Mateo 5:32 - Chayahuita (Shahui)

³² Caso nipirinhuëꞌ nisha pënënanquëmaꞌ. Co saꞌama monshihuanpachinahuëꞌ, co onporontaꞌ tëꞌyatamasoꞌ yaꞌhuërinhuëꞌ, tënahuë. Topinan tëꞌyatohuatamaꞌ, oshahuanaramaꞌ. Ina sanapintaꞌ soꞌyantahuachin, monshihuaninso pochin nisarin. Nasha soꞌiontaꞌ, monshin pochin nisarin. Co onporontaꞌ tëꞌyatacasoꞌ yaꞌhuërinhuëꞌ, tënahuë,” tënin.

Mateo 5:32 ပူးပေါင်းရင်းမြစ်များ

Mateo 5:28

Nipirinhuëꞌ, co monshihuanpiso marëáchin anaꞌintacasoꞌ yaꞌhuërinhuëꞌ, tënahuë. Aꞌna sanapi cancanëna quëran noyahuachinaꞌ, ina marëntaꞌ oshahuanapi. Nani monshitërinso pochin Yosëri niꞌsarin.

Lucas 16:18

Ina quëran Quisosori pënëantarin: “Co saꞌamaꞌ tëꞌyatamasoꞌ yaꞌhuërinhuëꞌ. Noya nichinpitacasoꞌ yaꞌhuërin. Napoaton saꞌamaꞌ tëꞌyatatomaꞌ, aꞌna sanapi maantahuatamaꞌ, oshahuanaramaꞌ. Monshihuaninso pochin Yosë niꞌsarinquëmaꞌ. Insosona ina sanapi soꞌini tëꞌyatërinso chachin maantahuachina, inantaꞌ monshihuaninso pochin Yosëri niꞌsarin,” itërin.

Lucas 9:30

Aꞌnanaya Moisësë, Iniasë, inapita yaꞌnopi. Inahuantaꞌ huënaráchin huënaráchin nipi. Quisosorëꞌ ninontapi. “Quirosarinquë paꞌpato, tëpararinaco,” itërin Quisosori.

Lucas 9:35

Chitoroꞌ huancana quëran Yosëri nontërinsoꞌ natanpi. “Isosoꞌ huiꞌnahuë huayonahuësoꞌ. Ina natancoꞌ,” itërin.

1 Corintios 7:4

Sanapi nani soꞌyahuachina, co inaora nohuantërinsoꞌ yonquicasoꞌ yaꞌhuërinhuëꞌ. Soꞌin nohuantërinsontaꞌ yonquicasoꞌ yaꞌhuërin. Quëmapintaꞌ co inaora nohuantërinsoꞌ yonquicasoꞌ yaꞌhuërinhuëꞌ. Saꞌin nohuantërinsontaꞌ yonquicasoꞌ yaꞌhuërin.

Deuteronomio 24:2

Soꞌin yaꞌhuërin quëran pipihuachina, nanitërin inasoꞌ, aꞌna quëmapi soꞌyataantacasoꞌ.