Mateo 4:14 - Chayahuita (Shahui)

¹⁴ Iráca chachin Yosë nohuanton, Isaiasë ninorin. Ninshitaton, naporin:

Mateo 4:14 ပူးပေါင်းရင်းမြစ်များ

Mateo 1:22

Iráca Yosë nohuanton, pënëntonaꞌpi ninorin. Ninoton, Yosë quiricanënquë chachin ninshitërin:

Mateo 2:15

Irotisë chiminaquë huarëꞌ inaquë yaꞌhuëpi. Iráca Yosë nohuanton, pënëntonaꞌpi ninorin: “Huiꞌnahuë Iquipitoꞌpaꞌ yacapatopirinhuëꞌ, ina quëran ocoiarahuë,” tënin Yosë. Huiꞌnin chachin Iquipitoquë yacapatohuachina, ninorinsoꞌ nanirin huachi.

Mateo 2:23

Inatohuaꞌ aꞌna ninanoꞌ yaꞌhuërin, Nasarito itopisoꞌ. Inaquë yaꞌhuërarin. Iráca pënëntonaꞌpiroꞌsaꞌ ninopi. “Cristo huëꞌpachin, Nasarito piyapi itaponaꞌ,” topi. Napoaton Yosë nohuanton, inaquë yaꞌhuaton, huiꞌnapitërin huachi.

Mateo 26:54

Napoaponahuëꞌ, co nohuantërahuëꞌ chaꞌëcaꞌhuasoꞌ. Nichaꞌërinaco naporini, co huachi ninorinacosoꞌ naniitonhuëꞌ. Yosë nohuanton, chiminarahuë, itërin caꞌtanoꞌsanënpita.

Mateo 26:56

Napoaponahuëꞌ, Yosë nohuanton, iporasoꞌ masaramaco. Quiricanën quëran ninorinacoso chachin masaramaco, itërin. Ina quëran yaꞌipi caꞌtanoꞌsanënpitari taꞌananpipi huachi.

Mateo 4:13

Inatohuaꞌ pacaponahuëꞌ, co huachi Nasaritoquë yaꞌhuërinhuëꞌ. Sonoꞌ yonsanquë paaton, Capinaomoquë yacapatonin. Saporonoroꞌsaꞌ, nipitariroꞌsaꞌ, inapita iráca yaꞌhuëpiquë yacapatonin.

Mateo 4:15

“Naꞌa piyapiroꞌsaꞌ Cariria parti yaꞌhuëpisoꞌ, imasapi. Inapitasoꞌ, Cortaniiꞌ aquëtëran yaꞌhuëpi, marë Pancaiꞌ yaꞌcariꞌ. Inaquë saporonoroꞌsaꞌ, nipitariroꞌsaꞌ, inapita yaꞌhuëpi. Inaquë inpioroꞌsantaꞌ yaꞌhuëpi.

Mateo 8:17

Iráca Isaiasë ninoton, ninshitërin. “Caniopirëhuahuëꞌ, anoyatarinpoaꞌ. Canio inquitarinpoaꞌ,” tënin. Caniaꞌpiroꞌsaꞌ anoyatohuachina, ninorinsoꞌ nanirin huachi.

Lucas 22:37

Iráca Yosë quiricanën quëran ninorinaco. “Apiroꞌsarëꞌ acorapi,” tënin. Napopiso chachin apiroꞌsa pochin cancantatonaco, masarinaco. Yaꞌipi ninorinacosoꞌ nanicaso yaꞌhuërin, tënin.

Lucas 24:44

—Nani iꞌhua chachin iyaroꞌsaꞌ shaꞌhuitëranquëmaꞌ. Yosë quiricanënquë naꞌcon ninorinaco. Moisësë, pënëntonaꞌpiroꞌsaꞌ, inapita ninorinaco. Sarmoquëntaꞌ ninshitopi. Yaꞌipi iráca ninorinacosopita nanicasoꞌ yaꞌhuërin niꞌton, iso tahuëriꞌsaꞌ ina pochin ninahuë, itërin.

Juan 15:25

Iráca Yosë quiricanënquë ninshitopi. ‘Topinan quëran noꞌhuirinaco,’ tënin ninshitaton. Iporasoꞌ naporinso chachin topinan quëran noꞌhuiarinaco.

Juan 19:28

Quisoso nontahuatoncoi: “Nani yaꞌipi Yosë shaꞌhuitërincosoꞌ natërahuë,” tënin yonquinënquë. Ina quëran, Yosë quiricanënquë ninorinso nanicaso marëꞌ: —Yamororahuë, tënin.