌ, Yosëri noyá inquitohuachina, tëhuënchachin capa cancanchin.

Éxodo 34:7

Piyapinëhuëpita nosoroato, huaranca shinpita huënton yaꞌhuëaquë huarëntaꞌ, co nisha cancantarahuëꞌ. Co noyahuëꞌ nipirinahuëꞌ, oshanën inquitato nanan anoyatërahuë. Co natëtochináchinhuëꞌ cancantatona oshahuanpachinarantaꞌ, inapotërahuë. Napoaponahuëꞌ, insosona tëhuëhuachin, onpopionta anaꞌintarahuë. Huiꞌninpita, shinpita, inapitanta anaꞌintarahuë. Shinpita huiꞌninaquë huarënta anaꞌintarahuë, tënin.

Isaías 1:18

Huëco paꞌahua nonatëhua anoyatahuaꞌ. Quëhuanën quëran aꞌshitërëso pochin naꞌcon oshahuanpiramahuëꞌ, inquitaranquëmaꞌ. Ina inquitatënquëmaꞌ, ocai, piꞌshiro, inapita huiritërinso pochin, anoyacancantaranquëmaꞌ.

Daniel 9:19

¡Sinioro onpopionta natancoi! Tëhuëtopirainquënhuëꞌ, nichaꞌëcoi. Nontaranquënsoꞌ natanaton, catahuacoi. Noya nicatënënquën paꞌyatiinënso marëꞌ catahuacoi. Quëma pëinënsoꞌ, Quirosarinquë yaꞌhuërin. Ina ninanonta yonquiaton catahuacoi. Piyapinënpitacointa chinotërainquënso yonquiaton, aꞌnaroáchin catahuacoi,” itërahuë.

Mateo 26:28

Ca huënainëhuë pochin isoꞌ. Huënainëhuë paꞌsarin niꞌton, nasha quëran canpitarëꞌ Yosë anoyatërinsoꞌ shaꞌhuichinquëmaꞌ imacamaso marëꞌ. Chiminarahuë naꞌa piyapiꞌsaꞌ oshanënaꞌ inquitaꞌhuaso marëꞌ.

Mateo 9:2

Inaquë catapini quëmapiꞌsari huëcatonaꞌ, apia quëpi. Pëꞌsaraꞌhuaya pochin nininquë quëpi. Huaꞌquiꞌ co nanitërinhuëꞌ huanicasoꞌ, quëhuënárin. “Ma noya isopita natërinaco,” taꞌton, Quisosori caniaꞌpi itërin: —¡Noya cancantëquëꞌ, apiaꞌhua! Apiramiáchin quëma oshanën inquitaranquën, itërin.

Marcos 11:25

Noya cancantatomaꞌ, Yosë nontocoꞌ. Aꞌna piyapi maꞌsona tërantaꞌ onpotohuachinquëmaꞌ, canpitarintaꞌ piꞌpian tërantaꞌ noꞌhuihuatamaꞌ, ina naniantocoꞌ. Yaꞌipi cancanëma quëran huarëꞌ nanan anoyatocoꞌ Tata Yosë oshanëmaꞌ inquichinquëmaꞌ. [

Lucas 11:4

Co noyahuëꞌ nicatoi, oshahuanai. Nosoroatoncoi, oshanëhuëi inquitocoi. Aꞌnapita maꞌsha onpotohuachincoi, nanan anoyatëraiso pochachin oshanëhuëi inquitatoncoi anoyacancantocoi. Co noyahuëꞌ yonquihuatoi, catahuacoi aꞌnaroáchin nanianchii,” itocoꞌ, Yosë nontohuatamaꞌ, tënin.

Lucas 13:4

Siroiquëntaꞌ aꞌna tori anotaton, shonca posa yaꞌpi tëparin: ‘Inapitantaꞌ naꞌcon naꞌcon oshahuanpi,’ ¿topiramahuëꞌ ti? Co naporinhuëꞌ, tënahuë casoꞌ. Naꞌa piyapiꞌsaꞌ Quirosarinquë inachachin oshahuanpi. Canpitantaꞌ co noyahuëꞌ yonquiramaꞌ. Co ina naniantohuatamahuëꞌ, chiminatomaꞌ, parisitomiataramaꞌ,” itërin Quisosori.

Lucas 6:37

Ina quëran itaantarin: “Ama iyaroꞌsaꞌ aꞌnapita nocancosohuëꞌ. ‘Casoꞌ noya piyapico. Pasoꞌ piyapi co noyahuëꞌ niꞌton, anaꞌintacasoꞌ yaꞌhuërin,’ topi aꞌnaquën. Ama ina pochin noncosohuëꞌ, Yosë anaꞌintochinquëmaꞌ. Aꞌnapita pinotomaꞌ shaꞌhuirapihuatamaꞌ, Yosëntaꞌ inapochachin shaꞌhuirapitënquëmaꞌ, anaꞌintarinquëmaꞌ. Aꞌnapita maꞌsha onpotohuachinquëmaꞌ, nanan anoyatocoꞌ. Canpitantaꞌ oshanëmaꞌ Yosë inquichinquëmaꞌ.

Hechos 13:38

Napoaton iyaroꞌsaꞌ shaꞌhuichinquëmaꞌ. Quisosoíchin nanitaparin oshanëmaꞌ inquitiinquëmasoꞌ. Iráca pënëntërinsoꞌ Moisësëri ninshitopirinhuëꞌ. Ina imapatamaꞌ, co oshanëmaꞌ inquitarinquëmahuëꞌ. Nipirinhuëꞌ, Quisoso natëhuatëhuaꞌ, oshanënpoaꞌ inquitarinpoaꞌ. Oshanënpoa marëꞌ chiminin niꞌton, inquitarinpoaꞌ. Ina quëran Yosë noya niꞌsarinpoaꞌ.

Efesios 1:7

Quisocristo corosëquë chiminaton, nichaꞌërinpoaꞌ. Huënainën paꞌnin niꞌton, oshanënpoaꞌ inquitërinpoaꞌ. Inaora nohuanton, Yosë naꞌcon nosororinpoaꞌ.

Efesios 4:32

Yaꞌipi piyapi noya nontocoꞌ. Nosoroatomaꞌ, catahuacoꞌ. Maꞌsha onpotohuachinënquëmaꞌ, ama ina yonquicosohuëꞌ. Quisocristo imaramaꞌ niꞌton, Yosë oshanëmaꞌ inquitërinquëmaꞌ. Canpita marëꞌ chiminin niꞌton, nanan anoyatërinquëmaꞌ. Inapochachin canpitantaꞌ aꞌnapita maꞌsha onpotohuachinënquëmaꞌ, nanan anoyatatomaꞌ, noya nontocoꞌ.

Colosenses 3:13

Ama yaiꞌhuërëtocosohuëꞌ. Aꞌnapita noꞌhuihuachinquëmaꞌ, nanan anoyatocoꞌ. Maꞌsha onpotopirinquëmaontaꞌ, naniantocoꞌ. Sinioro oshanëmaꞌ nani inquitërinquëmaꞌ. Ina nonanatomaꞌ, canpitantaꞌ nanan anoyatocoꞌ.