Mateo 5:18 - Chayahuita (Shahui)

¹⁸ Tëhuënchachin itëranquëmaꞌ. Isoroꞌpaꞌ taꞌhuantaquë huarëꞌ Yosë quiricanën iráca ninshitopisoꞌ yaꞌhuápon. Co aꞌna huiꞌsharinso tërantaꞌ topinan quëran ninshitopihuëꞌ. Yaꞌipi ninorinsoꞌ naniarin huachi.

Mateo 5:18 ပူးပေါင်းရင်းမြစ်များ

Isaías 40:8

Panpatorosoꞌ, yaniconin. Yancoroꞌsanta ahuiconin. Sinioro nanamënso napoaponahuëꞌ, yaꞌhuëmiatarin, tëquëꞌ,” itërinco.

Isaías 44:26

Piyapinëhuëpita maꞌsona onpocaisoꞌ shaꞌhuipisopitaso nipirinhuëꞌ, ca nohuanton naniarin. Maꞌsona yonquipisontaꞌ, ca nohuanton nanipon. Quirosarinquë yaꞌhuëantacaisoꞌ, carima shaꞌhuitaranquëmaꞌ. Cota huënton ninanoroꞌsantaꞌ, nashaquëranchin acoantaponaꞌ. Inapitasoꞌ ataꞌhuantopirinahuëꞌ, naquëranchin acoantaponaꞌ.

Mateo 10:15

Tëhuënchachin itëranquëmaꞌ. Ayaroꞌ tahuëri nanihuachin, inapitasoꞌ chiníquën parisitapi. Iráca Sotomaroꞌsaꞌ, Comoraroꞌsaꞌ, inapita paꞌpi co noyahuëꞌ cancantopi niꞌton, Yosëri chiníquën anaꞌintërin. Co natërincosopitasohuëꞌ nipirinhuëꞌ, chini chiníquën anaꞌintarin huachi,” itërin Quisosori.

Mateo 10:23

Aparisitohuachinënquëmaꞌ, aꞌna ninanoquë paantacoꞌ. Inaquëntaꞌ aꞌchiantacoꞌ. Naꞌa ninanoroꞌsaꞌ Cotia parti yaꞌhuërin. Co yaꞌipi ninanoroꞌsaquë paꞌshatërasënquëmahuëꞌ, cantaꞌ oꞌmantararahuë. Yosë quëran quëmapico niꞌto, aꞌna tahuëri oꞌmantarahuë Yosë huaꞌanëntërinsoꞌ acocaꞌhuaso marëꞌ.

Mateo 10:42

Inso tërantaꞌ imarincoso co chiníquën nanantopirinhuëꞌ, inantaꞌ nosorocasoꞌ yaꞌhuërin. Imarincoso marëꞌ iꞌsha tërantaꞌ oꞌshitohuatamaꞌ, inápaquë Yosë acanaarinquëmaꞌ. Tëhuënchachin noya iꞌhuërëtarinquëmaꞌ,” itërin Quisosori.

Mateo 11:11

“Iráca quëran huarëꞌ naꞌa piyapiꞌsaꞌ pënëntopirinahuëꞌ, Coansha Paotistasoꞌ noya noya pënëntërin. Pënëntërinsoꞌ noya, nipirinhuëꞌ, inso tërantaꞌ imapachinaco, noya noya nisarin. Yosë huaꞌanëntërinquë chachin yaꞌconarin huachi, tënahuë.

Mateo 13:17

Iráca quëran huarëꞌ naꞌa pënëntonaꞌpiroꞌsaꞌ, noya piyapiꞌsaꞌ, inapita canpita niꞌnamasopita yaniꞌpirinahuëꞌ, co niꞌpihuëꞌ. Aꞌchintëranquëmasopitantaꞌ yanatanpirinahuëꞌ, co natanpihuëꞌ,” itërin Quisosori.

Mateo 16:28

Tëhuënchachin isoroꞌpaꞌ huaꞌanëntapo. Aꞌnaquëmaꞌ coꞌhuara chimiyantërasënquëmahuëꞌ, huaꞌanëntarahuësoꞌ niꞌsaramaꞌ, itërin.

