Mateo 5:26 - Chayahuita (Shahui)

²⁶ Inaquë poꞌmohuachinënquëmasoꞌ, yaꞌipiya pahuërëtaquë huarëꞌ pipiaramaꞌ,” tënin Quisoso.

Mateo 5:26 ပူးပေါင်းရင်းမြစ်များ

Mateo 10:29

Yosësoꞌ aꞌpairinquëmaꞌ. Niꞌcoꞌ. Inairaroꞌsaꞌ co paꞌtonhuëꞌ. Cato nipirinhuëꞌ, aꞌna soroíchin paꞌtërin. Napoaponahuëꞌ, co aꞌnaya tërantaꞌ Yosëri naniantërinhuëꞌ. Co ina nohuantohuachinhuëꞌ, co chimininhuëꞌ.

Mateo 18:34

Ina quëran chiníquën noꞌhuiton, sontaroꞌsaꞌ amatahuaton, tashinan pëiquë apoꞌmotërin antaꞌ. ‘Pahuërëinco huarëꞌ chiníquën aparisitëquëꞌ,’ itërin,” tënin.

Mateo 25:41

Ahuënanëhuë quëran acorahuësopitaso nipirinhuëꞌ, shaꞌhuitarahuë: ‘Yaꞌipinquëmaꞌ paco huachi. Tata Yosë co noyahuëꞌ niꞌninquëmaꞌ niꞌton, anaꞌintarinquëma huachi. Panca pën nani acorin sopairoꞌsaꞌ anaꞌintacaso marëꞌ. Inaquë pën co onporontaꞌ tacopiarinhuëꞌ. Inaquë pacoꞌ canpitantaꞌ.

Mateo 25:46

Parisitopiquë paꞌsahuatonaꞌ, inaquë yaꞌhuëmiatapi huachi. Noya nipisopitaso nipirinhuëꞌ, Yosë pochin nanpimiatapi huachi,” itërin Quisosori.

Marcos 12:42

Ina quëran aꞌnara quëyoron huëꞌnin, saꞌahua nininsoꞌ. Catotëraꞌhuayaíchin coriqui poꞌmoquirin, piꞌpiraꞌhuaya paꞌtërinsoꞌ.

Lucas 12:58

Niꞌcoꞌ. Nihuitëranso marëꞌ yaquëpahuachinënquën, aꞌnaroáchin nanan anoyatëquëꞌ. Co anoyatohuatanhuëꞌ, coisëquë quëpaarinënquën. Coisëquë quëpahuachinënquën, sontaroquë yoꞌcoaninënquën niꞌton, tashinan pëiquë poꞌmoarinënquën.

Lucas 12:59

Inaquë poꞌmohuachinënquën, yaꞌipiya pahuërëtaquë huarëꞌ pipiaran,” tënin Quisoso. (Inapochachin canpitantaꞌ co noyahuëꞌ nipatamaꞌ, aꞌnaroáchin nanan anoyatocoꞌ, Yosë anaꞌintochinquëmaꞌ.)

Lucas 16:26

Naporahuaton, Yosëꞌpaꞌ paꞌpatëra, co onporontaꞌ pipirëhuëꞌ. Inapochachin parisitopiquëntaꞌ paꞌpatëra, co onporontaꞌ Yosëꞌpaꞌ paꞌnëhuëꞌ. Panca tahuan yaꞌcopitërinso pochin niꞌton, co nanitërëhuëꞌ pëntonacasoꞌ,’ itërin.

2 Tesalonicenses 1:9

Noꞌtëquën anaꞌintaton, parisitopiquë aꞌpararin. Aquë aꞌpahuachin, chiníquën parisitomiatapi, co chaꞌësapihuëꞌ. Inatohuaꞌ paatonaꞌ, co onporontaꞌ Quisocristo nohuitapihuëꞌ. Inasoꞌ chini chiníquën nanantaton, noyasáchin niponahuëꞌ, inapitasoꞌ co onporontaꞌ nirayarapihuëꞌ.

Santiago 2:13

Co piyapiꞌsaꞌ nosorohuatamahuëꞌ, ayaroꞌ tahuëri Yosëntaꞌ co nosoroarinquëmahuëꞌ. Napoaton “Yosë naꞌcon nosororinpoaꞌ,” taꞌtëhuaꞌ, aꞌnapita nosoroaꞌhuaꞌ. Ina quëran ayaroꞌ tahuëri co anaꞌintarinpoahuëꞌ.