Mateo 5:17 - Chayahuita (Shahui)

¹⁷ Ina quëran itaantarin: “Iráca Moisësë, pënëntonaꞌpiroꞌsaꞌ, inapita naꞌcon pënëntopi. Pënëntatonaꞌ, ninshitopi. Co ina naniantacasoꞌ yaꞌhuërinhuëꞌ, tënahuë. Yaꞌipi inapita ninopisoꞌ nanicaso marëꞌ oꞌmarahuë. Maꞌsona tapon naporinsopita noꞌtëquën shaꞌhuichinquëmaꞌ.

Mateo 5:17 ပူးပေါင်းရင်းမြစ်များ

Isaías 42:21

Sinioroso Yosë nichaꞌëtonaꞌpi niꞌton, aꞌchininso noya noya niꞌcaiso marëꞌ naꞌcon naꞌcon nohuantërëhuaso chachin aꞌchinin.

Mateo 3:15

Napotopirinhuëꞌ, Quisosori itërin: —Yosë nohuantërin niꞌton, yaꞌipi natëcaꞌhuasoꞌ yaꞌhuërin. Napoaton noya quëma aporintoco, itërin. Ina natanahuaton: —Noyahuaꞌ, itahuaton, iꞌquë aporintërin.

Mateo 7:12

Noya ninosorocasoꞌ yaꞌhuërin. Canpitasoꞌ nohuantëramaꞌ aꞌnapita nosoroinënquëmasoꞌ. Napoaton canpita nohuantëramaso chachin inapitantaꞌ nosorocoꞌ. Ninosoroatomaꞌ, nicatahuacoꞌ. Yosë nohuanton, Moisësë, pënëntonaꞌpiroꞌsaꞌ, inapita naꞌcon pënënpirinënquëmahuëꞌ, ninosorocasoꞌ naꞌcon naꞌcon nohuantërin. Ninosorohuatamaꞌ, noya imasaramaꞌ, tënahuë,” itërin Quisosori.

Lucas 16:17

Quiricanën quëran Yosë noꞌtëquën pënëninpoaꞌ. Isoroꞌpaꞌ, piꞌiroꞌtëꞌ, inapita taꞌhuantapirinahuëꞌ, yaꞌipi Yosë nanamënsoꞌ yaꞌhuëmiatápon. Co aꞌna huiꞌsharinso tërantaꞌ topinan quëran ninshitopihuëꞌ niꞌton, yaꞌipi naniarin,” tënin.

Juan 8:5

Iráca Moisësë pënëninpoaꞌ. “Monshihuanpisopita naꞌpiquë tëꞌyaratomaꞌ, tëpacoꞌ,” tënin. ¿Maꞌtaꞌ tënan quëma ipora? ¿Tëpaꞌii ti? itopi.

Hechos 18:13

—Moisësë iráca pënënincoiso pochin Yosë chinotërai. Iso quëmapiso nipirinhuëꞌ nisha aꞌchinarin. Piyapiꞌsaꞌ anishacancantarin, itopi.

Hechos 21:28

“¡Huëcoꞌ iyaroꞌsaꞌ catahuacoi! Iso quëmapi yaꞌipi parti paaton, nisha aꞌchinarin. ‘Cotioroꞌsasoꞌ co noꞌtëquën aꞌchinpihuëꞌ. Moisësë pënëntërinsoꞌ aꞌpocoꞌ,’ tënin. Naporahuaton, Yosë chinotopiso pëiꞌ co huachi noya niꞌninhuëꞌ. Niꞌcochi. Crico piyapiꞌsaꞌ isëquë chachin ichiyaꞌconin niꞌton, Yosë pëinën tapiarin. Co inapitasoꞌ yaꞌconacasohuëꞌ nipirinhuëꞌ,” toconpi.

Hechos 6:13

Nani niyontonpachinara, naquëranchin shaꞌhuirapiantapi. Nonpinatonaꞌ, co noꞌtëquën shaꞌhuirapipihuëꞌ. —Yosë chinotopiso pëiꞌ noya nipirinhuëꞌ, nonapirarin. “Moisësë iráca pënëntërinsontaꞌ co natëcasoꞌ yaꞌhuërinhuëꞌ,” toconin.

Romanos 10:4

Iráca Moisësë pënëntërin. Iporaso nipirinhuëꞌ co ina natërëhuaso marëꞌ Yosë noya niꞌninpoahuëꞌ. Quisocristo nani oꞌmarin oshanënpoaꞌ inquitinpoaso marëꞌ. “Quisocristoíchin anoyacancantarinpoaꞌ,” topatëhuaꞌ, Yosë noya niꞌsarinpoaꞌ.

Romanos 3:31

Quisocristoíchin anoyacantërinpoaꞌ niꞌton, iráca pënëntërinsoꞌ ¿co huachi paꞌtërinhuë pochin nitërëhua ti? ¡Co naporinhuëꞌ! Ina quëran oshahuanëhuasoꞌ nitotarihuaꞌ. Quisocristo imapatëhuaꞌ, catahuarinpoaꞌ noya natëcasoꞌ.

Romanos 8:4

Co noyahuëꞌ yonquirëhuasopita naniantatëhuaꞌ, Ispirito Santo natëhuatëhuaꞌ, catahuarinpoaꞌ noya nicacasoꞌ. Ina pochin cancantohuatëhuaꞌ, Yosë noya niꞌsarinpoaꞌ. Ina marëꞌ huiꞌnin aꞌpaimarin.