Mateo 17:20

—Co yaꞌipi cancanëma quëran huarëꞌ natëramacohuëꞌ niꞌton, co nanitëramahuëꞌ. Natëramaco naporini, catahuaitënquëmahuëꞌ. Yosësoꞌ yaꞌipiya nanitaparin. Piꞌpian tërantaꞌ ina natëtomaꞌ, nontohuatamaꞌ, catahuarinquëmaꞌ. Nani maꞌsha nanitaparamaꞌ. “Yosë nohuanton, iso motopi yaꞌhuincaꞌin,” tënamaꞌ naporini, ina nohuanton, yaꞌhuincaitonhuëꞌ. Inapochachin yaꞌipi cancanëma quëran natëramaco naporini, sacaiꞌ nininsoꞌ catahuaitënquëmahuëꞌ. [

Mateo 18:18

Oshahuanacasoꞌ co yananiantohuachinhuëꞌ, shaꞌhuitëquëꞌ: ‘Tëhuënchachin iyasha oshahuanan. Co naniantëranhuëꞌ niꞌton, co Yosë inquitarinquënhuëꞌ,’ itëquëꞌ. Yosërintaꞌ inachachin napotapon. Nipirinhuëꞌ, oshanën marëꞌ sëtaton Yosë yonquiantahuachin, noyatapon. ‘Oshanën iyasha Yosë inquitarinquën,’ itëquëꞌ. Yosërintaꞌ oshanën inquitaton, noya niꞌsarin huachi.

Mateo 18:3

—Natanco iyaroꞌsaꞌ piꞌpian aꞌchinchinquëmaꞌ. Co noꞌtëquën yonquiyátëraramahuëꞌ. Huaꞌhuasharoꞌsaꞌ yonquicoꞌ. Co chiníquën nanan nohuantopihuëꞌ. Co aꞌnapita nocanpihuëꞌ. Co inapita pochin cancantohuatamahuëꞌ, co onporontaꞌ Yosë huaꞌanëntërinquë yaꞌconaramahuëꞌ.

Mateo 19:23

Nani paꞌpachina, caꞌtanoꞌsanënpita itërin: —Sacai quëran maꞌhuanoꞌsaꞌ Yosë huaꞌanëntërinquë yaꞌconapi.

Mateo 19:28

—Tëhuënchachin iyaroꞌsaꞌ canaaramaꞌ. Yosë quëran quëmapico niꞌto, aꞌna tahuëri yaꞌipiya anoyatarahuë. Naporoꞌ noya noya yaꞌnoato, huaꞌanëntacasoꞌ shiraquë huënsëarahuë. Inaquë coisë pochin noꞌtëquën shaꞌhuitarahuë. Canpitantaꞌ acoaranquëmaꞌ yaꞌipi israiroꞌsaꞌ shonca catoꞌ huënton chachin nininsoꞌ huaꞌanëntacamaso marëꞌ. Shonca catonquëmaꞌ napoaramaꞌ.

Mateo 21:21

—Tëhuënchachin Yosë yaꞌipi nanitaparin. Ina nontohuatamaꞌ, yaꞌipi cancanëma quëran natëcoꞌ. “Co Yosë catahuarincohuëꞌ,” ama tocosohuëꞌ. Yaꞌipi cancanëma quëran ina natëhuatamaꞌ, sacaiꞌ nininsoꞌ nanitaparamaꞌ canpitantaꞌ. “Yosë nohuanton, iso motopi nichiꞌhuincarahuaton marëquë niichin” tënamaꞌ naporini, ina nohuanton, inapoꞌitonhuëꞌ.

Mateo 21:31

Catoꞌ huiꞌnin chachin shaꞌhuitopirinhuëꞌ, ¿insoaritaꞌ natërinsoꞌ? itërin Quisosori. —Yaꞌnan camairinsoꞌ paꞌpin natëton, sacatërin, itopi. —Noꞌtëquën naporamaꞌ. Aꞌnasoꞌ “Paꞌi nipachin,” taponahuëꞌ, co paꞌninhuëꞌ. Inapochachin copirno marëꞌ coriqui maꞌpatonaꞌpiroꞌsaꞌ, monshihuanaꞌpiroꞌsaꞌ, inapita co noyahuëꞌ yonquipirinahuëꞌ, iporasoꞌ ina naniantahuatonaꞌ, Yosë imasapi. Imatonaꞌ, tëhuënchachin huaꞌanëntërinquë yaꞌconapi. Canpitaso nipirinhuëꞌ co yayaꞌconamahuëꞌ.

