Mateo 4:23 - Chayahuita (Shahui)

²³ Yaꞌipi Cariria parti paaton, niyontonpiso pëiroꞌsaquë pënënaꞌpiarin. Noya nanan aꞌchinaton: “Yosë yahuaꞌanëntërinquëmaꞌ,” itëraꞌpiarin. Naporahuaton, naꞌa caniaꞌpiroꞌsaꞌ aꞌnaroáchin anoyatërin. Nisha nisha caniori maninsopita anoyatëraꞌpiarin.

Mateo 4:23 ပူးပေါင်းရင်းမြစ်များ

Salmos 103:3

Yaꞌipi co noyahuëꞌ ninahuësoꞌ inquitërinco. Yaꞌipi caniorahuësontaꞌ, anoyatërinco.

Mateo 12:9

Ina quëran paantarahuaton, niyontonpiso pëiquë yaꞌconconin.

Mateo 13:19

Tricoraya paꞌsarayarëso pochin Yosë nanamën yaꞌipi parti aꞌchintërëꞌ. ‘Yosë yahuaꞌanëntarinquëmaꞌ,’ topachina, aꞌnaquën piyapiꞌsaꞌ ira pochin nipi. Nanamën natanpirinahuëꞌ, co yonquipihuëꞌ. Inairaroꞌsari huëcapairahuatonaꞌ, pëꞌyaquipiso pochin aꞌnaroáchin sopai huëꞌnin. Huëꞌsahuaton, Yosë nanamën natanpisoꞌ osërëtiirin. Ananiantërin huachi.

Mateo 13:54

Yaꞌhuërinquë chachin paantarahuaton, niyontonpiso pëiquë aꞌchintarin. Piyapiꞌsaꞌ natanahuatonaꞌ, nisha nisha yonquiatonaꞌ, ninontopi. —¡Maꞌpítacha nitotërin paya! ¿Macarisoꞌ aꞌchintomara? Piyapiꞌsaꞌ aꞌnaroáchin anoyatërin. ¿Onporahuatoncha nani maꞌsha nanitaparin nicaya?

Mateo 14:14

Quisososo canconahuaton nonshipirinhuëꞌ, notohuaroꞌ piyapiꞌsaꞌ quënanconin. Quënanconahuaton, naꞌcon nosororin. Noya nontaton, yaꞌipi caniaꞌpiroꞌsaꞌ anoyatërin.

Mateo 24:14

Yosë huaꞌanëntërinquë yaꞌconacasoꞌ aꞌchintëranquëmaꞌ. Ina nanan chachin yaꞌipi parti aꞌchinacasoꞌ yaꞌhuërin. Yaꞌipi piyapiꞌsaꞌ nitochinaꞌ. Yaꞌipi parti aꞌchintohuachinaꞌ, naporoꞌ ayaroꞌ tahuëri naniarin huachi.

Mateo 3:2

—Yosë huaꞌanëntiinpoasoꞌ tahuëri nani yaꞌcariarinpoaꞌ. Napoaton co noyahuëꞌ yonquiramasopita naniantatomaꞌ, Yosë chachin tahuërëtantaco huachi, itarin. Nani tahuëri ina pochin pënënárin.

Mateo 9:35

Ina quëran Quisoso paꞌsápaton, nisha nisha ninanoroꞌsaquë aꞌchintëraꞌpiarin. Niyontonpiso pëiroꞌsaquë noya nanan shaꞌhuitëraꞌpiarin. —Yosë yahuaꞌanëntërinquëmaꞌ, itëraꞌpiarin. Insëquësona paꞌpachina, yaꞌipi caniaꞌpiroꞌsaꞌ anoyatëraꞌpiarin. Nisha nisha canio inquitërin.

Marcos 1:14

Ina quëran Coansha tashinan pëiquë poꞌmopi. Ina natantahuaton, Quisoso paꞌnin Cariria parti pënëntapon. Noya nanan Yosë noninsoꞌ shaꞌhuirarin:

Marcos 1:21

Ina quëran Capinaomoquë canconpi. Chinoto tahuëri nanihuachina, cotioroꞌsaꞌ niyontonpiso pëiquë yaꞌconin. Inaquë aꞌchinarin.

Marcos 1:39

Ina quëran yaꞌipi Cariria parti paꞌsahuaton, niyontonpiso pëiroꞌsaquë pënëntëraꞌpiarin. Naporahuaton, sopairoꞌsari yaꞌcoancantërinsopita inquitëraꞌpiarin.

