Mateo 3:8 - Chayahuita (Shahui)

⁸ Co noyahuëꞌ yonquiramasopita naniantatomaꞌ, noya nico huachi.

Mateo 3:8 ပူးပေါင်းရင်းမြစ်များ

Jeremías 26:13

Noya noya nicacamasoꞌ cancantocoꞌ. Sinioroso Yosënënpoa niꞌton, ina natëcoꞌ. Inapohuatamaꞌ, maꞌsha onpotiinquëmasoꞌ shaꞌhuitopirinquëmahuëꞌ, co inapotarinquëmahuëꞌ.

Jeremías 36:3

Tapona Cota huënton israiroꞌsa huëhuëpiro yonquirapirahuëso nitotatonaꞌ, co noyahuëꞌ nipisoꞌ yaaꞌpoápirinahuëꞌ. Inapopi naporini, co noyahuëꞌ nicatona oshahuanpisoꞌ, inquichitohuëꞌ,” itërinco.

Mateo 21:32

Coansha Paotista pënënpirinquëmahuëꞌ, co yanatëramahuëꞌ. Noya cancantamaso marëꞌ aꞌchintopirinquëmahuëꞌ, co yanatëramahuëꞌ. Copirno marëꞌ coriqui maꞌpatonaꞌpiroꞌsaꞌ, monshihuanaꞌpiroꞌsaꞌ, inapitaso nipirinhuëꞌ aꞌnaroáchin natëtonaꞌ, noya cancantopi. Ina nicapomarahuëꞌ, co yonquiramahuëꞌ. Co natëtochináchinhuëꞌ cancantëramaꞌ, itërin.

Lucas 3:8

Co noyahuëꞌ yonquiramasopita naniantatomaꞌ, noya nicoꞌ. Ama ninonpintocosohuëꞌ. “Quiyasoꞌ Apraan shinpitacoi niꞌtoi, Yosë piyapinënpitacoi,” ama tocosohuëꞌ. Yosë nohuantërin naporini, iso naꞌpiroꞌsantaꞌ Apraan shinpita atarantacasoꞌ nanichitonhuëꞌ.

Hechos 26:20

Tamascoquë yaꞌhuëpisoꞌton shaꞌhuitërahuë. Ina quëran Quirosarinquëntaꞌ shaꞌhuiantarahuë. Yaꞌipi Cotia partintaꞌ inachachin shaꞌhuiantarahuë. Nisha piyapiꞌsantaꞌ aꞌchintërahuë. ‘Co noyahuëꞌ yonquiramasopita naniantatomaꞌ, Yosë chachin tahuërëtaantacoꞌ. Tëhuënchachin imapatamaꞌ, noya nisaramaꞌ,’ itërahuë.

Efesios 5:8

Iráca tashi pochin cancantopiramahuëꞌ, iporasoꞌ Yosë imaramaꞌ niꞌton, anoyacantërinquëmaꞌ tahuëri pochin nicacamaso marëꞌ. Napoaton tahuëri pochin nicoꞌ.

Efesios 5:9

Tahuëri pochin cancantohuatamaꞌ, nóya nisaramaꞌ. Noꞌtëquënáchin yonquiatomaꞌ, noyápiachin cancantaramaꞌ.

Filipenses 1:11

Quisocristo catahuahuachinquëmaꞌ, noyasáchin nisaramaꞌ. Ina quëran aꞌnapitantaꞌ nicatënquëmaꞌ, Yosë yonquiapi. “Ma noya Yosëri catahuarin niꞌton, noya nipi. Ma noyacha Yosëso paya,” tosapi.