Mateo 23:36

Iráca quëran huarëꞌ shimashonëmapita co noyahuëꞌ cancantopi. Ipora canpitantaꞌ inapita pochachin cancantaramaꞌ niꞌton, Yosë naꞌcon anaꞌintarinquëma huachi, tënahuë,” itërin.

Mateo 24:2

—Iporasoꞌ yaꞌipiya noyápiachin niꞌpiramahuëꞌ, aꞌna tahuërisoꞌ yaꞌipiya ohuatapi. Co aꞌna naꞌpiya tërantaꞌ niyaꞌhuiritarinhuëꞌ, itërin Quisosori.

Mateo 24:47

Noya natërin niꞌton, acoarin yaꞌipi maꞌshanënpita aꞌpaicaso marëꞌ.

Mateo 25:12

Huaꞌani co nohuantërinhuëꞌ. ‘Co canpitasoꞌ piyapinëhuëpitanquëmahuëꞌ. Co nohuitëranquëmahuëꞌ,’ taꞌton co ayaꞌconinhuëꞌ.

Mateo 25:40

‘Coꞌta, imarinacosopita parisitohuachinara, catahuaramaꞌ. Topinan piyapiꞌsaꞌ, saꞌahuaroꞌsaꞌ, inapita maꞌsha pahuantohuachinara, quëtëramaꞌ. Imatomaco, aꞌnapita catahuaramaꞌ niꞌton, cantaꞌ catahuaramacoso pochin niꞌnahuë,’ itarahuë.

Mateo 25:45

‘Coꞌta imarinacosopita parisitopirinahuëꞌ, co catahuaramahuëꞌ. Saꞌahuaroꞌsaꞌ maꞌsha pahuantopirinahuëꞌ, co quëtëramahuëꞌ. Co inapita nosororamahuëꞌ niꞌton, co cantaꞌ nosororamacohuëꞌ,’ itarahuë. Itahuato, aꞌpararahuë huachi.

Mateo 5:26

Inaquë poꞌmohuachinënquëmasoꞌ, yaꞌipiya pahuërëtaquë huarëꞌ pipiaramaꞌ,” tënin Quisoso.

Mateo 6:16

Ina quëran itaantarin: “Ama nonpinaꞌpiroꞌsa pochin nicosohuëꞌ. Aꞌnaquën Yosë nontacaso marëꞌ yaꞌipi tahuëri co mantaꞌ coshatërinhuëꞌ. Naporahuaton, co nitapamantarinhuëꞌ. Sëtërëso pochin yaꞌnorin aꞌnapita nitotacaiso marëꞌ. Co cancanën quëran chinotaponahuëꞌ, aꞌnapitari nicacaiso marëꞌ naporin. Niꞌpachinara: ‘Ma noya Yosë chinotërin,’ topi. Piyapiꞌsari noya niꞌpirinahuëꞌ, co huachi Yosëri acanaarinhuëꞌ.

Mateo 6:2

Maꞌsha saꞌahuaroꞌsaꞌ quëtohuatamaꞌ, ama aꞌninquëchin quëtocosohuëꞌ. Aꞌnaquën niyontonpiso pëiquë yaꞌconahuatonaꞌ, coriqui saꞌahuaroꞌsa marëꞌ quëtopirinahuëꞌ, aꞌninquëchin quëtopi. ‘Ina marëꞌ noya niꞌsarinacoi,’ taꞌtonaꞌ, napopi. Cachiquëntaꞌ coriqui quëtopi piyapiꞌsari nicacaiso marëꞌ. Co tëhuënchachin nosoroaponaraihuëꞌ, napopi. Piyapiꞌsarisoꞌ noya niꞌpirinahuëꞌ, Yosërisoꞌ co noyahuëꞌ niꞌnin. Co inápaquë acanaarinhuëꞌ, tënahuë.

Mateo 8:10

Quisosori natanahuaton, paꞌyatërin. Napoaton piyapiꞌsaꞌ itapon: —¡Ma noyacha iso quëmapi natërinco paya! Nisha piyapi niponahuëꞌ, israiroꞌsa quëran noya noya natërinco.