Marcos 6:2

Chinoto tahuëri nanihuachina, niyontonpiso pëiquë aꞌchinarin. Naꞌa piyapiꞌsari natanahuatonaꞌ, paꞌyanpi. Paꞌyanatonaꞌ, inahua capini ninontapi: —¡Maꞌpítacha Quisoso nitotërin paya! ¿Macarisoꞌ aꞌchintomara? Noya noya yonquirin. Piyapiꞌsaꞌ aꞌnaroáchin anoyatërin. ¿Onporahuatoncha nani maꞌsha nanitaparin nicaya?

Marcos 6:6

“¿Onpoatoncha isopita co yanatërinacohuëꞌ nicaya?” tënin, yonquiapon. Ina quëran yaꞌcariya ninanoroꞌsaquë paꞌsahuaton, piyapiꞌsaꞌ aꞌchintarin.

Lucas 10:9

Caniaꞌpiroꞌsaꞌ inaquë yaꞌhuëhuachinaꞌ, anoyatocoꞌ. ‘Iso tahuëriꞌsaꞌ Yosë yahuaꞌanëntarinquëmaꞌ,’ itocoꞌ.

Lucas 13:10

Chinoto tahuëri nanihuachina, niyontonpiso pëiquë paꞌsahuaton, piyapiꞌsaꞌ aꞌchintarin.

Lucas 16:16

Ina quëran tantarin: “Iráca Moisësë, pënëntonaꞌpiroꞌsaꞌ, inapita pënëntopi nani maꞌsha natëcasoꞌ. Ina quëran Coansha Paotista huëꞌpachina, noya nanan shaꞌhuirin Yosë huaꞌanëntërinquë yaꞌconacaiso marëꞌ. Yayaꞌconpisopitasoꞌ chiníquën cancantatonaꞌ, yaꞌconapi.

Lucas 20:1

Ina quëran Yosë chinotopiso pëiquë paantarahuaton, piyapiꞌsaꞌ aꞌchintantarin. Noya nanan pënëntaquëyaꞌ, cotio ansianoꞌsaꞌ, cotio maistroꞌsaꞌ, corto huaꞌanoꞌsaꞌ, inapita huëꞌpi.

Lucas 4:14

Ina quëran Cariria parti Quisoso paantarin. Ispirito Santori noyá yaꞌcoancantërin niꞌton, catahuarin nóya nicacasoꞌ. Yaꞌipi naporinsoꞌ nahuinin.

Lucas 5:17

Aꞌna tahuëri Quisoso aꞌchinasoꞌ, parisioroꞌsaꞌ, cotio maistroꞌsaꞌ, inapitantaꞌ inaquë chachin huënsëapi. Inapitaso nisha nisha ninano quëran huëꞌpi. Cariria parti quëran, Cotia parti quëran, Quirosarin quëran, ina quëranpita huëꞌpi. Nani aꞌchintohuachina, caniaꞌpiroꞌsaꞌ anoyatërin. Yosëri catahuarin niꞌton, naꞌa caniaꞌpiroꞌsaꞌ aꞌnaroáchin anoyatërin.

Lucas 6:17

Inapitarëꞌ nohuaraimarahuaton, pastoquë huanirin. Naꞌa imarinsopita inaquë yaꞌhuapi. Notohuaroꞌ piyapiꞌsantaꞌ huëꞌpi Quisoso natanacaiso marëꞌ. Quirosarin quëran huëꞌpi. Yaꞌipi Cotia parti quëran huëꞌpi. Marë yonsan quëraontaꞌ huëꞌpi. Tiro, Siton, inapita yaꞌcariya yaꞌhuëpisopitantaꞌ huëcatonaꞌ, noya natanpi. Caniaꞌpiroꞌsantaꞌ quëpi anoyatacaso marëꞌ.

Lucas 6:6

Ina quëran chinoto tahuëri naniantahuachina, niyontonpiso pëiquë paantahuaton, Yosë nanamën aꞌchiantarin. Inaquë aꞌna quëmapi yaꞌhuërin. Inchinan imirin tachitërin niꞌton, co nanitërinhuëꞌ sëꞌquëtacasoꞌ.

Lucas 7:21

Naporo chachin naꞌa caniaꞌpiroꞌsaꞌ yaꞌhuapi, nisha nisha caniori maninsopita. Quisosori aꞌnaroáchin anoyatërin. Sopairoꞌsari ahuaꞌyantërinsopitantaꞌ huëꞌpachinara, sopairoꞌsaꞌ aꞌpatërin. Naporahuaton, ina nohuanton, somaraya nininsopitantaꞌ niꞌtopi.

