Mateo 5:14 - Chayahuita (Shahui)

¹⁴ Isoroꞌpaquë yaꞌhuëpisopita tashinanquë paꞌnëso pochin nisapirinahuëꞌ, canpitari aꞌpintatë pochin nitaramaꞌ. Niꞌcoꞌ iyaroꞌsaꞌ. Ninanoꞌ panënquë yaꞌhuëhuachina, yaꞌipi piyapiꞌsari quënanpi.

Mateo 5:14 ပူးပေါင်းရင်းမြစ်များ

Juan 12:36

Carinquëmaꞌ aꞌpintaranquëmaꞌ. Coꞌhuara paꞌshantatërasocohuëꞌ, natëco. Natëhuatamaco, canpitantaꞌ tahuëri pochin cancantaramaꞌ, itërin. Ina tosahuaton, paꞌnin. Co huachi aꞌninquëchin iratërinhuëꞌ.

Juan 5:35

Coanshasoꞌ noya quëmapi. Huaroro noya orotërinso pochin niꞌton, noya anitotërinquëmaꞌ. Yaꞌnan natanpatamara, huaꞌquimiachin paꞌyatëramaꞌ.

Juan 8:12

Ina quëran piyapiꞌsaꞌ aꞌchintantarin. —Casoꞌ aꞌpintatë pochin nicato, yaꞌipi piyapiꞌsaꞌ noꞌtëquën anitotarahuë. Imapatamaco, co huachi tashinan pochin cancantaramahuëꞌ. Tahuëri pochin cancantaramaꞌ. Ina pochin cancantohuatamaꞌ, Yosë nohuitatomaꞌ nanpimiataramaꞌ.

Juan 9:5

Isoroꞌpaquë yaꞌhuasoco, aꞌpintërinso pochin yaꞌipi piyapiꞌsaꞌ noꞌtëquën anitotërahuë, itërincoi.

2 Corintios 6:14

Co Yosë imapisopitasohuëꞌ nipirinhuëꞌ, ama inapitarëꞌquëmaꞌ naꞌcon naꞌcon nipayacosohuëꞌ. Co canpita pochin cancantopihuëꞌ. Noya cancantohuatamaꞌ, co nohuantaramahuëꞌ oshahuanacamasoꞌ. Niꞌcoꞌ. Tahuëri, tashiꞌ co inachachinhuëꞌ. Nisha nisha yaꞌnopi.

Filipenses 2:15

Noyasáchin nicoꞌ aꞌnapita nicatënquëmaꞌ, Yosë yonquiꞌinaꞌ. Ina huiꞌninpita pochin nicatomaꞌ, noyápiachin cancantocoꞌ. Co imapisopitasohuëꞌ nipirinhuëꞌ co Yosë nohuitatonahuëꞌ, co noyahuëꞌ cancantopi. Ninoꞌhuipi, monshihuanacaisoráchin yonquipi, nonpinápi. Co noyahuëꞌ yonquiatonaꞌ, tashi pochin cancantopi. Canpitaso nipirinhuëꞌ, tayoraroꞌsaꞌ tashiꞌ aꞌpintërinso pochin piyapiꞌsaꞌ catahuacoꞌ noꞌtëquën yonquicaiso marëꞌ.

1 Tesalonicenses 5:5

Quisocristo imaramaꞌ niꞌton, tahuëri pochin cancantatomaꞌ, nitotaramaꞌ. Yaꞌipinpoaꞌ imarëhuasopita co tashi pochin cancantërëhuahuëꞌ.

Apocalipsis 1:20

Niꞌnansoꞌ co quëmaora nitotopiranhuëꞌ, aꞌchinchinquën nitotëquëꞌ. Canchisë sëꞌparahuan nanparinoꞌsasoꞌ noya aꞌpinin. Inapochachin canchisë ninanoroꞌsaquë imarinacosopita yaꞌhuapi. Niyontonatonaꞌ, chinotarinaco. Canchisë tayoraroꞌsaꞌ sëꞌquërahuëso pochin ansianoꞌsaꞌ aꞌpaiarahuë, itërinco.

Apocalipsis 2:5

Iráca naporamasoꞌ yonquiantatomaꞌ, noya niantacoꞌ. Yaꞌipi co noyahuëꞌ yonquiramasopita naniantatomaꞌ, yaꞌipi cancanëma quëran nosoroantaco. Naporahuaton canpita capinintaꞌ noya ninosoroantacoꞌ. Co noya cancantantahuatamahuëꞌ, paaparahuatënquëmaꞌ, anaꞌintaranquëmaꞌ. Nanparin tacopirinso pochin nisaramaꞌ. Aꞌna tahuëri yaꞌhuëramaquë co insontaꞌ imasarinacohuëꞌ.