Marcos 10:15

Tëhuënchachin carinquëmaꞌ itaranquëmaꞌ, huaꞌhuaroꞌsaꞌ aꞌnaroáchin yaimarinaco. Coꞌsoꞌ inapita pochin cancantohuatamahuëꞌ, co onporontaꞌ Yosë huaꞌanëntërinquë yaꞌconaramahuëꞌ, itërin.

Marcos 10:29

—Tëhuënchachin iyaroꞌsaꞌ imamacoso marëꞌ nani maꞌsha patohuatamaꞌ, naꞌcon naꞌcon Yosë catahuarinquëmaꞌ, tënahuë. Aꞌnaquëmaꞌ mini nanamëhuë aꞌchinacamaso marëꞌ co huachi yaꞌhuëmiataramahuëꞌ. Aꞌnaquëmaꞌ pëinëmaꞌ, iyaparimaꞌ, oshiparimaꞌ, tatamaꞌ, mamamaꞌ, huiꞌnamaꞌ, noꞌpanëmaꞌ, inapita patëramaꞌ.

Marcos 11:23

Inasoꞌ, yaꞌipi nanitaparin. Ina nontohuatamaꞌ, chiníquën natëcoꞌ: “Co Yosë catahuarincohuëꞌ,” ama tocosohuëꞌ. Yaꞌipi cancanëma quëran ina natëhuatamaꞌ, catahuarinquëmaꞌ. “Yosë nohuanton, iso motopi marëquë nichiꞌhuincain,” tënamaꞌ naporini, ina nohuanton nichiꞌhuincaitonhuëꞌ.

Marcos 12:43

Caꞌtanoꞌsanënpita përasahuaton, Quisosori itapon: —Noꞌtëquën itëranquëmaꞌ. Naꞌa piyapiꞌsaꞌ naꞌcon coriqui poꞌmorapirinahuëꞌ, iso quëyoronsoꞌ, naꞌcon naꞌcon poꞌmoquirin, tënahuë.

Marcos 13:30

Noꞌtëquën shaꞌhuitëranquëmaꞌ. Coꞌhuara cotioroꞌsaꞌ huënton taꞌhuanchatërasoihuëꞌ, nani maꞌsha onporapi.

Marcos 14:18

Misaquë coshatasoiꞌ, Quisosori itapon: —Noꞌtëquën iyaroꞌsaꞌ itëranquëmaꞌ. Aꞌnaquëmaꞌ carëꞌ coshatapomarahuëꞌ, shaꞌhuirapiaramaco, itërin.

Marcos 14:25

Noꞌtëquën itaranquëmaꞌ. Ipora quëran huarëꞌ co huachi opaiꞌ oꞌoantarahuëꞌ. Chiminarahuë huachi. Aꞌna tahuëri Yosë huaꞌanëntërinsoꞌ nanihuachin, nasha pochin nininsoꞌ oꞌoantarahuë. Naporoꞌ noya noya cancantarihuaꞌ, itërin.

Marcos 14:30

—Noꞌtëquën iyasha itaranquën. Ipora tashi chachin coꞌhuara atari catoroꞌ përashatërasohuëꞌ, cararoꞌ nonpinapiaranco. “Co casoꞌ Quisoso nohuitërahuëꞌ,” toconapon, itërin Quisosori.

Marcos 14:9

Noꞌtëquën itaranquëmaꞌ. Insëquësona noya nanan shaꞌhuihuachinaꞌ, iso sanapi napotërincosoꞌ shaꞌhuirapi antaꞌ. Co naniantapihuëꞌ, tënin.

Marcos 3:28

Oshanëma marëꞌ sëtohuatamaꞌ, Yosë yaꞌipi oshanëmaꞌ inquitarinquëmaꞌ. Pinopatamaꞌ, inantaꞌ inquitarinquëmaꞌ.

Marcos 6:11

Aꞌna ninanoquë yaꞌhuëpisopita noꞌhuitënënquëmaꞌ: “Ama isëquë huëcosohuëꞌ. Co yanatanainquëmahuëꞌ,” itohuachinënquëmaꞌ, patocoꞌ. Yapaꞌpatamaꞌ, pënëncoꞌ: “Nani shaꞌhuitopiranquëmahuëꞌ. Co nohuantëramahuëꞌ niꞌquëhuarëꞌ canpitaora tëhuënëmaquë ninaꞌintaramaꞌ,” itocoꞌ. Tëhuënchachin Yosëri chiníquën anaꞌintarin huachi, itërin Quisosori.