Lucas 7:22

—Niꞌcoꞌ iyaroꞌsaꞌ. Ca nohuanto, somaraya nininsopita niꞌtopi. Apiaroꞌsantaꞌ aꞌnaroáchin anoyatërahuë. Noya iratopi. Chana caniori maninsopitantaꞌ anoyatërahuë. Nëꞌhuëroꞌsantaꞌ nëꞌhuëpisoꞌ inquitërahuë. Chiminpisopita ananpitaantarahuë. Notohuaroꞌ piyapiꞌsaꞌ co Yosë nohuitatonaraihuëꞌ nosorotápirinahuëꞌ, noya nanan aꞌchintarahuë. Yaꞌipi nani niꞌnamaꞌ, nani natanamaꞌ. Paatomaꞌ, Coansha shaꞌhuitoncoꞌ noꞌtëquën nitochin.

Lucas 8:1

Ina quëran nisha nisha ninanoquë Quisoso paꞌnin aꞌchinapon. Aꞌnaquën pancana, aꞌnaquën co pancanayahuëꞌ niponahuëꞌ, inaquëntaꞌ paaton, noya nanan aꞌchinarin. “Yosë yahuaꞌanëntërinquëmaꞌ,” itëraꞌpiarin. Shonca catoꞌ caꞌtanoꞌsanënpitari imasapi.

Lucas 9:11

Naꞌa piyapiꞌsari natanahuatonaꞌ, imapi. Canquihuachinara, Quisosori noya nontërin. Yosë huaꞌanëntërinquë yaꞌconacaisoꞌ aꞌchintarin. Nani aꞌchintahuaton, caniaꞌpiroꞌsaꞌ aꞌnaroáchin anoyatërin.

Lucas 9:60

—Aꞌnaquën co nohuantopihuëꞌ imainacosoꞌ. Chimipi pochin cancantopi. Inapitari paꞌpichinaꞌ, tënahuë. Quëmaso nipirinhuëꞌ, ca naꞌcon naꞌcon yonquiatonco Yosë yahuaꞌanëntërinpoasoꞌ shaꞌhuiquëꞌ, itërin Quisosori.

Juan 18:20

—Casoꞌ aꞌninquëchin piyapiꞌsaꞌ aꞌchintërahuë. Niyontonpiso pëiquë, Yosë chinotopiso pëiquë, inaquëpita cotioroꞌsaꞌ niyontonpachinara, aꞌchintërahuë. Co poꞌoana quëran aꞌchinahuëꞌ.

Juan 6:59

Capinaomo niyontonpiso pëiquë aꞌchintaton naporin.

Juan 7:1

Ina quëran huaꞌquimiáchin Quisoso Cariria parti yaꞌhuërarin. Cotioroꞌsari yatëpapi niꞌton, co Cotia parti yapaꞌninhuëꞌ.

Hechos 10:38

Ina piquëran Yosëri chachin Quisocristo acorin, Nasaritoquë yaꞌhuërinsoꞌ. Yosë nohuanton, Ispirito Santori noyá yaꞌcoancantërin. Napoaton nani maꞌsha nanitaparin nicacasoꞌ. Nisha nisha parti paaton, nóya ninin. Naꞌa caniaꞌpiroꞌsaꞌ aꞌnaroáchin anoyatërin. Aꞌnaquën sopairi yaꞌcoancantërin niꞌton, chiníquën parisitopirinahuëꞌ, inari anoyatërin. Yosëri catahuarin niꞌton, aꞌnaroáchin anoyatërin.

Hechos 18:4

Nani chinoto tahuëri cotioroꞌsaꞌ niyontonpiso pëiquë paꞌsahuaton, cotioroꞌsaꞌ aꞌchintërin. Cricoroꞌsantaꞌ aꞌchintaton: “Quisoso natëcoꞌ canpitantaꞌ,” itërin.

Hechos 20:25

Huaꞌquiꞌ yaꞌhuëramaquë paꞌsápato, Yosë huaꞌanëntërinpoasoꞌ aꞌchintopiranquëmahuëꞌ, apira paꞌsarahuë huachi. Co huachi quënanaramacohuëꞌ.

Hechos 28:31

“Yosë huaꞌanëntërinquë yaꞌconcoꞌ canpitantaꞌ,” itërin. Sinioro Quisocristo naporinsoꞌ aꞌchintárin. Co tëꞌhuatonhuëꞌ, naꞌcon aꞌchinin. Aꞌchinpirinhuëꞌ, co insoari tërantaꞌ atonirinhuëꞌ niꞌton, Quisoso nanamën nahuinin. Nani ninshitëranquën huachi.

Romanos 10:15

Co Yosëri aꞌchinaꞌpiroꞌsaꞌ aꞌpahuachinhuëꞌ, ¿onpo nitotaponataꞌ? Yosë quiricanën quëran naporin: “Ma noyacha niꞌton, noya nanan shaꞌhuitaonpoaꞌ huëꞌsarin paya,” tënin.