Mateo 5:41 - Chayahuita (Shahui)

⁴¹ Inso tërantaꞌ camaiatënquëmaꞌ: ‘Pëꞌpëtonëhuë macaton, aꞌna quiromitro pochin quëpatoco,’ itohuachinquëmaꞌ, ama noꞌhuicosohuëꞌ. ‘Noyahuaꞌ. Nohuantohuatan, catoꞌ quiromitro quëpachinquën,’ itocoꞌ.

Mateo 5:41 ပူးပေါင်းရင်းမြစ်များ

Mateo 27:32

Ninano quëran pipirahuatonaꞌ, aꞌna quëmapi nacapipi, Siriniquë yaꞌhuërinsoꞌ. Simon itopi. Ina masahuatonaꞌ, corosë Quisoso quëparinsoꞌ sontaroꞌsari apitëntopi. Inari quëpatërin.

Mateo 5:40

Aꞌnaquën noꞌhuitënquëmaꞌ, coisëquë quëparinënquëmaꞌ. ‘Aꞌmoranso quëtoco,’ itohuachinënquëmaꞌ, quëtocoꞌ. Aipi aꞌmoransontaꞌ quëpatopirinënquëmahuëꞌ, co noꞌhuicasoꞌ yaꞌhuërinhuëꞌ.

Mateo 5:42

Aꞌnaquën: ‘Maꞌsha quëtoco,’ itohuachinënquëmaꞌ, ama apiratomahuëꞌ, quëtocoꞌ. ‘Cantaꞌ maꞌsha aꞌnanco, topirahuëꞌ,’ itohuachinënquëmantaꞌ, aꞌnancoꞌ. Onpopiontaꞌ nosoroatëꞌ catahuacasoꞌ yaꞌhuërin,” tënin.

Marcos 15:21

Paꞌsapirinahuëꞌ, aꞌna quëmapi Sirini parti huaꞌhuatërinsoꞌ nacapipi. Iminën quëran huëntararin. Simon itopi. Inasoꞌ, catoꞌ huiꞌninpita yaꞌhuëtërin, Aricantro, Nopo, inapita itopisoꞌ. Simon nacapirahuatonaꞌ, sontaroꞌsari Quisoso corosënën apitëntopi inari quëpatacaso marëꞌ.

Lucas 23:26

Ninano quëran quëpasoiꞌ, aꞌna quëmapi Simon itopisoꞌ nacapipi. Imin quëran huëntararin. Inasoꞌ Siriniquë yaꞌhuërin. Sontaroꞌsari masahuatonaꞌ, corosë apitëntopi. Quisoso pinën quëran quëpatërin.

2 Corintios 5:14

“Quisocristo naꞌcon nosororinpoaꞌ,” taꞌtoi, nanamën aꞌchinárai. Canpoa marëꞌ inasoꞌ chiminin. Ina imapatëhuaꞌ, canpoantaꞌ chiminëhuaso pochin niꞌninpoaꞌ.