Marcos 8:12

Chiníquën sëtaton, itapon: —¿Maꞌmarëtaꞌ yaniꞌnamaꞌ? “Sacaiꞌ nininsoꞌ niquëꞌ niꞌiinquën,” itopiramacohuëꞌ, co Yosë nohuantërinhuëꞌ aꞌnotaꞌhuanquëmasoꞌ, itërin.

Marcos 9:1

Ina quëran itaantarin: —Tëhuënchachin iyaroꞌsaꞌ Yosë isoroꞌpaꞌ huaꞌanëntapon. Chiníquën nanantaton huaꞌanëntapon, niꞌsaramaꞌ. Aꞌnaquëmaꞌ coꞌhuara chimiyantërasënquëmahuëꞌ, niꞌsaramaꞌ, itërin.

Marcos 9:41

Caso Cristoco. Imaramacoso marëꞌ piyapi catahuahuachinquëmaꞌ, Yosë nitotërin. Iꞌsha tërantaꞌ oꞌshitohuachinënquëmaꞌ, ina marëꞌ aꞌna tahuëri acanaarin. Tëhuënchachin noya iꞌhuërëtarin, itërin Quisosori.

Lucas 12:37

Piyapinënpita ninarapi quënanquintahuachina, huaꞌanëni nóya niꞌsarin. Inari chachin nitaparahuaton, cosharoꞌ acotarin piyapinënpita capacaiso marëꞌ.

Lucas 13:35

Napoaton Tata Yosë patarinquëmaꞌ. Co huachi catahuararinquëmahuëꞌ. Co huachi quënanaramacohuëꞌ. Oꞌmantaꞌhuasoꞌ tahuëri huarëꞌ quënantaramaco. Naporoꞌ: ‘¡Ma noyanquëncha quëmaso paya! Sinioro chachin aꞌpaimarinquën,’ itaramaco,” itërin Quisosori.

Lucas 16:17

Quiricanën quëran Yosë noꞌtëquën pënëninpoaꞌ. Isoroꞌpaꞌ, piꞌiroꞌtëꞌ, inapita taꞌhuantapirinahuëꞌ, yaꞌipi Yosë nanamënsoꞌ yaꞌhuëmiatápon. Co aꞌna huiꞌsharinso tërantaꞌ topinan quëran ninshitopihuëꞌ niꞌton, yaꞌipi naniarin,” tënin.

Lucas 18:17

Tëhuënchachin itëranquëmaꞌ. Huaꞌhuaroꞌsaꞌ aꞌnaroáchin yaimarinaco. Coꞌsoꞌ inapita pochin cancantohuatamahuëꞌ, co Yosë huaꞌanëntërinquë yaꞌconaramahuëꞌ, itërin.

Lucas 18:29

—Tëhuënchachin iyaroꞌsaꞌ, nani maꞌsha patohuatamaꞌ, naꞌcon naꞌcon Yosë catahuarinquëmaꞌ, tënahuë. Aꞌnaquëmaꞌ Yosë huaꞌanëntërinsoꞌ aꞌchinacamaso marëꞌ pëinëmaꞌ, saꞌamaꞌ, iyaparimaꞌ, tatamaꞌ, mamamaꞌ, huiꞌnamaꞌ, inapita pataramaꞌ.

Lucas 23:43

—Tëhuënchachin iyasha ipora tahuëri chachin carëꞌquën Yosëꞌpaꞌ yaꞌhuëcontaran, itërin.

Lucas 4:24

Ina quëran itaantarin: —Co yanatëtomacohuëꞌ, napotëramaco. Niꞌcoꞌ. Pënëntonaꞌpi pënëntohuachina, nisha nisha parti noya natanpi. Ninanonënquë yaꞌhuëpisopitariso nipirinhuëꞌ, co noya natanpihuëꞌ.

