Mateo 5:23 - Chayahuita (Shahui)

²³ Napoaton, iyaroꞌsaꞌ, aꞌnaroáchin nanan anoyatacasoꞌ yaꞌhuërin. Yosë yachinotohuatamaꞌ, yonquicoꞌ. Piꞌpian tërantaꞌ nanan yaꞌhuëhuachin,

Mateo 5:23 ပူးပေါင်းရင်းမြစ်များ

Génesis 41:9

Naporo huarëꞌ oꞌshitonaꞌpiroꞌsa huaꞌan Cosi yonquirin. Ina yonquiaton huaraon itapon: “Ipora huarëꞌ yonquirahuë maꞌsona iꞌhua chachin nicaꞌhuasoꞌ nininsoꞌ.

Oseas 6:6

Chinotatomaco maꞌsha tëpamasoꞌ, co onpopinchin nohuantërahuëꞌ. Nosoroamacosoꞌ tëhuënchinsoꞌ, naꞌcon naꞌcon nohuantërahuë. Oshanëma marënta maꞌsha tëparahuatoma yaꞌipi ahuiquitamasoꞌ, co onpopinchin nohuantërahuëꞌ. ‘Inasoꞌ Yosë niꞌton, natëaꞌhuaiso yaꞌhuërin,’ taꞌcamaso naꞌcon naꞌcon nohuantërahuë,” itërinquëmaꞌ.

Mateo 23:19

Somaraya pochin cancantatomaꞌ, co noꞌtëquën yonquiramahuëꞌ. Co maꞌsha acopisoꞌ aquëtëꞌ yonquicasoꞌ yaꞌhuërinhuëꞌ. Artaro mini maꞌsha acopi quëran noya noya ninin. Artaroquë acopi niꞌton, Yosëri noya niꞌnin.

Mateo 5:24

aꞌnaroáchin paatomaꞌ, anoyatocoꞌ. Nani nanan anoyatohuatamaꞌ, naporo huarëꞌ Yosë pëinënquë paantacoꞌ. Yosë chinotatomaꞌ maꞌsha yaquëtëramasoꞌ, quëtoco huachi.

Mateo 8:4

—Ama piyapiꞌsaꞌ shaꞌhuitëquësohuëꞌ. Corto huaꞌan yaꞌhuërinquë paaton, noyatëransoꞌ aꞌnotonquëꞌ niꞌinquën. Naporahuaton, maꞌsona Moisësë shaꞌhuirinsoꞌ quëpaquëꞌ noyatëransoꞌ nitotacaiso marëꞌ, itërin. Napotohuachina, paꞌnin huachi.

Marcos 11:25

Noya cancantatomaꞌ, Yosë nontocoꞌ. Aꞌna piyapi maꞌsona tërantaꞌ onpotohuachinquëmaꞌ, canpitarintaꞌ piꞌpian tërantaꞌ noꞌhuihuatamaꞌ, ina naniantocoꞌ. Yaꞌipi cancanëma quëran huarëꞌ nanan anoyatocoꞌ Tata Yosë oshanëmaꞌ inquichinquëmaꞌ. [

Lucas 19:8

Saquioso nipirinhuëꞌ Quisoso aꞌchininsoꞌ natanahuaton, noya natërin. Napoaton itapon: —Nani maꞌsha Sinioro yaꞌhuëtërinco. Ipora patoma saꞌahuaroꞌsaꞌ quëtarahuë. Iráca aꞌnaya aꞌnaya nonpintato, ihuarahuësoꞌ naꞌcon naꞌcon quëtantarahuë. Aꞌna marëíchin nipirinhuëꞌ, catapini quëtantarahuë, itërin.

1 Samuel 15:22

Napotohuachina Samoirori itapon: “Maꞌsha Sinioro marëꞌ tëpatona piꞌpian ahuiquitacaisoꞌ, noya. Yaꞌipi ahuiquitacaisontaꞌ, noya. Sinioro camaitërinso natëcasoso nipirinhuëꞌ, noya noya. Maꞌsha Sinioro marëꞌ tëpatona piꞌpian ahuiquitacaisoꞌ, noya. Carniro tomaquën ahuiquitasontaꞌ, noya. Camaitërinso noya natanatë natëcasoso nipirinhuëꞌ, noya noya.