Mateo 4:11 - Chayahuita (Shahui)

¹¹ Napotohuachina, sopairi patërin. Patohuachina, anquëniroꞌsari huëcapaimarahuatonaꞌ, nocomaimapi.

Mateo 4:11 ပူးပေါင်းရင်းမြစ်များ

1 Reyes 19:6

Huënsërahuaton yonisarin. Niꞌpirinhuëꞌ, motoantërinso pirayan pan pënayaquë anpipisoꞌ, quënanin. Iꞌshanta yonshaquë ina pirayan huënsëarin. Ina quëran huanirahuaton coshatërin, oꞌorin, naporin. Nani coshatohuachina quëhuëantaton huëꞌantarin.

Mateo 26:53

Tatahuë nontërahuë naporini, shonca cato huaranca anquëniroꞌsaꞌ aꞌpatimaitoncohuëꞌ. Aꞌnaroáchin catahuaitonacohuëꞌ. ¿Co ina nitotëranhuëꞌ ti?

Mateo 4:6

—Quëmasoꞌ Yosë huiꞌninquën nipatan, noꞌpaquë niiquëꞌ. Quiricanën quëran nani shaꞌhuitërinquën. “Yosë anquëninënpita aꞌpatimarinquën aꞌpaiinquënso marëꞌ niꞌton, co maꞌsha onpoaranhuëꞌ. Imirina quëran masarinënquën ama naꞌpiquë tërantaꞌ yaꞌquiamaso marëhuëꞌ,” tënin niꞌton, noꞌpaquë niiquëꞌ aꞌpaiꞌinënquën, itërin sopairi.

Marcos 1:13

Inatohuaꞌ catapini shonca tahuëri yaꞌhuërin. Tanan niꞌniroꞌsapitarëꞌ yaꞌhuërin. Sopai huaꞌanintaꞌ huëcapairahuaton, tënirin. Shaꞌhuitápirinhuëꞌ ama Yosë natëcaso marëhuëꞌ. “Inca, co nohuantërahuëꞌ,” tënin. Nani sopai paꞌpachina, anquëniroꞌsari oꞌmarahuatonaꞌ, Quisoso nocomaimapi.

Lucas 22:43

Nani nontohuachina, anquëni inápa quëran oꞌmarahuaton, achinirin.

Lucas 22:53

Coꞌtana nani tahuëri Yosë chinotopiso pëiquë paꞌnahuë. Nicapomaracohuëꞌ, co manamacohuëꞌ. Napoaponahuëꞌ, Yosë nohuanton, iporasoꞌ masaramaco. Tashi pochin cancantëramaꞌ niꞌton, sopai camairinquëmaꞌ co noyahuëꞌ nicacaso marëꞌ, itërin.

Lucas 4:13

Nani huaꞌquiꞌ sopairi shaꞌhuitopirinhuëꞌ, co yanatërinhuëꞌ. Napoaton patërin. “Aꞌna tahuëri minsëapo nimara,” taꞌton, paꞌnin huachi.

Juan 14:30

Co huachi huaꞌquiꞌ nontaranquëmahuëꞌ. Sopai huaꞌan nohuanton, masarinaco. Inari camairin niꞌton, nani huëꞌsapi macainacoso marëꞌ. Co casoꞌ piꞌpian tërantaꞌ ina camaincosohuëꞌ nipirinhuëꞌ,

1 Timoteo 3:16

Iráca co Yosë nohuitopirëhuahuëꞌ, iporasoꞌ Quisocristo anohuitërinpoaꞌ: “Ma noyacha inaso paya,” tënëhuaꞌ. Yosë huiꞌnin isoroꞌpaquë oꞌmaton, piyapi chachin nasitimarin. Ispirito Santo chachin anitotërinpoaꞌ Yosë huiꞌnin nininsoꞌ. Nanpiantahuachina, anquëniroꞌsarintaꞌ quënanpi. Imapisopitari yaꞌipi parti paatonaꞌ, nanamën shaꞌhuiraꞌpiapi. Naꞌa piyapiꞌsaꞌ natëpi. Iporasoꞌ Yosëꞌpaꞌ noya yaꞌhuërin. Inatohuaꞌ Yosëri quëpantarin.

Hebreos 1:14

Inapitasoꞌ inpriatonënpita pochin niꞌton, Yosëri camairin. Aꞌpaimarin imarëhuasopita catahuainpoaso marëꞌ. Yosë chachin nichaꞌësarinpoaꞌ. Nani ina nitotëramaꞌ.

Hebreos 1:6

Huiꞌnin chachin nipirinhuëꞌ isoroꞌpaquë aꞌpaimahuachina, chini chiníquën nanan quëtaton, tapon: “Yaꞌipi anquëniroꞌsarintaꞌ ina chinochinaꞌ,” tënin.