Juan 1:51

Ina quëran itaantarin: —Noꞌtëquën itëranquëmaꞌ. Iráca Cacopo nanpisoꞌ, piꞌiroꞌtëꞌ niꞌsoarin. Niꞌsoatohuachina, anquëniroꞌsari huëcapaimapi. Huëcapaimarahuatonaꞌ, panantarapi. Inapochachin iporasoꞌ Yosë quëran quëmapico niꞌto, oꞌmarahuë Yosë anohuitaꞌhuanquëmaso marëꞌ. Yaꞌipi ninahuësoꞌ niꞌsaramaꞌ, itërin Quisosori.

Juan 10:1

Ina quëran Quisosori aꞌchintaantarin. —Ohuicaroꞌsa naporin quëran aꞌchinchinquëmaꞌ natancoꞌ. Ohuicaroꞌsaꞌ aꞌpaicaiso marëꞌ pairapipi. Aꞌnaíchin yaꞌcoana yaꞌhuërin. Aꞌnaquën huëcaton, co yaꞌcoana quëran yaꞌconinhuëꞌ. Nanpërahuaton, yaꞌconin. Inasoꞌ co huaꞌanënhuëꞌ. Ihuatëꞌ, matararo, inapita ina pochin yaꞌconpi ohuica ihuatacaiso marëꞌ.

Juan 10:7

Napoaton itaantarin: —Tëhuënchachin casoꞌ yaꞌcoana pochin ninahuë. Ohuica pairapipiquë yayaꞌconpatëra, yaꞌcoana quëran yaꞌconëꞌ.

Juan 12:24

Noꞌtëquën shaꞌhuitëranquëmaꞌ. Tricoraya pochin ninin. Co shaꞌpatërahuëꞌ, co naꞌarinhuëꞌ. Aꞌnaíchin nisárin. Napoaponahuëꞌ, shaꞌpatëra, chiminin pochin niponahuëꞌ, papotohuachina, naꞌa nitërin.

Juan 13:16

Tëhuënchachin iyaroꞌsaꞌ patronsoꞌ chiníquën nanantërin. Piyapinënpitaso nipirinhuëꞌ co ina pochin chiníquën nanantopihuëꞌ. Comisionëontaꞌ co huaꞌanën pochin chiníquën nanantërinhuëꞌ.

Juan 13:38

—Yatëpapirinënquënhuëntaꞌ, ¿imamiataranco ti? Noꞌtëquën shaꞌhuitaranquën. Ipora tashi chachin coꞌhuara atari përashatërasohuëꞌ, cararoꞌ nonpinapiaranco. “Co Quisoso nohuitërahuëꞌ,” tosaran, itërin Quisosori.

Juan 14:12

—Natancoꞌ iyaroꞌsaꞌ noꞌtëquën shaꞌhuitaranquëmaꞌ. Tëhuënchachin imapatamaco, ca pochin nisaramaꞌ. Tata Yosë yaꞌhuërinꞌpaꞌ panantarahuë niꞌton, saca sacaiꞌ nininsontaꞌ nanitapaaramaꞌ.

Juan 16:20

Noꞌtëquën itëranquëmaꞌ. Sëtatomaꞌ, naꞌnëaramaꞌ. Co natërinacosopitasohuëꞌ nipirinhuëꞌ: “Nani chiminin huachi,” taꞌtonaꞌ, capa cancantapi. Canpitaso nipirinhuëꞌ sëtapiramahuëꞌ, co huaꞌquiꞌ sëtaramahuëꞌ. Aꞌnaroáchin noya cancantantaramaꞌ.

Juan 16:23

“Naporoꞌ co huachi natanaramacohuëꞌ. Noꞌtëquën shaꞌhuitëranquëmaꞌ. Ca pochin yonquiatomaꞌ, Tata Yosë nontocoꞌ. ‘Quisoso nanan quëtërincoi,’ taꞌtomaꞌ, maꞌsona nipatamaꞌ, acotarinquëmaꞌ.

Juan 21:18

Noꞌtëquën, iyasha, itaranquën. Quëmasoꞌ huiꞌnapitapon, quëmaora nohuanton, maꞌsha ninan. Intohuasoꞌ yapaꞌpatana, nitaparahuaton, paꞌnan. Nipirinhuëꞌ, aꞌna tahuëri mashotohuatan, maꞌsha onpotarinënquën. Cato quëran chachin anquiranꞌsoꞌ tonpoarinënquën. Co nohuantopiranhuëꞌ, quëpararinënquën, itërin Pitro.

Juan 3:11

Noꞌtëquën itaranquën. Nitotatoi, aꞌchintarainquëmaꞌ. Niꞌnaisoꞌ shaꞌhuitarainquëmaꞌ. Canpitaso nipirinhuëꞌ co natëramacoihuëꞌ.

Juan 3:3

—Noꞌtëquën iyasha shaꞌhuitaranquën. Co nasitaantahuatanhuëꞌ, co onporontaꞌ Yosë huaꞌanëntërinquë yaꞌconaranhuëꞌ, itërin Quisosori.

Juan 3:5

Napotohuachina, Quisosori itaantapon: —Noꞌtëquën shaꞌhuitaranquën. Iꞌquë amarëso pochin cancanëmaꞌ anoyatacasoꞌ yaꞌhuërin. Yaꞌipi co noyahuëꞌ yonquiramasopita naniantocoꞌ. Ina naniantohuatamaꞌ, Ispirito Santo anoyacancantohuachinquëmaꞌ, nasitaantarëso pochin nisaramaꞌ. Naporo huarëꞌ Yosë huaꞌanëntërinquë yaꞌconaramaꞌ.

Juan 5:19

Ina quëran Quisosori itantarin: “Noꞌtëquën itaranquëmaꞌ. Caora yonquinëhuë quëran co mantaꞌ ninahuëꞌ. Tatahuëráchin nonanahuë. Huiꞌninco niꞌto, inapochachin cantaꞌ ninahuë.

Juan 6:26

—Noꞌtëquën shaꞌhuitaranquëmaꞌ. Iꞌhuara cosharoꞌ anaꞌatërahuë nohuitamacoso marëꞌ nipirinhuëꞌ, co yanohuitëramacohuëꞌ. Natëaquë huarëꞌ coshatëramaꞌ niꞌton, yoniramaco.

Juan 6:32

—Noꞌtëquën itëranquëmaꞌ. Cosharoꞌ inápa quëran oꞌmarinsoꞌ co Moisësëri quëtërinhuëꞌ. Tata Yosëri quëtërinsoꞌ. Iporasoꞌ noya noya nininsoꞌ quëtarinquëmaꞌ.

Juan 6:47

Noꞌtëquën shaꞌhuitëranquëmaꞌ. Imapatamaco, Yosë nohuitatomaꞌ nanpimiataramaꞌ.

Juan 6:53

—Noꞌtëquën itëranquëmaꞌ. Casoꞌ Yosë quëran quëmapico niꞌto, yaꞌipi cancanëma quëran yonquico. Coꞌsoꞌ nonëhuë caꞌnëso pochin nitohuatamahuëꞌ, huënainëhuëntaꞌ co oꞌorëso pochin nitohuatamahuëꞌ, co onporontaꞌ nanpimiataramahuëꞌ.

Juan 8:34

—Noꞌtëquën itëranquëmaꞌ. Co noyahuëꞌ nipatamaꞌ, sopai huaꞌan camaiarinquëmaꞌ. Piyapinënpita pochin nisaramaꞌ. Co canpitaora nanitaramahuëꞌ oshanëmaꞌ naniantamasoꞌ. Sopai camaihuachinquëmaꞌ, co noyahuëꞌ nisaramaꞌ.

Juan 8:51

Noꞌtëquën itaranquëmaꞌ. Natëhuatamaco, co chiminaramahuëꞌ, itërin Quisosori.

Juan 8:58

—Noꞌtëquën shaꞌhuitëranquëmaꞌ. Coꞌhuara Apraan nasichatërasohuëꞌ, casoꞌ yaꞌhuárahuë, itërin.

1 Pedro 1:25

Sinioro nanamënso nipirinhuëꞌ, yaꞌhuëmiatarin,” tënin Yosë quiricanënquë. Ina nanan chachin nani aꞌchintërainquëmaꞌ.

Apocalipsis 20:11

Ina quëran panca huaꞌanëntacasoꞌ shira quënanahuë, huiríchin nininsoꞌ. Inaquë Yosë huënsëaton, piyapiꞌsaꞌ anaꞌintarin. Chini chiníquën nanantarin niꞌton, isoroꞌpaꞌ, piꞌiroꞌtëꞌ, inapita taꞌhuantopi. Capa nisarin.